1 Rey 16:19 - Kaqchiquel Bible

¹⁹ Ri Zimrí kan xmakun k'a chuwech ri Jehová y xa xuben achi'el xuben ri Jeroboam; y roma ri mak ri' xemakun chuqa' ri winaqi' richin Israel.

1 Rey 16:19 ပူးပေါင်းရင်းမြစ်များ

1 Rey 15:26

Ri Nadab xmakun k'a chuwech ri Jehová y xuben achi'el xuben ri Jeroboam ri rutata', y rik'in ri mak ri' xuben richin xemakun konojel aj-Israel.

1 Rey 15:34

Xmakun chuqa' chuwech ri Jehová, y xa xuben achi'el xuben ri Jeroboam, y roma ri mak ri' xemakun chuqa' ri winaqi' richin Israel.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

1 Rey 16:13

roma ri rumak rija' y ri rumak ri Elá ri ruk'ajol. Kan xemakun rije' y xkiben chuqa' chi xemakun ri tinamit Israel toq xkiya' kiq'ij ch'aqa' chik dios. Rik'in ri' xkiyek royowal ri Jehová Dios richin Israel.

1 Rey 16:7

Ri Jehová kan rubin chik k'a chire ri Jehú ri q'alajirisey ruch'abel, ri xtuk'uluwachij ri Baasá y chuqa' chikij konojel ri ek'o pa rachoch, roma ronojel ri mak ri xuben chuwech ri Jehová, y xuben chire richin xuyek royowal. Roma ri' xkebek'is ri Baasá y ri ek'o pa rachoch, achi'el xuben chire ri Jeroboam.

1 Rey 15:30

roma ri mak ri xuben ri Jeroboam, kan rik'in ri' xemakun konojel israelita, y rik'in ri' xuben richin xuyek royowal ri Jehová, Dios richin Israel.

1 Rey 16:26

Kan xuben k'a achi'el xuben ri Jeroboam ri ruk'ajol ri Nabat, y rik'in ri mak ri' xuben chike richin xemakun konojel aj-Israel, y kan xuyek k'a royowal ri Jehová Dios koma ri ch'aqa' chik wachibel ri nikiya' kiq'ij.