1 Rey 15:8 - Kaqchiquel Bible

⁸ Xuxlan k'a el ri Abiam y xmuq akuchi e muqun-wi ri rute-rutata' chupan ri rutinamit kan ri rey David, y ri xk'oje' kan pa ruk'exel ri Abiam ja ri Asá ri ruk'ajol.

1 Rey 15:8 ပူးပေါင်းရင်းမြစ်များ

2 Crón 14:1

Toq ri Abiam xken, xmuq chupan ri tinamit richin kan ri rey David. Jari' toq xk'oje' kan pa ruk'exel ri Asá ri ruk'ajol, y xk'oje' k'a lajuj juna' uxlanibel-k'u'x chupan ri ruwach'ulew ri'.

1 Rey 14:31

Xuxlan k'a ri Roboam y xmuq akuchi e muqul-wi ri rute-rutata' pa rutinamit kan ri rey David, y ri rute' ri Roboam rubini'an Naamá aj-Amón. Y ri xk'oje' kan pa ruk'exel ja ri ruk'ajol ri rubini'an Abiam.

1 Crón 3:9

Jare' k'a ri e ralk'ual ri David ri xek'oje', y man xe'ajlex ta k'a ri ch'aqa' chik ralk'ual ri xe'alex kik'in ri e ru-concubina. Y re' xk'oje' jun kana' xubini'aj Tamar.

1 Rey 14:1

Ri Jeroboam k'o k'a jun ti ruk'ajol ri rubini'an Abías, y chupan ri q'ij ri' ri ak'ual xk'uluwachij k'a jun yabil.

1 Rey 15:9

Toq ri Jeroboam k'a k'es na, y chupan ri juna' juwineq richin ri ruq'atbal-tzij pa ruwi' ri Israel, jari' toq xok kan rey ri Asá, ri ruk'ajol ri Abiam, ri chiri' pa Judá.

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

1 Crón 3:10

Ri e rijatzul kan ri Salomón: Je ri Roboam, ri Abías, ri Asá, ri Josafat, ri Joram, ri Ocozías, ri Joás, ri Amasías, ri Azarías, ri Jotam, ri Acaz, ri Ezequías, ri Manasés, ri Amón, y ri Josías.