1 Rey 15:27 - Kaqchiquel Bible

²⁷ Y ri Baasá, ruk'ajol kan ri Ahías, ri aj-ruwach'ulew Isacar, xerumol k'a achi'a' y xerachibilaj richin xyakatej chirij ri Nadab. Xberusutij-rij ri tinamit Guibetón, jun tinamit kichin kan ri aj-Filistea. Y chiri' xukamisaj-wi ri rey Nadab.

1 Rey 15:27 ပူးပေါင်းရင်းမြစ်များ

1 Rey 14:14

Chirij re' ri Jehová kan xtucha' jun ru-rey richin nuya' pa ruwi' ri rutinamit Israel; y re rey re' xkeberuk'isa' ri aj pan awachoch toq xtapon ri q'ij.

Wuj Richin ri Josúe 21:23

Ri tzobaj richin ri Dan xkijech kan ri tinamit Eltequé, Guibetón,

Wuj Richin ri Josúe 19:44

Eltequé, Guibetón, Baalat,

1 Rey 16:15

Toq ri Asá k'a k'es na y chupan ri juna' juwineq wuqu' richin ri ruq'atbal-tzij pa ruwi' ri Judá, jari' toq xok kan rey ri Zimrí, ri chiri' pa tinamit Tirsá. Xuq'et k'a tzij wuqu' q'ij. Y chupan ri q'ij ri' ri aj-labal richin Israel ek'o-qa pa tinamit Guibetón richin nikiben oyowal kik'in ri winaqi' aj-Filistea.

2 Rey 12:20

Y xeyakatej k'a ka'i' rusamajela' chirij ri Joás y xkikamisaj pa jun jay ri k'o akuchi taq'ajun-q'anej rik'in ulew, y re' k'o pa relebel-q'ij chire ri Jerusalem chunaqaj ri bey ri nibe pa tinamit Silá.

1 Rey 16:17

Y ri Omrí y konojel aj-labal xe'el-el chiri' pa Guibetón, y xbekisutij-rij ri tinamit Tirsá.

1 Rey 16:9

Pan Israel k'o k'a jun achin ri aj-raqen pa ruwi' ri nik'aj chike ri kajlabal ri carruaje richin oyowal richin ri Elá, y rija' rubini'an Zimrí. Y k'o k'a jun q'ij ri Elá k'o pa Tirsá, pa rachoch ri Arsá ri samajel ri k'o pa kiwi' ri ch'aqa' chik samajela' ri e yuqul pa samaj pa rachoch rija'. Y ri Zimrí xyakatej chirij ri rey Elá, toq ri rey Elá k'o chiri' pa rachoch ri Arsá, y kan janila q'abarel.

1 Rey 15:28

Toq ri Baasá xukamisaj ri Nadab, jari' toq ri Asá ruchapon rox juna' tok kan rey chiri' pa Judá, y ja ri Baasá xok kan pa ruk'exel ri Nadab chiri' pan Israel.

1 Rey 16:7

Ri Jehová kan rubin chik k'a chire ri Jehú ri q'alajirisey ruch'abel, ri xtuk'uluwachij ri Baasá y chuqa' chikij konojel ri ek'o pa rachoch, roma ronojel ri mak ri xuben chuwech ri Jehová, y xuben chire richin xuyek royowal. Roma ri' xkebek'is ri Baasá y ri ek'o pa rachoch, achi'el xuben chire ri Jeroboam.

1 Rey 16:10

Ri Zimrí xapon k'a chiri' pa jay akuchi k'o-wi ri rey Elá y xukamisaj. Ronojel re' xbanatej k'a chupan ri juna' juwineq wuqu' chire ri q'atbel-tzij richin ri Asá, rey richin Judá. Y ja ri Zimrí xok kan rey pa ruk'exel ri Elá.

1 Rey 16:16

Y ri aj-labal aj-Israel ri ek'o-qa chiri', toq xkak'axaj chi ri Zimrí xyakatej chirij ri Elá y xukamisaj, jari' toq konojel rije' xeyakatej y xkiya' kan rey ri jun achin aj-raqen kichin ri aj-labal, ri rubini'an Omrí.

2 Rey 9:14

Keri' ri Jehú ruk'ajol ri Josafat y rumam kan ri Nimsí, xuchop xupaba-ri' chuwech ri Joram. Ri Joram xk'oje-el pa tinamit Ramot ri k'o pa Galaad kik'in konojel ri aj-Israel richin xuchajij, roma ri Hazael rey richin Siria kan nrajo' nuben oyowal kik'in.

2 Rey 12:21

Y ri xekamisan richin ri Joás ja ri Josacar ruk'ajol ri Simat, y ri Jozabad ruk'ajol ri Somer. Xkimuq k'a ri Joás akuchi e muqun-wi ri rute-rutata' ri pa rutinamit kan ri rey David. Y ri xk'oje' kan pa ruk'exel richin xuq'et-tzij ja ri Amasías ri ruk'ajol.

2 Crón 24:25

Ri Joás kan xsokotej k'a kan chire ri oyowal ri' y kan jurayil xuben kan y toq ri aj-Siria xe'el-el chiri', jari' toq ri rusamajela' xeyakatej chirij y xkikamisaj kan chiri' pa ruch'at, roma rija' xukamisaj ri Zacarías, ruk'ajol kan ri Joiadá. Ri Joás xmuq chiri' pa rutinamit kan ri rey David y man xmuq ta k'a ri akuchi e muqun-wi ri ch'aqa' chik rey.