1 Rey 15:20 - Kaqchiquel Bible

²⁰ Y ri Ben-hadad xjunamatej-ruwech rik'in ri rey Asá, y xeruteq-el ri achi'a' ri e aj-raqen pa kiwi' ri aj-labal, richin xbekibana' oyowal kik'in ri aj-Israel. Y keri' xkich'ek ri tinamit Iión, ri Dan, ri Abel-bet-maacá, ri ruwach'ulew Quinéret y chuqa' chijun ruwach'ulew richin ri Neftalí.

1 Rey 15:20 ပူးပေါင်းရင်းမြစ်များ

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

Wuj Kichin ri To'onela' 18:29

y xkijel k'a rubi', y xkibij Dan chire, achi'el ri rubi' ri kitata', ri ruk'ajol kan ri Israel.

Wuj Richin ri Josúe 11:2

y chuqa' chike ri rey ri ek'o chuwa taq juyu' ri ek'o pa xaman, ri ek'o pa taq'aj kojol juyu' ri k'o pa xokon chire ri choy richin Quinéret, ri ek'o pa taq'aj chuwech ri palou y ri ek'o pa tinamit Nafot-dor ri k'o pa qajbel-q'ij chire ri ruwach'ulew,

1 Rey 12:29

K'ari' xberuya' kan jun pa xokon chiri' pa tinamit Betel, y ri jun chik xberuya' kan pa xaman chiri' pa tinamit Dan.

Wuj Richin ri Josúe 12:3

Y chuqa' xuq'et-tzij pa kiwi' ri winaqi' ri ek'o pa taq'aj ri k'o chunaqaj ri raqen-ya' Jordán, ri nitiker-pe chuchi' ri choy richin Quinéret ri k'o pa xaman y napon k'a pa Tzayi-Choy, y re' k'o pa ruchojmilal ri bey ri nibe pa tinamit Bet-jesimot ri k'o pe chuxe' ri ruwi-juyu' Pisgá.

Wuj Richin ri Rutikeribel 14:14

Y toq ri Abram xrak'axaj chi ri Lot, ri ruch'utik'ajol xuk'uex-el koma ri rey ri xech'akon, rija' xuya' kikamisabal ri samajela' ri e alaxineq pa rachoch. Xebe e 318 achi'a' y xekitzeqelibej k'a pa tinamit rubini'an Dan.

1 Rey 20:1

K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

1 Rey 20:34

Jari' toq ri Ben-hadad xubij chire ri Acab chi xkerutzolij ri tinamit ri e rumajon kan ri rutata' rija' chire ri rutata' ri Acab. Y ri Ben-hadad xuya' q'ij chire ri Acab chi kerubana' jay richin k'ayij pa tinamit Damasco achi'el xuben ri rutata' rija' ri chiri' pa Samaria. Y ri Acab xubij chire chi wi keri', rija' kan xtuya' k'a el q'ij chire richin nitzolej pa Damasco. Y keri' ri Acab xuben k'a jun jikibel-tzij rik'in ri Ben-hadad, y xuya-el q'ij chire richin xbe.

Wuj Richin ri Josúe 19:39

Jare' ri kiruwach'ulew rik'in ri tinamit y ri kokoj kitinamit. Ja ronojel re' ri xkichinaj kan ri tzobaj richin ri Neftalí, xya'ox chike achi'el ri kajlabal chi kach'alal-ki'.