1 Rey 15:19 - Kaqchiquel Bible

¹⁹ Y rik'in ronojel ri beyomel ri kik'uan ri samajela', chuqa' xuteq-el rubixik: Yin xinteq k'a el chawe jun sipanik, juba' saqipueq y juba' q'anapueq. Wakami k'a tijunamatej-qawech roj, achi'el xkiben ri qatata'. Yin niwajo' chi rat yabe ta rik'in ri Baasá, rey richin Israel, richin nawelesaj-awi' chupan ri jikibel-tzij ri abanon rik'in, richin chi rija' kerelesaj-el ri aj-labal ri e okineq-pe pa nuruwach'ulew, xcha-el ri Asá chire.

1 Rey 15:19 ပူးပေါင်းရင်းမြစ်များ

Romanos 3:8

Man tich'ob chi ri banoj-etzelal nuk'en-pe utz. Jak'a kan ek'o k'a ri e biyon chi yin keri' ninch'ob, y re' xaxe richin yech'on itzel chuwij. Roma ri' ri yech'obon keri', kan ruk'amon chi niqaqa ruk'ayewal pa kiwi'.

Romanos 1:31

Man niq'axon ta kánima nikiben itzel. Nikiq'ej ri kitzij, man jun joyowanik k'o kik'in.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

2 Crón 16:7

Chirij ri' xapon jun achin ri nitz'eton ri peteneq chiqawech, rik'in ri Asá y ri achin ri' rubini'an Hananí. Y xubij chire ri Asá: Roma xa rik'in ri rey richin Siria xakuquba' ak'u'x y man xakuquba' ta ak'u'x rik'in ri Jehová ri qa-Dios, roma ri' ri aj-labal richin ri rey aj-Siria xa man xkebek'oje' ta pan aq'a'.

2 Crón 16:3

Yin xinteq k'a el chawe jun sipanik rik'in juba' saqipueq y juba' q'anapueq. Wakami k'a tijunamatej k'a qawech roj, achi'el xkiben ri qatata'. Yin niwajo' chi rat yabe ta rik'in ri Baasá, rey richin Israel, richin nawelesaj-awi' chupan ri jikibel-tzij ri abanon rik'in, richin chi rija' kerelesaj-el ri aj-labal ri e okineq-pe pa nuruwach'ulew, xcha-el ri Asá chire.

2 Sam 21:2

Ri gabaonita man e israelita ta. Xa jun tinamit ri xek'oje' kan chike ri amorreo, ri achoq ik'in xkiya' kitzij ri israelita richin man yekikamisaj ta. Jak'a ri Saúl xa xuchop kikamisaxik, roma man nrajo' ta chi ri winaqi' ri' yek'oje' chikikojol ri israelita. Roma ri' ri rey David xeroyoj ri gabaonita, richin xch'on kik'in.

1 Rey 15:16

Y chijun k'a ri kik'aslen ri Asá y ri Baasá, rey richin Israel, kan jantape' xk'oje' oyowalen chikikojol.

2 Rey 18:15

Keri' ri Ezequías xuya' k'a ronojel ri saqipueq y ri q'anapueq ri xril chupan ri rachoch ri Jehová y ri k'o chupan ri beyomel ri k'o chiri' chupan ri rachoch rija'.