1 Rey 15:18 - Kaqchiquel Bible

¹⁸ K'ari' ri Asá xberuk'ama-pe ronojel saqipueq y q'anapueq ri k'a k'o na kan chupan ri beyomel richin ri rachoch ri Jehová y ri k'o chuqa' chupan ri rubeyomel ri rachoch rija'. Xeruteq-el ri rusamajela' rik'in ri Ben-hadad ri rey richin ri ruwach'ulew Siria. Rija' ruk'ajol ri Tabrimón y rumam kan ri Hezión. Y ri Ben-hadad niq'aton-tzij chiri' pa tinamit Damasco.

1 Rey 15:18 ပူးပေါင်းရင်းမြစ်များ

2 Rey 12:18

Jak'a ri Joás, rey richin Judá xuk'uaj k'a el ronojel ri beyomel ri e jachon chik chire ri Jehová pa rachoch. Y re beyomel re' e kisipan kan ri rey Josafat, ri Joram y ri Ocozías. Xuk'uaj-el chuqa' ri rujachon chik rija' chire ri Jehová. Jak'a ronojel ri q'anapueq ri xkil chupan ri ruyakonabal ri rachoch ri Jehová y pa rachoch rija', xuteq-el chire ri Hazael rey richin Siria, richin man xuben ta chik oyowal rik'in ri tinamit Jerusalem.

1 Rey 14:26

Ri aj-labal richin Egipto xkik'uaj-el ronojel ri beyomel richin ri rachoch ri Jehová, y chuqa' ronojel ri beyomel richin ri rachoch ri rey. Chuqa' xekik'uaj k'a el ri tobel ri e banon rik'in q'anapueq ri rubanon kan ri rey Salomón.

1 Rey 15:15

Chuqa' xuya-apo chupan ri rachoch ri Jehová ri rusujun kan ri rutata', y ri rusujun-apo rija'; ri q'anapueq, ri saqipueq y ri jalajoj kiwech samajibel.

Wuj Richin ri Rutikeribel 14:15

Y toq xokoq'a-qa, ri Abram y ri achi'a' ri e beneq rik'in, chaq k'ate' xekichop chi oyowal ri kaji' rey ri' y ri kiwinaq, y xekitzeqelibej k'a pa tinamit Hobá ri k'o pa xaman chire ri tinamit Damasco.

Am 1:4

Roma ri' xtinya' ruq'aq'al ri rachoch ri rey Hazael, y ri q'aq' ri' xtuk'is k'a chuqa' ri jay richin tobel ri richin ri rey Ben-hadad.

Wuj Richin ri Jeremías 49:27

Kan xtinbenya' ruq'aq'al ri tz'aq ri k'o chirij ri itinamit y re' kan xtuk'is chuqa' ri rachoch ri rey Ben-hadad ri akuchi niq'aton-wi-tzij, xcha' ri Dios.

2 Crón 15:18

Y xuya-apo chupan ri rachoch ri Dios ri rusujun kan ri rutata' y ri rusujun-apo rija'; ri saqipueq y ri q'anapueq y ri jalajoj kiwech taq samajibel.

Wuj Richin ri Rutikeribel 15:2

Y ri Abram xubij: Wajaw Jehová, rat jebel awetaman chi yin e maneq walk'ual ri xke'ichinan ta kan ronojel ri nubeyomel ri k'o wik'in, xaxe ri Eliézer ri k'o pa kiwi' ri nusamajela', ri achin aj-Damasco.

2 Rey 12:17

Chupan k'a ri q'ij ri' ri Hazael rey richin Siria, xyakatej richin xberubana' oyowal rik'in ri tinamit Gat, y xeruch'ek k'a. Y k'ari' xjote-el richin xberubana' oyowal kik'in ri aj-Jerusalem.

2 Rey 12:19

Ri ch'aqa' chik rubanobal ri Joás y ronojel ri xerubanala' kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Judá.