1 Rey 15:14 - Kaqchiquel Bible

¹⁴ Ri ránima rija' kan xuya' k'a richin xuben ri xrajo' ri Jehová chupan chijun ruk'aslen, stape' xa man xeruwulaj ta el ri akuchi xya-wi kiq'ij ri ch'aqa' chik dios ri pa ruwi' taq juyu'.

1 Rey 15:14 ပူးပေါင်းရင်းမြစ်များ

1 Rey 22:43

Y kan xutaqej k'a ri rupixa' ri Asá ri rutata' y kan man xujech'ej ta kan ri'; kan utz k'a xuben chuwech ri Jehová. Man rik'in ri', ri winaqi' xa k'a xkisuj na kamelabel y k'a xkiporoj na pom pa ruwi' taq juyu'. Ri winaqi' kan k'a xe'apon na chiri' roma ri porobel ri' man xe'elesex ta kan.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

1 Rey 8:61

Ri qánima kan ta choj k'a chuwech ri Jehová ri qa-Dios, qojbiyin chupan ri rubey y tiqataqej ronojel ri pixa' achi'el re yojtajin chubanik wakami, xcha' chike.

2 Rey 12:3

Man rik'in ri', ri akuchi niya-wi kiq'ij ri wachibel pa ruwi' taq juyu' man xe'elesex ta, y roma ri' ri winaqi' k'a nikisuj na kamelabel chiri', y k'a nikiporoj na pom chiri' chuqa'.

2 Crón 14:5

Chuqa' xerelesaj chupan ronojel tinamit ri k'o pa ruwach'ulew Judá, ri akuchi niya'ox-wi kiq'ij ri ch'aqa' chik dios y chuqa' akuchi niporox-wi pom. Y roma keri' xuben rija', kan xk'oje' k'a uxlanibel-k'u'x janipe' xuq'et-tzij.

2 Crón 14:3

Xerelesaj-el ri porobel kichin ri ch'aqa' chik dios ri ek'o pa ruwi' taq juyu' y xeruyoj jumul ri akuchi niya'ox-wi kiq'ij. Chuqa' xerupaxij ronojel ri paban taq abej y chuqa' ri ruwachibel ri dios ixoq rubini'an Asera.

2 Rey 14:4

Roma ri' ri akuchi niya'ox-wi kiq'ij wachibel pa ruwi' taq juyu' man xe'elesex ta, y ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

2 Crón 25:2

Ri Amasías kan xutaqej k'a ri nubij ri pixa' richin ri Jehová, stape' man kan ta rik'in ronojel ránima.

2 Crón 16:9

Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

2 Rey 15:4

Man rik'in ri', man xe'elesex ta ri akuchi nikiya' kiq'ij ri wachibel pa ruwi' taq juyu' roma ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

1 Rey 11:4

y toq ri rey Salomón xapon pa rurijixinen, ri ixoqi' kan kisachon chik k'a ruk'u'x y xerutzeqelibej ri ch'aqa' chik dios. Ri ránima kan man choj ta chik chuwech ri Jehová ri ru-Dios. Kan man xuben ta achi'el xuben ri David ri rutata',

1 Rey 3:2

Roma man jani tikipaba-q'anej ri rachoch ri Jehová pa Jerusalem, konojel ri winaqi' k'a nikisuj na kamelabel chuwech ri Jehová ri pa ruwi' taq juyu'.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.