1 Rey 15:12 - Kaqchiquel Bible

¹² Y rija' kan xerelesaj-el ri achi'a' ri kijachon-ki' chubanik itzel k'aslen richin xkiya' kiq'ij ri ki-dios, y xeruwulaj k'a el ronojel wachibel ri e kibanalon kan ri rutata' y ri e rati't-rumama'.

1 Rey 15:12 ပူးပေါင်းရင်းမြစ်များ

1 Rey 22:46

Rija' xeruk'is k'a el chupan ri ruwach'ulew ri achi'a' ri kijachon-ki' chubanik itzel k'aslen richin xkiya' kiq'ij ri ki-dios, ri k'a ek'o na kan ri man xtikir ta xerelesaj kan ri Asá ri rutata'.

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

1 Pedro 1:18

Ri Dios xixrukol chuwech jun k'aslen ri maneq ruchojmilal, ri xiwichinaj kan kik'in ri iwati't-imama' man rik'in ta q'anapueq ni saqipueq ri xa nik'is,

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

Deut 23:17

Man tichop jun itzel k'aslen achi'el nikiben ri ch'aqa' chik winaqi', chi ri ixoqi' yek'oje' kik'in achi'a', y ri achi'a' yek'oje' kik'in kach achi'a' pa rachoch ri ki-dios, richin yeqa' chuwech ri ki-dios.

1 Rey 21:26

Ri Acab kan janila k'a itzel ri rubanobal chuwech ri Jehová, roma kan xuya' kiq'ij ri kiwachibel ri ch'aqa' chik dios, achi'el xkiben konojel ri winaqi' amorreo, ri xe'elesex-el chikiwech ri israelita roma ri Jehová.

2 Rey 23:7

Y chuqa' xebe chuwa-jay richin ri rachoch ri Jehová, y kan xkiwulaj-el ri jay ri akuchi ek'o-wi ri achi'a' ri man choj ta kik'aslen, y ri akuchi ek'o-wi ri ixoqi' ri nikikem tzieq richin nikiya' ruq'ij ri Asera.

1 Rey 22:47

Chupan ri q'ij ri', maneq rey pa ruwach'ulew Edom, y pa ruk'exel rey xa jun k'a q'atoy-tzij ri ruya'on ri Josafat chiri'.