1 Rey 14:9 - Kaqchiquel Bible

⁹ Jak'a rat, xa kan janila k'a itzel ri abanalon-pe chikiwech konojel janipe' ri xeq'ax yan el chupan ri ajawaren. Rat xaya' kan awij chinuwech, y roma ri' xayek janila woyowal. Kan xe'abanala-qa kiwachibel ch'aqa' chik dios ri e banon rik'in q'eqapueq ri ya'erisan pa q'aq'.

1 Rey 14:9 ပူးပေါင်းရင်းမြစ်များ

Ez 23:35

Roma rat Jerusalem xa xinamestaj kan y xapiskolij-el-awi' chinuwech, roma ri' k'o chi xtatoj ri rutojbalil ri amak toq xachop jun itzel k'aslen, xcha' ri Jehová.

Wuj Richin Bix Chire ri Dios 50:17

Rat xa nawetzelaj ri ruchojmilal ri ninya' yin. Xa naben chire ri nuch'abel chi kan man jun rejqalen.

Wuj Richin ri Nehemías 9:26

Jak'a ri qati't-qamama' xa xeyakatej chawij, y kan man xkitaqej ta k'a ri apixa'. Toq xe'ateq e q'alajirisey ri ach'abel richin xkibij chike chi titzolej-pe kik'u'x awik'in, xa xekikamisaj. Kan janila k'a nima'q taq mak xekibanala' y re' kan xuben chawe richin xmulun ak'u'x.

2 Crón 11:15

Y ri Jeroboam e rukanon ru-sacerdote richin yesamej pa ruwi' taq juyu' ri akuchi nikiya' ruq'ij ri ch'aqa' chik dios, richin nikiya' kiq'ij ri aj-tzay y ri ka'i' nima-alaji' achija' taq wákix ri xeruben rik'in q'anapueq.

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

Ex 34:17

Man k'a ke'iben ch'aqa' chik dios ri e banon rik'in ch'ich' ya'erisan pa q'aq'.

1 Corintios 10:22

¿Niwajo' rix richin niyek royowal ri Dios? ¿Kan yixtikir kami rix nipaba-iwi' chuwech rija' rik'in ri ibanobal?

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Ez 8:3

Y ri wineq ri' xuya' k'a pe ri ruq'a' chuwe y xirujik'-el chirusumal-nuwi' y rik'in uchuq'a' xirutzeqej-el chikaj. Y pa jun achi'el achik' xiruk'uaj k'a pa rachoch ri Jehová ri k'o k'a pa Jerusalem, ri akuchi k'o-wi ri okibel ri k'o pa xaman chire ri ruwa-jay ri k'o-apo. Y chiri' k'o jun ruwachibel jun dios ri kibanon ri winaqi', ri niyako royowal ri Jehová.

Wuj Richin Bix Chire ri Dios 106:29

Kan xkiyek k'a royowal ri Dios rik'in ri itzel taq kibanobal. Y roma ri' kan xpe k'a ri kamik chikikojol.

Wuj Richin Bix Chire ri Dios 78:40

¡Kan janipe' na k'a mul xeyakatej chirij chiri' pa tz'iran ruwach'ulew! Kan xkiya' k'a q'axo'n rik'in chupan ri ruwach'ulew ri'.

Wuj Richin Bix Chire ri Dios 78:56

Jak'a rije' xa jantape' xkitejtobej y xkiyek royowal ri nimalej Dios, y man xkiben ta ri nubij ri rupixa' ri ruya'on chike.

2 Crón 33:6

Chuqa' kan xeruporoj ri ralk'ual richin kamelabel chiri' pa taq'aj kojol juyu' richin Ben-hinom. Kan xeruk'ulubej k'a ri yech'on kik'in ri espíritu richin nretamaj ri peteneq chuwech, y chuqa' xch'on kik'in ri kaminaqi'. Xuya' q'ij chi xek'oje' chik ri aj-itza'. Kan xik'o k'a ruwi' ri itzel xuben. Ronojel re' kan man xqa' ta chuwech ri Jehová, y roma ri' xyakatej janila royowal.

2 Rey 23:26

Man rik'in ri', ri Jehová man xqaqa ta ruwi' ri royowal, roma kan k'a royowal na chike ri aj-Judá roma ronojel itzel ri xuben ri Manasés ri xuben chi xuyek royowal ri Jehová.

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

1 Rey 16:31

Ri Acab kan man xuch'ob ta juba' chi xa mak ri xerubanala' ri Jeroboam ri ruk'ajol ri Nabat, y kan jari' ri xuchop rubanik rija'. Pa ruwi' ri' kan xk'ule' rik'in jun ixoq rubini'an Jezabel, rumi'al ri Et-baal rey kichin ri aj-Sidón. Ri Acab xuchop k'a rusamajixik y ruya'ik ruq'ij ri Baal.

1 Rey 15:34

Xmakun chuqa' chuwech ri Jehová, y xa xuben achi'el xuben ri Jeroboam, y roma ri mak ri' xemakun chuqa' ri winaqi' richin Israel.

1 Rey 14:22

Ri winaqi' aj-Judá xa kan xkiben chuqa' ri etzelal, y roma ri' kan janila xkiyek royowal ri Jehová. Rije' kan más k'a xemakun chikiwech ri kati't-kimama'.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

Wuj Kichin ri To'onela' 5:8

Toq ri nuwinaq xekicha' ch'aqa' chik dios, jari' toq ri labal xoqaqa qik'in, y chuqa' kan man jun tobel ni ta kamisabel ri k'o ta pa kiq'a' ri nuwinaq, pa kiq'a' ri e 40,000 achi'a' ri ek'o chiqakojol.

Deut 32:21

Xiben chuwe richin itzel xinna' chiwe, roma rix xiyala' kiq'ij ch'aqa' chik dios. Y chuqa' xiyek woyowal, roma kan xe'itzeqelibej ch'aqa' chik dios ri xa man jun yetikir nikiben. Wakami kan xtinben k'a chiwe richin itzel xtina' chuwe. Y xtinyek iwoyowal, roma rix ix jun tinamit nakanik.

Deut 9:24

Kan ja ri q'ij toq yin xinwetamaj kiwech; xentz'et chi kan yalan kikowirisan-ki' chuwech ri Jehová.

1 Rey 15:29

Y ri Baasá kan xaxe toq xok kan chupan ri q'atoy-tzij xerukamisaj konojel ri aj pa rachoch ri Jeroboam, y kan man jun chik ri xuk'asba' ta kan. Xuben wi k'a achi'el rubin ri Jehová chire ri rusamajel Ahías ri aj-Siló,

1 Rey 16:25

Jak'a ri Omrí xa kan itzel k'a ri rubanobal chuwech ri Jehová, y ja rija' ri más xmakun chikiwech ri rey ri xek'oje' nabey chuwech rija'.

1 Rey 16:30

Y xk'oje' pa tinamit Samaria richin xuq'et-tzij. Xuq'et k'a tzij juwineq ka'i' juna' ri chiri'. Y ri Acab xa kan itzel k'a ri rubanobal chuwech ri Jehová, y ja rija' ri más xmakun chikiwech ri rey ri xek'oje' nabey chuwech rija'.

1 Rey 16:33

Chuqa' xuben-q'anej jun paban-che' richin nikiya' ruq'ij ri Asera. Ja rija' ri más xmakun chikiwech ri rey ri xek'oje' nabey chuwech rija', y roma ri' xuyek royowal ri Jehová ri Dios richin Israel.

2 Rey 3:3

Man rik'in ri', xa kan xmakun achi'el xuben ri Jeroboam ruk'ajol ri Nabat, y xuben chire ri tinamit Israel chi xmakun, y kan man xuya' ta kan ri mak ri'.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Wuj Richin ri Jeremías 7:18

Ri alk'ualaxela' nikimol-pe si', ri tata'aj nikibox ri q'aq', ri kixjayilal nikiben ke'en richin nikiben kaxlan-wey richin nikisuj chire ri ixoq dios rubini'an Reina Richin ri Kaj. Kan nikiyek woyowal roma ri' y chuqa' nikiyek janila woyowal toq nikiya' sipanik chikiwech dios ri man ketaman ta kiwech.

Wuj Richin ri Jeremías 32:18

¡Rat kan nak'ut k'a ri awajowabal pa kiwi' janila chi winaqi'. Jak'a chuqa' naya' rutojbalil pa kiwi' ri winaqi' roma ri kimak ri kite-kitata'! ¡Jehová kan janila nim ak'ojlen y ri abi' ja ri Jehová k'iytisanel richin ronojel!

Wuj Richin ri Chojmirisabelri'il 19:4

Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

1 Rey 15:30

roma ri mak ri xuben ri Jeroboam, kan rik'in ri' xemakun konojel israelita, y rik'in ri' xuben richin xuyek royowal ri Jehová, Dios richin Israel.

Wuj Richin ri Nehemías 9:25

Y rije' xekich'ek chuqa' ri tinamit ri e sutin-kij chi tz'aq y ulew richin tiko'n. Chuqa' xok kan kichin ri kachoch ri winaqi' aj chiri', jay e nojineq rik'in beyomel. Chuqa' xok kan kichin ri ralaxbel taq ya', utzilej taq qejoj ri tikon uva y che' olivo, chuwech y ronojel che' ri nuya' ruwech. Xkitej k'a ronojel ri' y janila k'a xeti'ojir. Y xekikot k'a roma ri awutzil rat.

Wuj Richin ri Jeremías 7:26

Jak'a ri iwati't-imama' xa man xkinimaj ta nutzij y man jun rejqalen xkiben chire ri nuch'abel. Y xa kan xkikowirisaj ri kánima y xa kan más itzel xkiben rije' chikiwech ri kati't-kimama'.