1 Rey 14:8 - Kaqchiquel Bible

⁸ Yin xinwelesaj k'a el ri ajawaren chuwi-kiq'a' ri aj pa rachoch kan ri David, richin xinya' chawe rat. Jak'a rat man xaben ta achi'el xuben ri David ri nusamajel; rija' kan xutaqej ri nupixa' y xirutzeqelibej rik'in ronojel ránima, y ri rubanobal kan choj xuben chinuwech.

1 Rey 14:8 ပူးပေါင်းရင်းမြစ်များ

1 Rey 15:5

Ri David kan choj k'a ri rubanobal ri xeruben chuwech ri Jehová, y kan man xujech'ej ta kan ri' rik'in ri rupixa' ri Jehová ronojel q'ij chire ri ruk'aslen, ri xumakuj xa kan xaxe ri xuben rik'in ri Urías ri hitita.

Hechos 13:36

Jak'a ri David, toq xa kan ruk'ison chik k'a kan ri samaj ri ruya'on-pe ri Dios chire, xken, y xbemuq kan ri akuchi e muqul-wi ri e rati't-rumama'. Xa kan xq'ey-wi k'a ri'.

Hechos 13:22

Toq ri Dios xrajo' chi ri Saúl xel chupan ri q'atbel-tzij, xuya' ri David richin chi xok rey. Ri Dios kan xubij k'a chirij ri rey David: Kan k'o-wi jun ri xtuben ri nurayibel y kan niqa' chinuwech. Yin kan nintz'et k'a chi ri xtibanon keri' ja ri David ri ruk'ajol ri Isaí. Keri' xubij ri Dios.

2 Crón 28:1

Ri Acaz k'o k'a juwineq rujuna' toq xuchop nuq'et-tzij pa ruwi' ri ajawaren Judá chiri' pa Jerusalem, y waqlajuj k'a juna' xq'aton-tzij, jak'a ri rubanobal kan man utz ta k'a chuwech ri Dios; man xuben ta achi'el xuben ri David ri rumama'.

2 Crón 17:3

Ri Jehová kan xk'oje' k'a rik'in ri Josafat roma pa taq rutikeribel chire ri ruk'aslen kan xutzeqelibej k'a ri bey ri xutzeqelibej ri David ri rumama', y man xuya' ta k'a kejqalen ri wachibel kichin ri Baal.

1 Rey 3:14

Y wi xtatzeqelibej ri nubey y kan xtataqej ronojel ri ninbij chawe achi'el xuben ri David ri atata', xtinya' k'a k'iy juna' ak'aslen, xcha' ri Jehová.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.