1 Rey 14:4 - Kaqchiquel Bible

⁴ Y ri rixjayil ri Jeroboam kan keri' xuben: Xbe k'a pa Siló chirachoch ri Ahías, y ri Ahías xa kan moy chik roma k'o chik k'iy rujuna'.

1 Rey 14:4 ပူးပေါင်းရင်းမြစ်များ

1 Rey 11:29

K'o k'a jun q'ij toq ri Jeroboam eleneq-pe chiri' pa Jerusalem ruyon, y xberuk'ulu-pe jun achin q'alajirisey ri ruch'abel ri Dios, ruyon chuqa'. Re achin re' rubini'an Ahías, y rija' aj-Siló. Ri Ahías ruq'un-el jun k'ak'a' tzieq.

1 Sam 4:15

Y ri Elí k'o chik k'a jumuch' waqxaqlajuj rujuna', y chuqa' moy chik.

1 Sam 3:2

Xapon k'a jun q'ij toq ri Elí man kan ta chik nitzu'un roma nimoyir yan y chupan k'a ri aq'a' ri' kotz'ol pa rachoch ri akuchi niwer-wi.

Wuj Richin ri Molojri'il 12:3

Toq ri aq'a' ri e chajinel richin ri jay xa yek'ark'ot chik y ri awaqen ri janila kuchuq'a' xa yesotoso'. Keri' chuqa' ri aka' ri ek'o pan achi' xa man yetikir ta chik nikikok'ij ri away, roma xa jujun chik ri ek'o kan, y ri runaq' taq awech ye'ok pa q'equ'm y man yetzu'un ta chik pe pa ventana.

Wuj Richin Bix Chire ri Dios 90:10

Ri qak'aslen chuwech re ruwach'ulew, kan xaxe k'a oxk'al lajuj juna'. Jak'a wi ek'o ri k'o más kuchuq'a', ye'apon k'a pa jumuch' kijuna'. Man rik'in ri', xa kan xaxe q'axo'n y ruk'ayewal ruk'amon-pe Ri qak'aslen xa kan chi'anin k'a niq'ax y xqojbe.

1 Rey 14:2

Y ri Jeroboam xubij chire ri rixjayil: Yin ninwajo' chi rat yabe k'a pa tinamit Siló, y yabe k'a rik'in ri Ahías ri q'alajirisey ruch'abel ri Dios, ri xbin chuwe chi ja yin xkinok rey pa ruwi' re tinamit re'. Jak'a richin man netamex ta awech chi at wixjayil yin, tajala-el awech.

Wuj Richin ri Josúe 18:1

Konojel ri winaqi' israelita xkimol-ki' chiri' pa tinamit Siló y chiri' xkipaba-q'anej ri rachoch ri Jehová richin molojri'il, y re' xkiben toq xjach yan ri ruwach'ulew chike.

Deut 34:7

Y toq xken k'a ri Moisés k'o 120 rujuna', y kan k'a jebel na nitzu'un y kan k'a kow na toq xken.

Wuj Richin ri Rutikeribel 48:10

Ri Jacob janila chik ti ri'j y man kan ta jebel chik nitzu'un. Ri José xerujeluj-apo ri ruk'ajol rik'in y rija' xerutz'ubaj y xeruq'etej.

Wuj Richin ri Rutikeribel 27:1

Kere' k'a xbanatej toq ri Isaac xrijix yan y man nitzu'un ta chik. Xroyoj k'a ri ruk'ajol Esaú ri nimalaxel y xubij chire: Nuk'ajol yin, xcha' Y rija' xubij: Jare' ink'o wawe', nata', xcha'.