1 Rey 14:31 - Kaqchiquel Bible

³¹ Xuxlan k'a ri Roboam y xmuq akuchi e muqul-wi ri rute-rutata' pa rutinamit kan ri rey David, y ri rute' ri Roboam rubini'an Naamá aj-Amón. Y ri xk'oje' kan pa ruk'exel ja ri ruk'ajol ri rubini'an Abiam.

1 Rey 14:31 ပူးပေါင်းရင်းမြစ်များ

2 Crón 12:16

Y toq ri Roboam xken, xmuq chupan ri tinamit richin ri rey David y ja ri Abiam ri ruk'ajol ri xk'oje' kan pa ruk'exel.

San Mateo 1:7

Jak'a ri Salomón xralk'ualaj ri Roboam, ri Roboam xralk'ualaj ri Abías, y ri Abías xralk'ualaj ri Asá.

1 Crón 3:10

Ri e rijatzul kan ri Salomón: Je ri Roboam, ri Abías, ri Asá, ri Josafat, ri Joram, ri Ocozías, ri Joás, ri Amasías, ri Azarías, ri Jotam, ri Acaz, ri Ezequías, ri Manasés, ri Amón, y ri Josías.

1 Rey 22:50

Xken k'a ri Josafat y xmuq pa rutinamit kan ri David; y pa ruk'exel rija' xk'oje' kan ri ruk'ajol rubini'an Joram.

1 Rey 15:24

Y rija' xuxlan k'a el, y xmuq k'a junan kik'in ri rute-rutata' chupan ri rutinamit kan ri rey David; y ri Josafat ri ruk'ajol, kan k'o chik k'a pe pa ruk'exel.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

1 Rey 11:43

Y toq ri Salomón xuxlan-el, xkimuq k'a chupan ri rutinamit kan ri David ri rutata'. Y ri xq'aton kan tzij pa ruk'exel, ja ri Roboam ri ruk'ajol.

Deut 23:3

Ri e rijatzul ri Amón y ri e rijatzul ri Moab man jun bey tik'an kiwech chupan ri molojri'il richin ri Jehová, ni ta chirij ri lajuj sol winaqi' chike ri kijatzul;

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

1 Rey 11:1

Ri rixjayil ri rey Salomón ja ri rumi'al ri rey richin Egipto, jak'a pa ruwi' ri' ek'o más ixoqi' ri xerajo' y xe'ok rixjayil. Ek'o chike rije' e aj-Moab, aj-Amón, aj-Edom, aj-Sidón y chuqa' ixoqi' hitita; konojel re ixoqi' re' man e ruwinaq ta.

1 Rey 15:1

Toq ri Jeroboam ri ruk'ajol ri Nabat, xapon chupan ri waqxaqlajuj juna' chi niq'aton-tzij pa ruwi' ri tinamit Israel, jari' toq ri Abiam xok-q'anej rey ri chiri' pa Judá.