1 Rey 14:30 - Kaqchiquel Bible

³⁰ Y chijun k'a ri kik'aslen ri Roboam y ri Jeroboam, kan jantape' xk'oje' oyowalen chikikojol.

1 Rey 14:30 ပူးပေါင်းရင်းမြစ်များ

1 Rey 12:24

Ri Jehová nubij chi man yixbe ta richin nibebana' oyowal kik'in ri qach'alal ri e rijatzul kan ri Israel. Más utz kixtzolin chi'ijujunal chi'iwachoch, roma kan ja ri Jehová ri xya'on q'ij chi keri' xbanatej, kacha' chike, xcha' ri Jehová chire ri Semaías. Toq ri winaqi' xkak'axaj ronojel re', rije' kan xkinimaj k'a ri ruch'abel ri Dios y xetzolej k'a chi taq kachoch.

1 Rey 12:21

Y toq ri Roboam xapon ri chiri' pa tinamit Jerusalem, rija' kan jari' xuteq koyoxik ri achi'a' richin ri tzobaj richin Judá y Benjamín. Chikikojol konojel ri', xerucha' k'a e 180,000 aj-labal, richin nibekibana' oyowal kik'in ri lajuj chik tzobaj israelita, y keri' nitzolin ta chik chijun ri ajawaren pa ruq'a' ri Roboam, ruk'ajol kan ri Salomón.

2 Crón 12:15

Ri ch'aqa' chik natabel richin ri Roboam, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri richin ri q'alajirisey ruch'abel ri Dios rubini'an Semaías y chupan ri wuj richin ri Iddo, ri nitz'eton ri peteneq chiqawech. Y chijun k'a ri kik'aslen ri Roboam y ri Jeroboam, kan jantape' xk'oje' labal chikikojol.

2 Sam 3:1

Jak'a ri labal chikikojol ri e ka'i' tzobaj ri' xa man xtane' ta qa, xa kan más k'a xnimer. Y ri David y ri ruwinaq más nik'oje-el kuchuq'a', jak'a ri e ruwinaq kan ri Saúl xa xemayamo-qa.

1 Rey 14:19

Ri ch'aqa' chik rubanobal ri Jeroboam, achi'el ri oyowal ri xeruben y ri rubanik ri ruq'atbal-tzij; ronojel re' e tz'ibatel kan chupan ri Wuj Ri Cholan Nich'on pa kiwi' ri rey.

1 Rey 15:16

Y chijun k'a ri kik'aslen ri Asá y ri Baasá, rey richin Israel, kan jantape' xk'oje' oyowalen chikikojol.