1 Rey 14:21 - Kaqchiquel Bible

²¹ Jak'a chupan ri tinamit Jerusalem ri cha'on kan roma ri Dios chikikojol ri tzobaj richin ri Israel richin chi chiri' niya'ox-wi ruq'ij rija', chupan ri tinamit ri', ja ri Roboam ri ruk'ajol kan ri Salomón jari' ri rey. Toq xok kan rey pa ruwi' ri ruwach'ulew Judá k'o k'a kawineq jun rujuna', y xq'aton k'a tzij wuqlajuj juna'. Ri rute' rija' rubini'an Naamá aj-Amón.

1 Rey 14:21 ပူးပေါင်းရင်းမြစ်များ

2 Crón 12:13

Ri Roboam kan xk'oje' k'a ruchuq'a' chupan ri ruq'atbal-tzij pa Jerusalem. K'o k'a kawineq jun rujuna' toq xuchop nuq'et-tzij y wuqlajuj juna' xq'aton-tzij chiri' pa Jerusalem; tinamit ri kan rucha'on ri Jehová chikikojol ri tzobaj richin ri Israel richin nik'oje' chiri' y niya'ox ruq'ij. Y ri rute' aj-Amón, y rubini'an Naamá.

1 Rey 11:36

Y xaxe chik k'a jun tzobaj ri xtuya' kan chire ri ruk'ajol ri Salomón, richin keri' ri rusaqil ri David, man xtichup ta qa chuwech ri Jehová ri chiri' pa tinamit Jerusalem ri rucha'on richin chiri' ninatex-wi ri rubi'.

1 Rey 14:31

Xuxlan k'a ri Roboam y xmuq akuchi e muqul-wi ri rute-rutata' pa rutinamit kan ri rey David, y ri rute' ri Roboam rubini'an Naamá aj-Amón. Y ri xk'oje' kan pa ruk'exel ja ri ruk'ajol ri rubini'an Abiam.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

2 Crón 13:7

Xkimol k'a ki' rik'in rija' achi'a' ri janila e q'ori' y e banoy taq etzelal. Ri achi'a' ri' kan xkipaba' k'a ki' chuwech ri Roboam, roma man jani k'iy ta rujuna', y chuqa' man jani k'o runa'oj; roma ri' man xtikir ta xpa'e' kow chikiwech.

1 Rey 11:43

Y toq ri Salomón xuxlan-el, xkimuq k'a chupan ri rutinamit kan ri David ri rutata'. Y ri xq'aton kan tzij pa ruk'exel, ja ri Roboam ri ruk'ajol.

1 Rey 11:32

Jak'a chire ri rey Salomón xaxe chik jun tzobaj winaqi' ri xtuya' roma kan nujoyowaj ruwech ri David ri rusamajel, y roma chuqa' kan rucha'on ri tinamit Jerusalem chukojol ronojel ri tinamit pa ruwach'ulew Israel.

1 Rey 8:44

Y wi rat, nateq ta el ri atinamit xabakuchi richin niberubana' oyowal kik'in ri e etzelanel qichin, y wi rije' yech'on ta awik'in rat Jehová pa ruchojmilal ri awachoch ri xinpaba-q'anej chupan re atinamit Jerusalem;

1 Rey 8:16

Toq yin xenwelesaj-pe pan Egipto ri nutinamit Israel, kan k'a chupan k'a pe ri q'ij ri' y k'a re wakami, kan man jun k'a tinamit ri nucha'on ta chupan ri tzobaj ri akuchi ta nipabex-wi-q'anej jun wachoch richin niya'ox nuq'ij re wawe' pa ruwach'ulew Israel, xaxe k'a rat David ri xatincha', richin chi ja rat yayuqen richin ri nutinamit, xcha' ri Dios chire ri nata'.

Deut 23:3

Ri e rijatzul ri Amón y ri e rijatzul ri Moab man jun bey tik'an kiwech chupan ri molojri'il richin ri Jehová, ni ta chirij ri lajuj sol winaqi' chike ri kijatzul;

Deut 12:21

Y wi ri akuchi xucha-wi ri Jehová richin ninatex ri rubi', nej nik'oje' kan chire ri akuchi ixk'o-wi rix, kan utz k'a nikamisaj ri iwákix y ri ikarne'l ri rusipan rija' chiwe, achi'el ri nubin chiwe richin nitej xa janipe' yixtikir, chiri' akuchi ixk'o-wi.

Deut 12:5

Xtiya' k'a ruq'ij xa kan xaxe k'a ri akuchi xtucha-wi rija', richin chi chiri' ninatex-wi ri rubi' rija'.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

1 Rey 14:20

Ri Jeroboam juwineq ka'i' juna' xq'aton-tzij pa ruwi' ri Israel, y k'ari' xuxlan-el y ri xk'oje' kan pa ruk'exel ja ri ruk'ajol rubini'an Nadab.

1 Rey 8:29

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

1 Rey 11:1

Ri rixjayil ri rey Salomón ja ri rumi'al ri rey richin Egipto, jak'a pa ruwi' ri' ek'o más ixoqi' ri xerajo' y xe'ok rixjayil. Ek'o chike rije' e aj-Moab, aj-Amón, aj-Edom, aj-Sidón y chuqa' ixoqi' hitita; konojel re ixoqi' re' man e ruwinaq ta.

1 Rey 12:17

Jak'a ri aj-Israel ri k'o kachoch pa taq tinamit ri chiri' pa Judá, k'a xq'aton na tzij ri Roboam pa kiwi'.

1 Rey 22:42

Ri Josafat juwineq wolajuj k'a rujuna' toq xok kan rey, y juwineq wo'o' k'a juna' xq'aton-tzij pa Jerusalem. Ri rute' rubini'an Azubá rumi'al ri Silhí.

2 Crón 12:1

Toq ri Roboam xjike' ri ruq'atbal-tzij y xuna' richin xk'oje' ruchuq'a', xa kan man xutaqej ta chik ri rupixa' ri Jehová y chuqa' keri' xkiben konojel ri winaqi' ri ek'o chupan ri q'atbel-tzij.