1 Rey 14:16 - Kaqchiquel Bible

¹⁶ Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 14:16 ပူးပေါင်းရင်းမြစ်များ

1 Rey 16:2

Yin xatinsik' k'a y xinimirisaj aq'ij toq xinben chawe richin xatok rey pa ruwi' ri nutinamit Israel. Y wakami xa xaben achi'el xuben ri Jeroboam; xa xaben richin xemakun ri nutinamit, y xiben richin xiyek woyowal rik'in ri imak.

1 Rey 15:34

Xmakun chuqa' chuwech ri Jehová, y xa xuben achi'el xuben ri Jeroboam, y roma ri mak ri' xemakun chuqa' ri winaqi' richin Israel.

1 Rey 15:30

roma ri mak ri xuben ri Jeroboam, kan rik'in ri' xemakun konojel israelita, y rik'in ri' xuben richin xuyek royowal ri Jehová, Dios richin Israel.

1 Rey 13:34

Y jare' ri xkimakuj ri Jeroboam y ri aj pa rachoch. Y roma ri' xetzaq y xek'is-el pa ruwi' re ruwach'ulew.

1 Rey 12:30

Y jare' xbanon chike ri winaqi' richin xemakun roma nibekiya' kiq'ij ri dios k'a chiri'.

Romanos 14:13

Roma ri' man chik qojch'on itzel chirij jun qach'alal. Ri nik'atzin chi niqaben ja ri tiqatija' qaq'ij richin man niqaben chire jun qach'alal chi nitzaq o nimakun.

San Mateo 18:7

Toq'ex kiwech ri winaqi' ri ek'o chuwech re ruwach'ulew roma kan ek'o ri yebanon chike rije' chi yetzaq pa mak. Chuwech re ruwach'ulew kan ek'o-wi pikbel. Jak'a kan toq'ex ruwech ri wineq ri nibanon chire jun chik chi nitzaq pa mak.

Wuj Richin ri Miqueas 6:16

Xtibanatej ronojel re' roma xitzeqelibej achi'el xuben kan ri pa ruq'atbal-tzij ri Omrí. y xa ibanon achi'el xkiben ri e aj pa rachoch kan ri Acab. Roma ri' xtitole' kan ri itinamit. Y ri winaqi' richin ri ch'aqa' chik ruwach'ulew xketze'en chiwij, y kan ja k'a rix xkixejqalen ri ruk'ixbilal.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Isaías 40:24

Roma rije' xa man yeyaloj ta el, achi'el k'a ri tiko'n ri k'ari' yetik-qa, y k'ari' nuk'en-qa ri kixe'. Jak'a ri Dios xa nuxupuj chik el, y xa yechaqi'j-qa, y kan yeruk'uaj-el kaq'iq' achi'el nuben chire ri solot.

Wuj Richin Bix Chire ri Dios 81:12

Roma ri' xenya' kan rik'in ri rukowirinen ri kánima; y xebiyin k'a achi'el ri xkajo' rije'.

Ex 32:35

Y ri Jehová kan xuya-wi-pe jun nima-yabil pa ruwi' ri tinamit, roma kan xkiya' ruq'ij ri ruwachibel ri nima-alaj achij wákix, ri xuben ri Aarón.

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

Ex 32:25

Toq ri Moisés xutz'et chi ri winaqi' kan e jaqatajineq chubanik ri etzelal, roma ri Aarón man xtikir ta xeruq'et, ri winaqi' ri e etzelanel kichin, xa xetze'en chikij.

1 Rey 15:26

Ri Nadab xmakun k'a chuwech ri Jehová y xuben achi'el xuben ri Jeroboam ri rutata', y rik'in ri mak ri' xuben richin xemakun konojel aj-Israel.

1 Rey 16:19

Ri Zimrí kan xmakun k'a chuwech ri Jehová y xa xuben achi'el xuben ri Jeroboam; y roma ri mak ri' xemakun chuqa' ri winaqi' richin Israel.

1 Rey 21:22

Xtinben k'a chawe achi'el xinben chike ri aj pa rachoch ri Jeroboam ruk'ajol ri Nabat y ri Baasá ruk'ajol ri Ahías, roma rat kan xaben chuwe richin xyakatej woyowal, y roma chuqa' ja rat xabanon chire ri tinamit Israel richin xmakun chinuwech. Kere' rubin-pe ri Jehová Dios, xcha' ri Elías.

2 Rey 3:3

Man rik'in ri', xa kan xmakun achi'el xuben ri Jeroboam ruk'ajol ri Nabat, y xuben chire ri tinamit Israel chi xmakun, y kan man xuya' ta kan ri mak ri'.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

1 Rey 16:13

roma ri rumak rija' y ri rumak ri Elá ri ruk'ajol. Kan xemakun rije' y xkiben chuqa' chi xemakun ri tinamit Israel toq xkiya' kiq'ij ch'aqa' chik dios. Rik'in ri' xkiyek royowal ri Jehová Dios richin Israel.

1 Rey 16:27

Y ri ch'aqa' chik rubanobal ri Omrí chupan ri ruq'atbal-tzij; ri nima'q taq rubanobal rija' y ri samaj ri xek'achoj chuwech, ronojel re' e tz'ibatel kan chupan ri Wuj Ri Cholan Nich'on pa kiwi' ri rey richin Israel.

1 Rey 22:53

roma kan xusamajij y xuya' kiq'ij ri Baal, y roma ri' kan xuben chi xyakatej royowal ri Jehová Dios richin Israel, achi'el xuben ri rutata'.

2 Rey 10:31

Jak'a ri Jehú man xutaqej ta rik'in ronojel ránima ri rupixa' ri Jehová Dios, y kan man xuch'er ta kan ri' chire ri mak ri xuben ri Jeroboam toq xuben chike ri aj-Israel richin xemakun.

2 Rey 13:2

Kan xuben k'a ri itzel chuwech ri Jehová, y kan xutzeqelibej ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun. Y kan man xuch'er ta k'a kan ri' chire ri mak ri'.

2 Rey 13:6

Jak'a man rik'in ri', man xkiya' ta kan ri mak ri xkiben ri Jeroboam y ri rijatzul, toq xuben chike ri aj-Israel richin xemakun. Xa kan xkitzeqelibej k'a ri rubanobal ri Jeroboam, y chuqa' xk'oje' na chiri' pa Samaria ri ruwachibel ri Asera.

2 Rey 14:24

Jak'a xa xuben ri man niqa' ta chuwech ri Jehová, y man xujech'ej ta kan ri' rik'in ronojel ri mak ri xeruben ri nabey Jeroboam ruk'ajol ri Nabat, toq xuben chike ri aj-Israel richin xemakun.

2 Rey 15:9

Y kan xuben k'a ri itzel chuwech ri Jehová Dios, achi'el xkiben ri rute-rutata'; y kan man xujech'ej ta ri' chire ri mak ri xuben ri Jeroboam ri ruk'ajol kan ri Nabat, toq xuben chike ri aj-Israel richin xemakun.

2 Rey 15:18

Rija' chuqa' xuben ri itzel taq banobel chuwech ri Jehová. Chijun ruk'aslen man xujech'ej ta kan ri' chire ri mak ri xuben ri Jeroboam ri ruk'ajol kan ri Nabat, toq xuben chike ri aj-Israel richin xemakun.

2 Rey 17:21

Ojer kan toq ri tinamit Israel xujech'ej-ri' rik'in ri rijatzul ri David, jari' toq xkibij chi xok ki-rey ri Jeroboam, ruk'ajol kan ri Nabat. Y rija' xuben chike richin man xkitzeqelibej ta chik ri Jehová, y xuben chike richin xemakun.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

2 Rey 23:15

Ri Josías xbe pa Betel ri akuchi k'o-wi ri porobel ri xuben kan ri Jeroboam ri ruk'ajol ri Nabat, ri xuben chi ri israelita xemakun, ri akuchi nikiya' kiq'ij wachibel. K'ari' ri Josías chaq k'ate' xutz'et muqbel ri ek'o chiri', xuben chi xe'elesex-pe ri baq ri ek'o chupan, y ri baq ri' xeruporoj pa ruwi' ri porobel richin nuben chire chi man jun rejqalen, kan achi'el ri ruch'abel ri Jehová ri xuq'alajirisaj kan ri achin richin ri Dios toq xch'on chirij ronojel re'. Chirij ri' xuwulaj ri porobel y xuporoj ri paban-che' richin Asera y ronojel ri ek'o chiri'.

2 Crón 28:19

Rik'in re' ri Jehová xuqasaj kiq'ij ri aj-Judá roma ri Acaz kan xeruk'uaj ri ruwinaq chupan ri itzel bey, kan achi'el ri rumak rija'.