1 Rey 13:9 - Kaqchiquel Bible

⁹ roma toq xch'on-pe ri Jehová wik'in, kan xubij chuwe chi man yiwa-yinuk'ya' ta wawe', ni man yitzolin ta chupan ri bey ri akuchi in peteneq-wi, xcha' chire ri rey.

1 Rey 13:9 ပူးပေါင်းရင်းမြစ်များ

Romanos 16:17

Wach'alal, ninchilabej k'a chiwe chi tichajij-iwi', roma ek'o winaqi' ri xa yekich'arala' ri qach'alal, y nikiben chike chi yetzaq, roma xa jun wi chik tijonik ri kik'uan y janila yech'on chirij ri qitzij tijonik ri ik'uan rix. Ri winaqi' ri yebanon keri' xa tich'ara-iwi' kik'in.

San Juan 15:14

Wi niben ronojel ri ninbij chiwe, rix kan ix wachibil-wi.

San Juan 13:17

Rix kan xiwetamaj k'a kan ronojel re'. Y kan jebel k'a ruwa-iq'ij wi keri' xtiben.

Wuj Richin Bix Chire ri Dios 141:4

Man taya' q'ij, chi ri wánima nikikot rik'in ri etzelal, chi yin ninben ri itzel taq banobel, ri kan man niqa' ta chawech. Man taya' q'ij chi yin yinimaq'ijun kik'in winaqi' ri e banoy etzelal.

Wuj Richin ri Achin Job 23:12

Kan man jun bey k'a ri nujech'en ta el wi' chire ri pixa' ri rubin, kan nubeyomel k'a nubanon chire ri ch'abel ri e eleneq-pe pa ruchi', más ke chuwech ri nuway.

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.

Wuj Richin ri Q'axanri'il 16:26

K'ari' rija' xuya' chik rutzijol chike ri winaqi', chirij ri xtibanatej y xubij k'a chike: Tijech'ej-el-iwi' chire ri kachoch ri itzel taq winaqi' ri' y man jun tichop ri xa kichin rije', richin keri' man yixken ta chuqa' rix junan kik'in rije', roma ri kimak, xcha'.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

1 Corintios 5:11

Ri xinwajo' xinbij chiwe chupan ri wuj ri', ja ri man tiwachibilaj jun achin o jun ixoq ri xa nikikanola-ki' richin yemakun, stape' nikibij chi kan e qach'alal. Y keri' chuqa' ri ye'ajowan chi ronojel kik'in ta rije' k'o-wi, ri k'a nikiya' na kiq'ij ch'aqa' chik dios, ri yeyoq'on, ri yeq'aber, y ri ye'eleq'. Re winaqi' re', ni man ruk'amon ta richin yixwa' kik'in.

1 Rey 13:8

Jak'a ri achin xubij chire ri rey: Stape' xtaya' chuwe ri nik'aj abeyomel ri k'o pan awachoch, yin man yibe ta chawij, ni man xkiwa-xkinuk'ya' ta chupan re tinamit re',

1 Rey 13:10

Y ri achin ri' man xtzolin ta chik chupan ri bey ri xbe-wi toq xapon pa Betel.

1 Rey 13:16

Jak'a ri achin aj-Judá xubij chi man nitzolin ta chik richin nibe chirij pa rachoch, ni man xtiwa-xtuk'ya' ta rik'in rija', ni ta chupan ri tinamit ri',

1 Rey 13:19

K'ari' ri achin aj-Judá xbe pa rachoch ri ti achin richin xwa-xuk'ya'.