1 Rey 13:8 - Kaqchiquel Bible

⁸ Jak'a ri achin xubij chire ri rey: Stape' xtaya' chuwe ri nik'aj abeyomel ri k'o pan awachoch, yin man yibe ta chawij, ni man xkiwa-xkinuk'ya' ta chupan re tinamit re',

1 Rey 13:8 ပူးပေါင်းရင်းမြစ်များ

Wuj Richin ri Q'axanri'il 24:13

Stape' ta ri Balac xtuya' ri rachoch chuwe y nojineq rik'in q'anapueq y saqipueq, yin man yitikir ta ninxolq'otij ri nubij ri Jehová chuwe. Pa nuyonil yin man jun yitikir ninben, man jun utzil, ni man jun itzel ri yitikir ta ninben. Kan nubin-wi k'a chi xaxe ri nubij ri Jehová, xaxe ri' ri yitikir ninbij.

Wuj Richin ri Q'axanri'il 22:18

Jak'a ri Balaam xa xubij chike ri achi'a' ri': Stape' ta ri Balac nuya' ri rachoch nojineq rik'in saqipueq y q'anapueq chuwe, man xtinxolq'otij ta ri ruch'abel ri Jehová ri nu-Dios, richin ninben ta jun nimalej o ko'ol etzelal.

Marcos 6:23

Kan ninya' nutzij chawech, chi xabachike ri xtak'utuj chuwe, yin kan xtinya', stape' xtak'utuj nik'aj chire ri wajawaren, xcha' chire.

Marcos 6:11

Jak'a wi ek'o k'a ri kan man yixkik'ul ta, y man nikajo' ta chuqa' nikak'axaj ri nibij, kan kixel k'a el chiri' kik'in pa kachoch o ja ri pa kitinamit. Y titotala' kan ri poqolaj ri k'o pa taq iwaqen, retal chi rix xe'imalij kan ri winaqi' ri'. [Roma kan ninbij-wi chiwe, chi chupan ri q'ij toq xtibanatej ri q'atoj-tzij, ri ruk'ayewal ri xtiqaqa pa kiwi' ri winaqi' richin ri tinamit ri', xa kan xtik'o ruwi' chuwech ri ruk'ayewal ri xqaqa pa kiwi' ri tinamit ri Sodoma y Gomorra], xcha' el chike.*f7*

2 Rey 5:16

Jak'a ri Eliseo xubij: Ninya' nutzij chuwech ri Jehová, ri achoq chuwech ink'o-wi, chi kan man jun k'a chire ri ak'amon-pe ri xtink'ul kan chawech, xcha'. Y ri Naamán kan nuk'utuj k'a utzil chire chi tuk'ulu' kan ri sipanik; jak'a ri Eliseo kan man xrajo' ta xuk'ul kan.

Ex 7:2

K'o chi xtabij chire ri Aarón ronojel ri xtinbij chawe yin y rija' xtubij chire ri rey ronojel ri xtabij rat chire, richin keri' tuya-el q'ij chike ri iwinaq richin chi ke'el-el chupan re ruwach'ulew re'.

Ex 5:6

Y chupan ri q'ij ri', ri rey xubij chike ri achi'a' ri e pa'el pa kiwi' ri aj-raqen ri ek'o pa kiwi' ri israelita ri e yuqul pa samaj:

Ex 5:3

Y rije' xkibij: Ri Dios ri richin ri tinamit Israel xuk'ut-ri' chiqawech; roma ri' nik'atzin chi roj yojbiyin oxi' q'ij k'a pa tz'iran ruwach'ulew y chiri' nibeqasuju' kamelabel chuwech ri Jehová ri qa-Dios. Roma wi man xtiqaben ta re', rik'in juba' xqojrukamisaj rik'in jun nimalej yabil, o yojken chi espada, xecha' chire.

1 Rey 13:9

roma toq xch'on-pe ri Jehová wik'in, kan xubij chuwe chi man yiwa-yinuk'ya' ta wawe', ni man yitzolin ta chupan ri bey ri akuchi in peteneq-wi, xcha' chire ri rey.

Wuj Richin ri Q'axanri'il 22:8

Y ri Balaam xubij k'a chike: Kixk'oje-el re jun aq'a' re' y yin xtinbij-el chiwe ri xtubij ri Jehová chuwe, xcha'. Y keri' rije' xek'oje-qa chiri' ri jun aq'a' ri'.

Wuj Richin Bix Chire ri Dios 141:4

Man taya' q'ij, chi ri wánima nikikot rik'in ri etzelal, chi yin ninben ri itzel taq banobel, ri kan man niqa' ta chawech. Man taya' q'ij chi yin yinimaq'ijun kik'in winaqi' ri e banoy etzelal.