1 Rey 13:7 - Kaqchiquel Bible

⁷ K'ari' ri rey xubij chire: Jo' chuwij pa wachoch richin yabewa' wik'in, y xtinya' jun sipanik chawe, xcha'.

1 Rey 13:7 ပူးပေါင်းရင်းမြစ်များ

2 Rey 5:15

Chirij ri' ri Naamán y konojel ri e beneq rik'in xetzolin chik rik'in ri Eliseo. Y ri Naamán xbepa'e' chuwech, y xubij chire: Wakami xq'ax chinuwech chi kan xaxe ri a-Dios rat ri k'o wawe' pan Israel, ri Dios richin chijun ri ruwach'ulew. Wakami k'a nink'utuj utzil chawe chi tak'ulu' kan re jun sipanik ri nuk'amon-pe chawe, xcha' chire.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

Wuj Richin ri Malaquías 1:10

K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech.

Wuj Richin ri Jeremías 40:5

Jak'a toq xinpiskolij-wi' richin yibe, rija' xubij chik chuwe: Wi más niqa' chawech yakanej kan, más utz katzolin rik'in ri Guedalías ri ruk'ajol ri Ahicam y rumam ri Safán, roma ri rey richin Babilonia xuya' kan richin nuq'et-tzij pa kiwi' ri tinamit richin Judá. Y roma ri' kak'oje' kan rik'in rija' y kik'in ri awinaq. Kabiyin akuchi ri más niqa' chawech rat, xcha'. Xeri' ri Nebuzaradán xuya-el sipanik chuwe y ri nik'atzin chuwe y xuya-el q'ij richin xibe.

Wuj Kichin ri To'onela' 19:21

Y xeruk'uaj k'a pa rachoch, y xuya' kiway ri bur. Y rije' xkich'ej ri kaqen, k'ari' xewa-xe'uk'ya'.

Wuj Kichin ri To'onela' 13:15

Y man retaman ta ri Manoa chi ri achin ri', kan ja ri ángel richin ri Jehová. K'ari' xubij chire ri ángel: Nink'utuj utzil chawe richin man jani na yabe, roma niqajo' niqakamisaj jun ti tzuntzun richin niqachaq'arisaj y niqaya' chawe, xcha'. Y ri ángel xubij chire ri Manoa: Stape' xkik'oje-qa, man xtintej ta ri xtaya' chuwe; jak'a wi rat k'o rayibel pan awánima, taporoj jun chikop richin nasuj chire ri Jehová, xcha'.

Wuj Richin ri Rutikeribel 18:5

Utz xiben richin xixq'ax-el re kere', yin xtink'en-pe iway y kixwa' na k'a el richin nik'oje-el juba' iwuchuq'a' y k'ari' xkixbe, roma ri' kan utz xiben richin xixq'ax-el wawe', xcha' ri Abraham. Utz, tabana' k'a ri nabij, xecha' rije'.

1 Rey 14:3

Tak'uaj-el chire lajuj kaxlan-wey, y jun chik kaxlan-wey ri más nim, y chuqa' tak'uaj-el jun xára kab ri nikiya' ri taq chikopi'. Kabiyin k'a chila' rik'in ri Ahías, y rija' xtubij-pe chawe achike xtiberuk'uluwachij ri ti qalk'ual, xcha'.