1 Rey 13:5 - Kaqchiquel Bible

⁵ Y chupan k'a ri ramaj ri' ri porobel xwuluwu-qa, y ri chaj ri k'o pa ruwi' xkiratej. Y ronojel re' xbanatej richin retal, achi'el ri rubin ri Jehová roma ri q'alajirisey ruch'abel.

1 Rey 13:5 ပူးပေါင်းရင်းမြစ်များ

Marcos 16:20

Y keri' ri tijoxela' xe'el k'a chi nej chi naqaj, richin xkitzijoj ri ruch'abel ri Dios. Y ri ajaw kan k'o-wi k'a kik'in richin yeruto', y chuqa' kan xuben chike chi k'iy nima'q taq banobel ri xekiben richin tiq'alajin chi kan ja ri qitzij ri nikitzijoj.] Kan keri' ta k'a.

1 Rey 22:35

Y chijun k'a ri q'ij ri' kan janila nim ri oyowal ri xbanatej, y ri Acab kan chiri' k'a chupan ri ru-carruaje xpa'e-wi chikiwech ri aj-Siria, y ri rukik'el xbiyin k'a chupan ri ru-carruaje; y chupan k'a ri tiqaq'ij ri' xken-qa.

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

1 Rey 13:3

Y kan chupan k'a ri q'ij ri' ri achin ri' xubij: Jare' ri nima'q taq rubanobal ri Dios richin retal ri rubin-pe chuwe chi nibanatej: Wakami la porobel kan xtiwuluwu' k'a y la chaj la k'o pa ruwi' xtikiratej, xcha'.

Deut 18:22

Wi ri q'alajirisanel nubij pa rubi' ri Jehová, y man xtibanatej ta ri nubij, re' jun retal chi man ja ta ri Jehová ri qa-Dios biyon chire, nel chi tzij chi re q'alajirisanel re', xa xubij richin nunimirisaj-ri', roma ri' man tixibij-iwi' chuwech.

1 Rey 13:4

Toq ri rey Jeroboam xrak'axaj ri xubij ri achin ri' pa ruwi' ri porobel ri k'o chiri' pa Betel, jari' toq k'a chiri' rik'in ri porobel xuk'ut rik'in ri ruq'a', y xubij: ¡Tichapa' la achin la'!, xcha'. Y kan jari' toq ri ruq'a' ri achoq ik'in xuk'ut-wi ri achin richin ri Dios kan che-che' xuben kan y man xtikir ta chik xuqasaj-qa.

1 Rey 13:6

K'ari' ri rey Jeroboam xubij chire ri q'alajirisey ruch'abel ri Dios: Nink'utuj utzil chawe chi kach'on rik'in ri Jehová woma yin, y tak'utuj utzil chire chi re nuq'a' xtisilon ta chik, xcha'. Y ri achin ri' kan xch'on rik'in ri Jehová pa ruwi' ri rey, y ri ruq'a' kan xsilon chik achi'el ri rubanon kan.

1 Rey 17:16

Y ri k'ej ri k'o chupan ri bojo'y man xk'is ta, ni ri aceite ri k'o chupan ri xára, achi'el ri xbix chire ri Elías roma ri Jehová.

Am 3:14

Toq xtinya' rutojbalil-mak pa kiwi' ri israelita, kan xtinwulaj ri porobel ri ek'o pa Betel. Ri achi'el taq uk'a' ri ek'o pa taq ruxikin ri porobel xa xkepax; y xketzaq pan ulew.