1 Rey 13:34 - Kaqchiquel Bible

³⁴ Y jare' ri xkimakuj ri Jeroboam y ri aj pa rachoch. Y roma ri' xetzaq y xek'is-el pa ruwi' re ruwach'ulew.

1 Rey 13:34 ပူးပေါင်းရင်းမြစ်များ

1 Rey 14:10

Roma k'a ronojel re' xtinya-pe ruk'ayewal pan iwi' rix ri ix aj pa rachoch ri Jeroboam; xkenk'is k'a konojel achi'a' ri e aj pan awachoch, y kan man jun k'a xtitotej kan, stape' yuqul o man yuqul ta pa samaj. Y keri' xkixinmes-el jumul chi'iwonojel, achi'el toq nimes-el q'ayis kichin ri chikopi'.

1 Rey 12:30

Y jare' xbanon chike ri winaqi' richin xemakun roma nibekiya' kiq'ij ri dios k'a chiri'.

2 Rey 17:21

Ojer kan toq ri tinamit Israel xujech'ej-ri' rik'in ri rijatzul ri David, jari' toq xkibij chi xok ki-rey ri Jeroboam, ruk'ajol kan ri Nabat. Y rija' xuben chike richin man xkitzeqelibej ta chik ri Jehová, y xuben chike richin xemakun.

Wuj Richin Etamabel-Tzij 13:6

Ri chojmilej k'aslen, jari' ri nito'on richin ri wineq ri kan tz'aqet ruk'aslen, jak'a ri itzel taq banobel, jari' ri nibanon chi nitzaq ri aj-mak.

2 Rey 10:31

Jak'a ri Jehú man xutaqej ta rik'in ronojel ránima ri rupixa' ri Jehová Dios, y kan man xuch'er ta kan ri' chire ri mak ri xuben ri Jeroboam toq xuben chike ri aj-Israel richin xemakun.

1 Rey 12:26

Y ri Jeroboam xuch'ob-qa pa ránima: Re q'atbel-tzij re k'o pa nuq'a', rik'in juba' xa xtitzolin chik pa kiq'a' ri aj pa rachoch kan ri rey David.

1 Rey 14:1

Ri Jeroboam k'o k'a jun ti ruk'ajol ri rubini'an Abías, y chupan ri q'ij ri' ri ak'ual xk'uluwachij k'a jun yabil.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 15:26

Ri Nadab xmakun k'a chuwech ri Jehová y xuben achi'el xuben ri Jeroboam ri rutata', y rik'in ri mak ri' xuben richin xemakun konojel aj-Israel.

1 Rey 21:22

Xtinben k'a chawe achi'el xinben chike ri aj pa rachoch ri Jeroboam ruk'ajol ri Nabat y ri Baasá ruk'ajol ri Ahías, roma rat kan xaben chuwe richin xyakatej woyowal, y roma chuqa' ja rat xabanon chire ri tinamit Israel richin xmakun chinuwech. Kere' rubin-pe ri Jehová Dios, xcha' ri Elías.

2 Rey 10:29

Man rik'in ri', ri Jehú man xuch'er ta kan ri' chire ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun roma k'a xeruya' na kan ri ka'i' nima-alaj achij wákix ri banon rik'in q'anapueq ri ek'o chiri' pa tinamit Betel y pa Dan.

Wuj Richin ri Jeremías 28:16

Roma ri', ri Jehová nubij chi rija' xkarelesaj k'a el chuwech re ruwach'ulew. Chupan re juna' re' xkaken, roma rik'in ri ach'abel xe'ataqchi'ij ri winaqi' richin xeyakatej chirij ri Dios, xicha' chire.

Os 10:8

Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

1 Rey 14:7

Kabiyin y tabebij chire ri Jeroboam ri nubij ri Jehová ri qa-Dios richin Israel. Kere' k'a ri nubij: Yin xatincha' chikikojol ri nuwinaq richin xatok rey pa ruwi' ri nutinamit Israel.

1 Rey 14:11

Xabachike chike ri aj pan awachoch ri xtiken chupan ri tinamit, xketij koma ri tz'i', y ri xkeken pa juyu' xketij koma aj-xik' taq chikopi'; roma keri' rubin ri Jehová.

1 Rey 15:25

Toq ri Asá k'a k'es na, y chupan ri ruka'n juna' richin ri ruq'atbal-tzij pa ruwi' ri Judá, jari' toq xok kan rey ri Nadab, ri ruk'ajol ri Jeroboam, ri chiri' pan Israel. Y ka'i' k'a juna' xuq'et-tzij.