1 Rey 13:30 - Kaqchiquel Bible

³⁰ Y xumuq k'a chupan jun muqbel ri kan richin wi rija', y k'ari' ri ralk'ual y rija' xkoq'ej k'a janila, y xkibila' k'a ¡Wach'alal yin! ¡Wach'alal yin!, xecha'.

1 Rey 13:30 ပူးပေါင်းရင်းမြစ်များ

Wuj Richin ri Jeremías 22:18

Roma ri' kere' nubij ri Jehová pa ruwi' ri rey Joaquim, ruk'ajol ri Josías y kere' nubij: Man jun k'a xtoq'en ri akamik y man jun xtubij ta: ¡Wach'alal yin! ¡Wach'alal yin! Chuqa' kan man xtikibij ta ¡Xk'is ri aq'ij y ri ak'ojlen!

Hechos 8:2

Jak'a ek'o jujun achi'a' ri xbekimuqu' ri Esteban y xkoq'ej roma kan k'o-wi k'a ri Dios pa kánima.

1 Rey 14:13

Y konojel k'a ri winaqi' richin Israel xtikibisoj y xtikimuq rik'in oq'ej roma xa kan xaxe rija' ri xtimuq chire ri rijatzul ri Jeroboam. Y re' roma chikikojol ri e aj pa rachoch ri Jeroboam, kan xaxe k'a ri Abías ri utz juba' rubanon chuwech ri Jehová Dios richin Israel.

1 Rey 13:29

K'ari' ri ti ri'j achin xberusik'a-pe ri ruch'akul ri achin richin ri Dios ri aj-Judá richin xuya-pe chirij ri ti bur, y xuk'en-pe pa Betel richin xroq'ej y xumuq.

2 Rey 23:17

Y ri rey xutz'et jun chik muqbel y xuk'utuj achike muqun chiri'. Y ri achi'a' richin ri tinamit xkibij chire: Re muqbel re' richin jun achin aj-Judá ri ruq'alajirisan-pe ojer, ronojel re xaben rat wakami pa ruwi' re porobel re k'o wawe' pa Betel, xecha'.