1 Rey 13:21 - Kaqchiquel Bible

²¹ Rija' kan rik'in k'a ronojel ruchuq'a' xch'on rik'in ri achin richin ri Dios ri peteneq pa Judá y xubij chire: Kere' nubij ri Jehová: Roma kan man xanimaj ta ri xinbij chawe yin Jehová,

1 Rey 13:21 ပူးပေါင်းရင်းမြစ်များ

Wuj Richin ri Rutikeribel 3:7

K'ari' xjaqatej kiwech chi e ka'i' y xketamaj chi e ch'anel, k'ari' xkitz'is ruxaq ri wíkix richin xkikuch ri kik'ix.

2 Sam 24:13

Y ri Gad xapon rik'in ri David richin xberubij chire ri xubij ri Jehová. Y xubij k'a chire chi tucha' jun chike ri oxi' ruk'ayewal ri xtuya' ri Jehová: Oxi' juna' richin wayjal, oxi' ik' ri k'o chi nanimej chikiwech ri e etzelanel richin, o oxi' q'ij richin yabil ri kan ruk'amon-pe kamik pa kiwi' ri winaqi' israelita. Xubij k'a chire chi tuch'obo' jebel ri nrajo', roma rija' k'o chi niberubij chire ri taqayon-el.

2 Sam 6:7

Y ri Jehová xyakatej janila royowal chirij ri Uzá roma xuben chire ri káxa chi xa maneq rejqalen. Y roma ri' ri Dios xuben chi xken kan chiri', y xtzaq-qa pan ulew chuxikin ri káxa.

1 Rey 13:17

roma ri Dios rubin-pe chire chi man jun tutej chiri', ni man titzolin chupan ri bey ri akuchi peteneq-wi.

1 Rey 13:20

Toq rije' e tz'uyul chik richin ri wa'in, jari' toq ri Jehová xch'on rik'in ri ti ri'j achin ri xbanon chire chi xtzolin.

1 Rey 13:22

y xa xatzolin-pe richin yawa-yatuk'ya' chupan re tinamit re' akuchi xinbij chawe richin man jun tatej, wakami k'a ri ach'akul man xtapon ta chik akuchi e muqul-wi ri ate-atata', xcha' ri Jehová chuwe, xcha' ri achin ti ri'j.

1 Rey 20:36

Y ri q'alajirisey ruch'abel ri Dios kere' xubij chire ri rachibil: Roma man xanimaj ta rutzij ri Jehová, kan xaxe xtach'er kan awi' wik'in, xtak'ul jun koj y xkarukamisaj, xcha'. Y toq xkich'er kan ki' rik'in ri rachibil jari' toq xbe'el-pe jun koj chirij y xukamisaj.

Ester 6:13

K'ari' xutzijoj chire ri Zeres ri rixjayil y chike konojel ri rachibil ronojel ri xbanatej. Y rije' xkibij chire: Rat xa kan xqasex k'a aq'ij roma ri Mardoqueo. Y roma rija' judío, kan man xkatikir ta chirij; xa xkabetzaq k'a pa ruq'a', xecha'.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Wuj Richin ri Q'axanri'il 20:12

Kan jari' toq ri Jehová xubij chire ri Moisés y chire ri Aarón: Roma rix xa man xikuquba' ta ik'u'x wik'in, y xa maneq nuq'ij xiben chuwe chikiwech ri winaqi', roma ri' xa kan man ja ta k'a rix ri xkixukusan-apo re winaqi' re' chupan ri ruwach'ulew ri kan kichin rije', xcha'.

Wuj Richin ri Q'axanri'il 20:24

Rat Aarón yabeken yan, y man xkatok ta chupan ri ruwach'ulew ri nusujun chike ri awinaq israelita, roma rix ix ka'i' xiq'ej ruwi' ri nuch'abel, ri chiri' akuchi xk'oje-wi kan ri ralaxbel-ya' Meribá.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

1 Sam 15:19

¿Achike k'a roma man xanimaj ta ri xubij ri Jehová chawe? Y xa xak'en chuwi-kiq'a' ri etzelanel qichin ri k'o rejqalen y xa chirij ri' xbe awánima. Re' kan itzel xaben chuwech ri Jehová, xcha' ri Samuel.

1 Sam 4:18

Y toq ri Elí xrak'axaj chi ri káxa xeleq'ex kan, jari' toq xjaq'ajo-el chirij, xq'aj k'a ri ruqul y xken k'a qa chiri', roma rija' yalan ralal y ri'j chik. Chupan ri q'ij ri' jari' toq ri Samuel xq'aton-tzij pa ruwi' ri Israel kawineq juna'.