1 Rey 13:18 - Kaqchiquel Bible

¹⁸ Jak'a ri ti ri'j q'alajirisey ruch'abel ri Dios ri xapon rik'in, xa xutz'uk-tzij chuwech y xubij chire: Yin chuqa' in q'alajirisey ruch'abel ri Dios achi'el rat. K'o k'a jun ángel richin ri Dios ri xch'on wik'in y xubij chuwe chi yatink'uaj-el pa wachoch richin yabewa-yatuk'ya' wik'in, xcha' ri ti ri'j achin.

1 Rey 13:18 ပူးပေါင်းရင်းမြစ်များ

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.

San Mateo 7:15

Kan nik'atzin k'a chi nichajij-iwi' chikiwech ri man e qitzij ta q'alajirisanela'. Roma toq k'ari' ye'apon iwik'in, ri k'aslen ri nikik'ut, kan janila jebel, achi'el kibanik ri taq karne'l. Jak'a toq nikik'ut-pe ri etzelal ri k'o pa taq kánima, xa kan e achi'el chik ri itzel taq utiwa'.

2 Pedro 2:1

Ri ojer kan, chikikojol ri nuwinaq judío xek'oje' q'alajirisanela' ri xa man e qitzij ta. Y keri' k'a chuqa' chi'ikojol rix xkebek'ulun-pe winaqi', xtikiben chi ja ri ruch'abel ri Dios ri nikik'ut, jak'a xa man qitzij ta. Y re' xaxe richin nuyoj kich'obonik ri winaqi'. Re tijonela' re' man xtikinimaj ta chi ri ajaw xken richin xutoj ri kimak. Keri' xa pa kiwi' rije' nikoyoj-wi ri tijoj-poqonal.

Wuj Richin ri Q'axanri'il 22:35

K'ari' ri ángel richin ri Jehová xubij chire: Xa kabiyin chikij ri achi'a' y xaxe k'a ninwajo' chi ja ri ch'abel ri xtinbij yin chawe, jari' ri xtabebij, xcha'. Y keri' ri Balaam xbe k'a chikij ri achi'a' ri e rutaqon-pe ri Balac.

2 Corintios 11:3

Jak'a yin nuxibin-wi', roma man xa tibanatej iwik'in achi'el xbanatej rik'in ri Eva ojer kan, ri xq'olotej roma ri kumetz rik'in ri jebelej taq ruch'abel. Y rik'in juba' xa keri' xtiben rix, chi xa rik'in jun niya'on ina'oj, nijalatej ri ich'obonik. Y ri' nuben chiwe chi niya' kan ri Cristo.

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

Ez 13:22

Rik'in ri tz'ukuj-tzij ri xkiben chike ri winaqi' ri choj kik'aslen richin xmayamo-qa ri kánima, stape' xa man ja ta ri' ri nurayibel yin. Y chuqa' xkiya' kuchuq'a' ri yebanon etzelal richin nikiben más etzelal y keri' man xkekolotej ta.

Wuj Richin ri Jeremías 23:32

Yin kan in yakatajineq k'a chikij ri yebanon keri', ri nikitzijoj achik' ri xa man e qitzij ta. Kan rik'in ri tz'ukun taq tzij y rik'in ronojel ri nikibij, nikiben chire ri nutinamit richin nuchop kan itzel bey. Jak'a yin kan man e nutaqon ta, ni man nubin ta chike chi keri' nikiben. Roma ri' xa kan man yetikir ta nikito' ri nutinamit. Yin Jehová ri yibin, xcha' ri Dios.

Wuj Richin ri Jeremías 23:17

Y toq ye'apon ri e etzelanel wichin, nikibij: Ri Jehová nubij chi xtik'oje' uxlanenri'il, yecha'. Y toq ye'apon ri winaqi' ri nikirayij ruyon itzel taq banobel, nikibij chike: Man jun itzel ruk'ayewal ri xtipe chiwij, yecha'.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Jeremías 5:12

Rije' man xkinimaj ta rutzij ri Jehová y xkibij: Ronojel re' man qitzij ta y man jun xtiqak'uluwachij. Man xqojkamisex ta rik'in espada, ni man xtipe ta wayjal chiqij.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Wuj Richin ri Jeremías 23:14

Chuqa' chikikojol ri nikibananej chi e q'alajirisey nuch'abel ri ek'o pa Jerusalem, nutz'eton ri itzel banobel ri nikiben chi xkijech-ki' kik'in ri kixjayilal y xekikanoj ch'aqa' chik ixoqi'. Xaxe tz'ukun taq tzij nikiben y kan yekito-apo ri e banoy taq etzelal richin man jun nuch'er kan ri' chubanik ri etzelal. Chinuwech yin konojel rije' e achi'el ri winaqi' richin ri tinamit Sodoma y Gomorra.

Wuj Kichin ri To'onela' 13:3

Y ri ángel richin ri Jehová xuk'ut-ri' chuwech ri ixoq ri', y xubij chire: Rat man at alanel ta; jak'a re wakami xkabeyawej y xtik'oje' jun ti awal.

Gálatas 1:8

Y ri ch'abel ri' jari' ri qatzijon kan roj chiwe. Jak'a wi k'o jun ri nijalo rubanik ri ch'abel ri', kan xtiqa-wi k'a itzel oyonik pa ruwi'. Y ri' stape' ta kan jun ángel ri peteneq chila' chikaj o ja roj.

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

1 Timoteo 4:2

Xtikak'axaj k'a kitijonik ri winaqi' ri xa ka'i' kipalej, ri xa man qitzij ta ri nikibij y man jun q'axo'n nikina' pa kánima toq nikiben ri etzelal ri'.

1 Rey 13:19

K'ari' ri achin aj-Judá xbe pa rachoch ri ti achin richin xwa-xuk'ya'.

1 Rey 20:35

K'o k'a jun achin kachibil ri jun molaj achi'a' e q'alajirisey ruch'abel ri Dios. Rija' xubij k'a chire ri jun chike ri e rachibil chi tusoko' roma keri' rubin ri Dios. Stape' keri' rubin ri Dios, ri rachibil man xrajo' ta xusok.

Wuj Richin Etamabel-Tzij 12:19

Ri ch'abel ri yerubij jun wineq ri xaxe ri qitzij ri nubij, kan yeyaloj k'a; jak'a ri ch'abel ri yerubij jun wineq ri xa tz'ukuy-tzij, xaxe ok richin jun ti ramaj.

Wuj Richin Etamabel-Tzij 12:22

Ri Jehová kan yeretzelaj ri winaqi' ri nikikusaj ri kichi' richin yetz'ukun-tzij; y kan nikikot ri ránima kik'in ri kan jantape' qitzij yech'on.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin ri Isaías 36:10

Y toqaqa chi'ik'u'x chi yin man in peteneq ta nuyon k'a re wawe' richin nonch'aka' re iruwach'ulew. Jak'a ri Jehová ri i-Dios ri xbin-pe chuwe richin xipe, xcha'.

Wuj Richin ri Jeremías 29:31

Tataqa' rubixik chike konojel ri awinaq ri ek'o chiri' pa Babilonia, chi yin Jehová ninbij: Roma ri Semaías ri aj-Nehelam xuq'alajirisaj ri man nubin ta yin chire y rix xikuquba' ik'u'x rik'in ri tz'ukun-tzij ri xubij,

Wuj Richin ri Jeremías 29:32

roma ri' wakami yin xtinya' rutojbalil-mak pa ruwi' rija' y pa kiwi' ri e rijatzul. Kan man jun k'a rijatzul ri xtik'oje' chikikojol ri nuwinaq ni man xtril ta ri utz ri xtinben yin kik'in rije'. Roma rik'in ri ruch'abel, xyakatej chuwij yin Jehová. Yin Jehová ri yibin.

Ez 13:8

Roma ri' yin Jehová kan xkibeyakatej chikij ri xa nikibananej ri nikibila' y chikij ri nikibij chi k'o nik'utumej chikiwech y xa man qitzij ta.

Wuj Richin ri Rutikeribel 3:13

Jari' ri Dios xubij chire ri ixoq: ¿Achike roma xaben kere'?, xcha'. Y ri ixoq xubij: Ri kumetz xiruq'ol y roma ri' xintej ri ruwech ri che' ri', xcha'.

Wuj Richin ri Rutikeribel 27:24

Y xubij chik jun bey chire: ¿Kan ja k'a rat at nuk'ajol Esaú?, xcha'. Y ri Jacob xubij: Ja', ja yin.

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.