1 Rey 13:11 - Kaqchiquel Bible

¹¹ Y chiri' pa Betel k'o k'a jun chik q'alajirisey ruch'abel ri Dios ri janila chik ri'j. Y ri ruk'ajol xkitzijoj k'a chire ronojel ri xbanatej chupan ri q'ij ri' chiri' pa Betel roma ri achin richin ri Dios. Y chuqa' xkitzijoj chire ri ch'abel ri xubij kan chire ri rey.

1 Rey 13:11 ပူးပေါင်းရင်းမြစ်များ

2 Rey 23:18

K'ari' rija' xubij chi tikiya' kan y man tikiya' q'ij chi nelesex-pe ri rubaqil. Y keri' rije' man xkineq ta ri baq ri' y ri rubaqil ri jun chik q'alajirisey ruch'abel ri Dios ri aj-Israel.

2 Pedro 2:16

Y roma beneq chubanik ri etzelal, ri rubur xbech'on-pe chire achi'el nich'on jun wineq richin xuch'olij, richin xuq'et ta chire ri ch'ujilej na'oj ri beneq chubanik.

1 Timoteo 3:5

Roma wi man retaman ta yeruyuqej ri ralk'ual, man nitikir ta chuqa' yeruyuqej ri molaj qach'alal.

San Mateo 7:22

Y chupan k'a ri q'ij toq xtiq'at-tzij pa kiwi' ri winaqi', e k'iy k'a ri xkebin chuwe: ¡Wajaw! Wajaw, roj kan pan abi' rat xqaq'alajirisaj ri ruch'abel ri Dios, pan abi' rat xeqakol k'iy winaqi' ri ek'o itzel taq espíritu kik'in y pan abi' chuqa' rat xeqabanala' janila k'iy meyel taq banobel, xkecha'.

Ez 13:16

Jak'a ri q'alajirisanela' ri ek'o pan Israel ri xa xkibananej ri xkibij y xkiq'alajirisaj chire ri tinamit Jerusalem chi ronojel utz beneq, toq xa man keri' ta; konojel k'a rije' xkek'is. Yin Jehová ri yibin.

Ez 13:2

Rat Ezequiel, kach'on k'a pa nubi' yin kik'in ri nikibananej chi nikiq'alajirisaj ri nuch'abel ri ek'o chiri' pa ruwach'ulew Israel y tabij chike chi tikak'axaj k'a ri nuch'abel, roma xa kiyon k'a rije' nikitz'uk-q'anej ri nikibij.

1 Rey 13:25

Y chiri' xeq'ax-el ka'i-oxi' achi'a', y xkitz'et kan ri ruch'akul ri achin punul kan chiri' pa bey, y ri koj k'a k'o na apo rik'in. Y toq xe'apon k'a chupan ri tinamit akuchi k'o-wi ri ti ri'j q'alajirisey ruch'abel ri Dios xbekitzijoj chire ri xkitz'et kan.

1 Sam 10:11

Konojel k'a winaqi' ri kan ketaman ruwech ri Saúl, toq xkitz'et chi chuqa' rija' xok jun q'alajirisey ruch'abel ri Dios chikikojol ri ch'aqa' chik, jari' toq xkibij-qa chikiwech: ¿Achike k'a xuk'uluwachij la ruk'ajol ri Cis? ¿Chuqa' rija' k'o chikikojol ri e q'alajirisey ruch'abel ri Dios?, xecha'.

Wuj Richin ri Q'axanri'il 24:2

y toq xtzu'un-qa ri pa xulan, xutz'et k'a chi ri tinamit Israel e uxlawineq pa taq tzobaj y jari' toq ri Espíritu richin ri Jehová xqaqa pa ruwi' rija' richin xubij:

1 Rey 13:10

Y ri achin ri' man xtzolin ta chik chupan ri bey ri xbe-wi toq xapon pa Betel.

1 Rey 13:12

Y ri kitata' xuk'utuj achike bey xbe-wi ri achin ri'. Y ri e ruk'ajol xkik'ut k'a chuwech ri bey ri akuchi xbe-wi kan re achin richin ri Dios ri peteneq pa Judá.