1 Rey 13:1 - Kaqchiquel Bible

¹ Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

1 Rey 13:1 ပူးပေါင်းရင်းမြစ်များ

2 Rey 23:17

Y ri rey xutz'et jun chik muqbel y xuk'utuj achike muqun chiri'. Y ri achi'a' richin ri tinamit xkibij chire: Re muqbel re' richin jun achin aj-Judá ri ruq'alajirisan-pe ojer, ronojel re xaben rat wakami pa ruwi' re porobel re k'o wawe' pa Betel, xecha'.

1 Tesalonicenses 4:15

Y re' niqabij chiwe wakami roma keri' rubin kan ri Ajaw; chi toq rija' xtipe chik jun bey, roj ri k'a oj k'es na, man xqojnabeyej ta el chikiwech ri qach'alal ri e kaminaqi' chik el.

Wuj Richin ri Jeremías 25:3

Kan ja chupan ri juna' oxlajuj richin ri ruq'atbal-tzij kan ri Josías ruk'ajol ri Amón, k'a chupan re q'ij re', juwineq oxi' yan k'a juna' ri ruchapon-pe ri nich'on ri Jehová wik'in. Yin kan in ch'owineq k'a pe iwik'in, jak'a rix xa man iya'on ta ixikin chire ri nuch'abel.

Wuj Richin ri Jeremías 32:29

Rije' kan xtikiben oyowal rik'in re tinamit re' y xtikiya' ruq'aq'al y xtikiporoj, junan rik'in ri jay ri achoq pa ruwi' nikiporoj-wi pom chire ri Baal y nikisuj vino chike ch'aqa' chik dios y re' xkiben chuwe richin xkiyek woyowal.

Wuj Richin ri Jeremías 11:12

K'ari' rix aj-Jerusalem y aj-Judá, xke'iwoyoj ri i-dios ri nisuj pom chikiwech, jak'a rije' xa man xketikir ta xkixkito' toq xtapon ri ruk'ayewal ri'.

2 Crón 26:18

Y xkipaba' k'a ki' chuwech ri rey Ozías, y xkibij chire: Rey Ozías, man naporoj pom chuwech ri Jehová, roma re samaj re' man ruk'amon ta chi rat yabano, ja roj ri oj sacerdote ri oj rijatzul kan ri Aarón ri oj cha'on kan richin niqaben. Katel-pe chiri' qajaw, chupan ri jay richin ri Dios, roma kan yamakun-wi chuwech ri Jehová, rija' kan man xtunimirisaj ta ri abi' roma ri naben, xecha' chire.

2 Crón 9:29

Ri ch'aqa' chik natabel richin ri Salomón, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri kichin ri e q'alajirisey ruch'abel ri Dios, kibini'an Natán y ri Ahías ri aj-Siló, y chuqa' chupan ri wuj ri nich'on chirij ri rubanobal ri Jeroboam ruk'ajol ri Nabat, y ri wuj ri' ja ri Iddo ri nitz'eton ri peteneq chiqawech ri tz'ibayon kan.

1 Rey 20:35

K'o k'a jun achin kachibil ri jun molaj achi'a' e q'alajirisey ruch'abel ri Dios. Rija' xubij k'a chire ri jun chike ri e rachibil chi tusoko' roma keri' rubin ri Dios. Stape' keri' rubin ri Dios, ri rachibil man xrajo' ta xusok.

1 Rey 13:32

roma ri xuq'alajirisaj rija' chirij ri porobel wawe' pa Betel, y ri porobel ri ek'o chuwi' taq juyu', ri xbix chire roma ri Jehová, kan qitzij xtik'ulun, xcha'.

1 Rey 13:26

Toq ri ti ri'j achin xrak'axaj re', jari' toq xubij: Ri' jari' ri achin richin ri Jehová aj-Judá, ri man xunimaj ta rutzij ri Jehová. Roma ri' ri Jehová xuya' q'ij richin xel-pe jun koj chirij richin xuxil y xukamisaj achi'el xbix chire roma ri Jehová, xcha'.

1 Rey 13:9

roma toq xch'on-pe ri Jehová wik'in, kan xubij chuwe chi man yiwa-yinuk'ya' ta wawe', ni man yitzolin ta chupan ri bey ri akuchi in peteneq-wi, xcha' chire ri rey.

1 Rey 13:5

Y chupan k'a ri ramaj ri' ri porobel xwuluwu-qa, y ri chaj ri k'o pa ruwi' xkiratej. Y ronojel re' xbanatej richin retal, achi'el ri rubin ri Jehová roma ri q'alajirisey ruch'abel.

1 Rey 12:22

Ri Jehová xch'on-pe rik'in jun q'alajirisey ruch'abel, ri rubini'an Semaías, y xubij chire:

Wuj Richin ri Q'axanri'il 16:40

Richin keri' xok kan jun natabel chikiwech ri winaqi' israelita, chi xaxe ri e rijatzul ri Aarón ri utz nikisuj pom chuwech ri Jehová. Y wi k'o jun xabachike wineq ri nibanon keri', kan xtuk'uluwachij k'a achi'el ri xuk'uluwachij ri Coré y ri e tzeqelibey richin. Kan kere' k'a ri xubij ri Jehová chire re tinamit roma ri Moisés.

Apocalipsis 8:3

Y xintz'et k'a chi peteneq jun chik ángel y ruk'amon-pe jun porobel-pom ri banon rik'in q'anapueq, y choj xbepa'e' chuwech-apo ri porobel ri banon chuqa' rik'in q'anapueq ri k'o-apo chuwech ri akuchi tz'uyul-wi ri Dios. Y xbejach k'a pe k'iy pom chire, ri xxol rik'in ri kich'owen ri ralk'ual ri Dios, richin chi xsuj pa ruwi' ri porobel ri'.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

1 Sam 9:6

K'ari' ri rusamajel xubij: Wawe' chupan re tinamit re' k'o jun achin ri q'alajirisey ruch'abel ri Dios. Kan janila k'a rutzijol chi ri achin ri' ronojel ri nubij nibanatej. Jo' rik'in rija'. Rik'in juba' nubij chiqe ri achike ta bey k'atzinel richin niqak'uaj, xcha'.

2 Rey 23:15

Ri Josías xbe pa Betel ri akuchi k'o-wi ri porobel ri xuben kan ri Jeroboam ri ruk'ajol ri Nabat, ri xuben chi ri israelita xemakun, ri akuchi nikiya' kiq'ij wachibel. K'ari' ri Josías chaq k'ate' xutz'et muqbel ri ek'o chiri', xuben chi xe'elesex-pe ri baq ri ek'o chupan, y ri baq ri' xeruporoj pa ruwi' ri porobel richin nuben chire chi man jun rejqalen, kan achi'el ri ruch'abel ri Jehová ri xuq'alajirisaj kan ri achin richin ri Dios toq xch'on chirij ronojel re'. Chirij ri' xuwulaj ri porobel y xuporoj ri paban-che' richin Asera y ronojel ri ek'o chiri'.

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

1 Sam 2:27

Chirij re' ri Dios xuteq jun q'alajirisey ruch'abel rik'in ri Elí, richin xubij chire: Toq ri iwati't-imama' e ximil pa samaj chiri' pan Egipto, yin xinq'alajirisaj-wi' chikiwech.

Am 7:13

Man jun chik taq'alajirisaj re wawe' pa Betel, roma re wawe' jare' ri akuchi nuya-wi ruq'ij ri ru-dios ri rey, xcha'.

Am 7:16

Roma ri' tawak'axaj k'a ri ruch'abel ri Jehová. Rat Amasías xabij chuwe chi man jun tinq'alajirisaj chirij ri achike xtibek'uluwachitej wawe' pan Israel, ni man jun tinbij chiwij rix.