1 Rey 12:31 - Kaqchiquel Bible

³¹ Xeruben k'a q'anej rachoch akuchi yekiya-wi kiq'ij ri ki-dios pa ruwi' taq juyu', y man jun bey xe'ukusex ri e rijatzul kan ri Leví richin sacerdote.

1 Rey 12:31 ပူးပေါင်းရင်းမြစ်များ

2 Crón 13:9

Rix man chik xiya' ta q'ij chike ri e levita ri e rijatzul kan ri Aarón richin xkiben ri kisamaj richin ri Jehová, y xa ja rix ri xixcha'on ri i-sacerdote achi'el nikiben ri ch'aqa' chik ruwach'ulew ri man ketaman ta ruwech ri Jehová. Xabachike ri napon iwik'in richin nok sacerdote, wi ruk'uan jun nima-alaj achij wákix y wuqu' achija' taq karne'l, jari' ri niben-qa i-sacerdote chire richin yerusamajij ri i-dios ri man e qitzij ta.

2 Rey 17:32

Kan nikiya' ruq'ij ri Jehová. Jak'a xa nikiya' chuqa' kiq'ij ri ki-dios, achi'el xkiben ri aj-Israel ri xe'uk'uex-el. Chuqa' xkiben chike jujun ri kiwinaq richin xe'ok sacerdote richin yekisamajij ri akuchi nikiya-wi kiq'ij ri wachibel pa ruwi' taq juyu', y rije' chuqa' nikisuj kamelabel ri chiri'.

Wuj Richin ri Q'axanri'il 3:10

Kan tabana' k'a chi ja ri Aarón y ri e ruk'ajol ri xke'ok sacerdote richin chi ja rije' ri xkepa'e' chuwech ri samaj. Jak'a xabachike wineq ri man levita ta y nijel-apo chubanik ri samaj ri', xtikamisex.

Os 12:11

Ri winaqi' richin Galaad xa ja ri dios ri man e qitzij ta ri xekitzeqelibej. Ri winaqi' ri ek'o pa Guilgal xekisuj k'a richin kamelabel ri achija' taq wákix. Ri kiporobal rije' xa ruyon k'a mulumeq taq abej ri ek'o chukojol boloj ulew richin pa juyu'.

Ez 16:25

Y chiri' pa taq krusin-bey xaya' kiq'ij ri wachibel. Man xaya' ta rejqalen chi rat at jebel ok, xa kan xasuj k'a ri ach'akul chikiwech xabachike ri yeq'ax keri'. Y kan jantape' k'a xamakun rik'in ri banobel ri'.

1 Rey 13:24

richin keri' nuchop-el bey. Y toq ruchapon chik k'a el bey, xbe-el pe jun koj chirij y xukamisaj, y ri ruch'akul chiri' xpune-wi kan. Y ri kamineq xk'oje' kan chikikojol ri ti bur y ri koj.

Deut 24:15

Toq nuk'is ri q'ij, kan jari' titojo-el chire, y man tiben chi nik'is-qa ri q'ij y man niya' ta chire ri xuch'ek, roma rija' xa man jun k'o rik'in y xaxe rik'in ri' nuq'axibej-wi-ri'. Richin keri' man nisujun ta chuwech ri Jehová ri qa-Dios chiwij y man yixqaqa ta pa mak rix.

2 Rey 17:29

Jak'a chikijujunal ri tzobaj winaqi' ri man e aj chiri' ta chuqa' xekiben wachibel ki-dios, y xekiya' k'a chiri' ri akuchi nikiya-wi kiq'ij wachibel ojer kan, ri aj-Israel.

Am 7:10

Ri Amasías jari' ri sacerdote chiri' pa Betel. Y rija' xuteq rubixik chire ri Jeroboam rey richin Israel, y xubij chi yin yibiyaj chikikojol ri qawinaq israelita richin yich'on itzel chirij ri rey. Y xubij chuqa' chi ri winaqi' kan xik'o yan kik'u'x richin yinkak'axaj,

1 Rey 14:23

Rije' xekipaba-q'anej ri akuchi nikiya-wi ruq'ij ri wachibel ri pa ruwi' taq juyu', y chuqa' xekipaba-q'anej abej y che' richin nikiya' kiq'ij ri ki-dios. Re' xeban pa ronojel ruwi' taq juyu' y chuxe' taq che' ri jebel kimujal.

2 Rey 17:28

Y jun k'a chike ri sacerdote aj-Israel, xbek'oje' chiri' pa tinamit Betel, richin xerutijoj ri achike rubanik richin nikiya' ruq'ij ri Jehová y nikiben ri niqa' chuwech rija'.