1 Rey 12:29 - Kaqchiquel Bible

²⁹ K'ari' xberuya' kan jun pa xokon chiri' pa tinamit Betel, y ri jun chik xberuya' kan pa xaman chiri' pa tinamit Dan.

1 Rey 12:29 ပူးပေါင်းရင်းမြစ်များ

Wuj Richin ri Rutikeribel 28:19

Y xubij Betel*f26* chire ri tinamit ri', stape' ri pa nabey rubini'an Luz ri tinamit ri'.

Am 8:14

Chi'iwonojel xkixtzaq y man xkixyakatej ta chik: Rix ri nijikiba' itzij chuwech ri wachibel ri k'o pa Samaria, rix ri niya' itzij pa rubi' ri dios ri k'o pa Dan, ri niya' itzij pa rubi' ri dios ri k'o pa Beerseba. Xkixtzaq y man jun bey chik xkixyakatej, xcha'.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Wuj Richin ri Jeremías 8:16

Kan k'a kela' pa tinamit Dan, xak'axatej chi e peteneq chik ri e etzelanel qichin y nikixupuj pa kitza'n ri kiej. Y toq yeyijij kan nisilon chijun ri ruwach'ulew. Yepe richin nokik'isa' kan ri ruwach'ulew y ronojel beyomel, konojel ri qatinamit y qonojel roj, xkixcha'.

2 Rey 10:29

Man rik'in ri', ri Jehú man xuch'er ta kan ri' chire ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun roma k'a xeruya' na kan ri ka'i' nima-alaj achij wákix ri banon rik'in q'anapueq ri ek'o chiri' pa tinamit Betel y pa Dan.

Wuj Kichin ri To'onela' 20:1

Jari' k'a xe'el-pe ri achi'a' ri e richin ri ch'aqa' chik tzobaj richin niban jun molojri'il pa tinamit Mispá chuwech ri Jehová. Xkimol k'a ki' y xa jun xkiben, xtiker-pe pa Dan ri k'o pa xaman, k'a pa Beerseba ri k'o pa xokon, y konojel ri achi'a' ri ek'o juk'an chik chire ri raqen-ya' Jordán.

Deut 34:1

Chirij ri' ri Moisés xel k'a el chiri' pa taq'aj richin ri Moab y xjote-el pa ruwi' jun chike ri juyu' Pisgá y xapon pa ruwi' ri juyu' Nebo, ri k'o chuwech-apo ri Jericó. Chiri' ri Jehová xuk'ut chuwech chijun ri ruwach'ulew Canaán, ri nitiker-el pa Galaad y napon k'a pa Dan.

Wuj Richin ri Rutikeribel 35:1

K'o k'a jun q'ij ri Dios xubij chire ri Jacob: Kayakatej y kabiyin-el pa Betel. Chiri' kak'oje-wi, y tabana-q'anej jun porobel richin kamelabel chuwe yin toq xink'ut-wi' chawech toq at animajineq chuwech ri awach'alal Esaú, xcha' ri Dios chire ri Jacob.

Wuj Richin ri Rutikeribel 14:14

Y toq ri Abram xrak'axaj chi ri Lot, ri ruch'utik'ajol xuk'uex-el koma ri rey ri xech'akon, rija' xuya' kikamisabal ri samajela' ri e alaxineq pa rachoch. Xebe e 318 achi'a' y xekitzeqelibej k'a pa tinamit rubini'an Dan.

Wuj Richin ri Rutikeribel 12:8

K'ari' xbe-el pa taq'aj ri chuwi-juyu', chiri' pa relebel-q'ij pa Betel y chiri' xupaba-q'anej ri rachoch ri banon rik'in tzieq y xuben chikikojol ka'i' tinamit; pa qajbel-q'ij k'o-wi ri Betel, y pa relebel-q'ij k'o-wi ri Ai. Y chiri' xuben-q'anej chuqa' jun porobel richin xuporoj jun kamelabel chuwech ri Jehová y kan xuya' ruq'ij.

Wuj Kichin ri To'onela' 18:26

Y ri Micaías toq xutz'et chi kan janila e k'iy ri e rijatzul ri Dan, xtzolej kan chirachoch, y rije' kan xkichop chik k'a el bey.

1 Rey 15:20

Y ri Ben-hadad xjunamatej-ruwech rik'in ri rey Asá, y xeruteq-el ri achi'a' ri e aj-raqen pa kiwi' ri aj-labal, richin xbekibana' oyowal kik'in ri aj-Israel. Y keri' xkich'ek ri tinamit Iión, ri Dan, ri Abel-bet-maacá, ri ruwach'ulew Quinéret y chuqa' chijun ruwach'ulew richin ri Neftalí.

2 Rey 2:2

Y ri Elías xubij chire ri Eliseo: Wakami kakanej kan wawe', roma ri Jehová yiruteq pa tinamit Betel, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y k'ari' xebe junan k'a pa Betel.

Wuj Richin ri Jeremías 48:13

K'ari' rix aj-Moab xkixk'ixbitej roma ri i-dios Quemós*f11* achi'el xkiben ri winaqi' israelita roma ri ki-dios ri k'o pa Betel, ri kan kikuquban kik'u'x rik'in.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Am 5:5

Man tikanoj ri tinamit Betel. Man kixbe pa tinamit Guilgal. Chuqa' man kixq'ax-el pa Beerseba, roma ri aj-Guilgal kan xke'uk'uex-el pa ximonri'il. Y ri Betel kan xtiwuluwu' kan.

Am 7:13

Man jun chik taq'alajirisaj re wawe' pa Betel, roma re wawe' jare' ri akuchi nuya-wi ruq'ij ri ru-dios ri rey, xcha'.

Wuj Richin ri Josúe 7:2

Xeri' ri Josué xeruteq-el achi'a' y xe'el-el pa Jericó y xebe k'a pa jun chik tinamit rubini'an Ai ri k'o chunaqaj ri Bet-avén ri k'o pa relebel-q'ij chire ri tinamit Betel y xubij-el chike: Kixbiyin y tibenik'oj kan jebel ri tinamit Ai, xcha'. Rije' xebe k'a y xbekinik'oj ri tinamit.

1 Rey 13:4

Toq ri rey Jeroboam xrak'axaj ri xubij ri achin ri' pa ruwi' ri porobel ri k'o chiri' pa Betel, jari' toq k'a chiri' rik'in ri porobel xuk'ut rik'in ri ruq'a', y xubij: ¡Tichapa' la achin la'!, xcha'. Y kan jari' toq ri ruq'a' ri achoq ik'in xuk'ut-wi ri achin richin ri Dios kan che-che' xuben kan y man xtikir ta chik xuqasaj-qa.

2 Crón 13:8

Y rix wakami niwajo' nipaba-iwi' chuwech ri ruq'atbal-tzij ri Jehová, ri ruya'on kan chike ri e rijatzul kan ri rey David. Rix nich'ob keri' roma kan ix k'iy, y ek'o iwik'in ri nima-alaji' achija' taq wákix ri e banon rik'in q'anapueq ri xeruben ri Jeroboam richin niya' kiq'ij ri i-dios.