1 Rey 12:25 - Kaqchiquel Bible

²⁵ K'ari' ri Jeroboam xupaba' chik q'anej ri tinamit Siquem ri chiri' chuwi' taq juyu' richin Efraín y chiri' xk'oje-wi-qa. Y chirij ri' xupaba' chik q'anej ri tinamit Penuel.

1 Rey 12:25 ပူးပေါင်းရင်းမြစ်များ

Wuj Kichin ri To'onela' 8:17

Y keri' chuqa' xuwulaj ri kachoch ri chajinela' richin nikito-ki' ri winaqi', ri ek'o chiri' pa Penuel, y xerukamisaj chuqa' konojel ri winaqi' richin ri tinamit.

Wuj Kichin ri To'onela' 8:8

Y xel-el chiri' y xjote-q'anej pa tinamit Penuel, y xuk'utuj chuqa' utzil chike achi'el xuk'utuj chike ri aj-Sucot, jak'a ri aj-Penuel xa xkibij-pe chire achi'el xkibij ri aj-Sucot.

1 Rey 16:24

Y k'o k'a jun juyu' chiri' ri rubini'an Samaria, y ri rajaw ri juyu' ri' rubini'an Sémer. Y ri Omrí xuloq' k'a kan ri juyu' ri'. Xutoj jubama jun quintal rik'in nik'aj saqipueq, y chiri' xupaba-wi-q'anej jun tinamit ri xubini'aj Samaria, roma ri nabey rajaw xubini'aj Sémer.

1 Rey 15:17

Y ri Baasá xyakatej k'a el richin niberubana' oyowal rik'in ri Asá, rey richin Judá. Xjote' k'a el chirij ri tinamit Ramá, y xuchop xupaba-q'anej jun tz'aq richin nutz'apej ri bey richin chi yeruq'et ri winaqi' ri ye'el-ye'ok chupan ri ruwach'ulew Judá y rik'in ri Asá.

1 Rey 12:1

Chirij ri rukamik ri Salomón, ri Roboam xbe k'a pa tinamit Siquem roma konojel winaqi' richin Israel xebe chiri' richin nikiben ki-rey chire rija'.

1 Rey 9:15

Ri rey Salomón xerumol k'a winaqi' richin xban-q'anej ri samaj. Y ri samaj ri', ja ri xban-q'anej ri rachoch ri Jehová, ri rachoch rija', ri tz'aq ri rusutin-rij ri tinamit Jerusalem y ri ulew ri achoq ik'in xtaq'ajux-wi richin chiri' xpabex-q'anej ri tinamit, y chuqa' richin xepabex chik q'anej ri tinamit Hasor, ri Meguido y ri Guézer.

Wuj Kichin ri To'onela' 9:1

Ri Abimélec ruk'ajol kan ri Jerubaal xbe pa tinamit Siquem richin xbech'on kik'in ri ruch'utitata' ri e ruxibal rute' y chuqa' kik'in konojel ri ach'alalri'il ri', y kere' xubij chike:

Wuj Richin ri Rutikeribel 12:6

ri Abram kan xbe-kela' xbe-kela' ri xuben chupan chijun ruwach'ulew y k'ari' xapon k'a pa Siquem ri akuchi k'o-wi jun li'aj paten-che', chiri' pa Moré. Y chupan ri ruq'ijul ri' k'a ek'o na ri rijatzul ri Canaán chiri'.

1 Rey 12:26

Y ri Jeroboam xuch'ob-qa pa ránima: Re q'atbel-tzij re k'o pa nuq'a', rik'in juba' xa xtitzolin chik pa kiq'a' ri aj pa rachoch kan ri rey David.

Wuj Richin ri Jeremías 41:5

xe'apon k'a jumuch' achi'a' ri e peteneq pa Siquem, pa Siló y pa Samaria. Y rije' kan kisokan k'a pe ri rusumal-kichi', kikusan-pe tzeretzeq kitziaq y ri kich'akul nojineq chi sokotajik ri ja rije' e banayon-qa; re' retal richin bis. Chuqa' kik'amon-pe jalajoj ruwech ixin y pom richin nikisuj chuwech ri Jehová chiri' pa rachoch pa Jerusalem.

Wuj Richin ri Rutikeribel 32:32

Roma ri' k'a re wakami ri rijatzul ri Israel man nikitej ta ri iboch' ri k'o chutzan-racheq ri kawej roma chiri' xsokotej-wi chire ri Jacob.