1 Rey 12:24 - Kaqchiquel Bible

²⁴ Ri Jehová nubij chi man yixbe ta richin nibebana' oyowal kik'in ri qach'alal ri e rijatzul kan ri Israel. Más utz kixtzolin chi'ijujunal chi'iwachoch, roma kan ja ri Jehová ri xya'on q'ij chi keri' xbanatej, kacha' chike, xcha' ri Jehová chire ri Semaías. Toq ri winaqi' xkak'axaj ronojel re', rije' kan xkinimaj k'a ri ruch'abel ri Dios y xetzolej k'a chi taq kachoch.

1 Rey 12:24 ပူးပေါင်းရင်းမြစ်များ

1 Rey 12:15

Keri' ri rey xa man xerak'axaj ta ri winaqi'. Jak'a ri Jehová xya'on q'ij chi keri' xbanatej, richin keri' nibanatej ronojel achi'el xubij ri Jehová chire ri Ahías ri aj-Siló toq xch'on rik'in ri Jeroboam.

Os 8:4

Rije' xkich'okoba' k'a ri ki-rey richin nik'oje' pa kiwi', ri xa man ja ta yin xicha'on chikiwech. Xekikanoj k'a qa aj-raqen chikikojol, jak'a yin man xinwetamaj ta. Rik'in ri saqipueq y ri q'anapueq xekibanala-qa ri ki-dios. Ronojel re' xuben chike richin chi xpe wululen chikij.

2 Crón 25:10

K'ari' ri Amasías xuben chike ri aj-labal aj-Efraín chi xa xerutzolij-el chi taq kachoch. Jak'a rije' janila xpe koyowal chike ri aj-Judá y kan janila k'a koyowal xetzolin-el chi taq kachoch.

2 Crón 11:4

Kabech'on rik'in ri Roboam ri rey richin Judá, kik'in konojel ri ruwinaq, y ri winaqi' aj-Benjamín, y ri ch'aqa' chik winaqi' ri ek'o chiri' y tabij chike:

Wuj Richin ri Q'axanri'il 14:42

Man kixbe-el ri pa ruwach'ulew ri', roma wi yixbe ri Jehová man nibe ta iwik'in, xa choj yixbech'akatej-pe, koma ri winaqi' ri aj chiri' ri e etzelanel iwichin.

1 Rey 12:25

K'ari' ri Jeroboam xupaba' chik q'anej ri tinamit Siquem ri chiri' chuwi' taq juyu' richin Efraín y chiri' xk'oje-wi-qa. Y chirij ri' xupaba' chik q'anej ri tinamit Penuel.

Wuj Richin ri Rutikeribel 24:50

K'ari' ri Labán pa rubi' ri Betuel, ri rutata', xubij: Rik'in ri Jehová peteneq-wi ronojel re'; roj man jun yojtikir niqabij chawe wi ja' o ni.

Wuj Kichin ri To'onela' 14:4

Jak'a ri rute-rutata' ri Sansón man ketaman ta chi ronojel re' kan rik'in ri Jehová peteneq-wi, roma ri Dios nrajo' chi k'o ta jun ri niyakatej richin nuben oyowal kik'in ri aj-Filistea; roma ri q'ij ri' ja ri aj-Filistea ri ek'o pa kiwi' ri israelita.

1 Rey 14:30

Y chijun k'a ri kik'aslen ri Roboam y ri Jeroboam, kan jantape' xk'oje' oyowalen chikikojol.

2 Crón 22:7

Ri Dios xuben chire ri Ocozías chi nibeken toq xtiberuq'ejela-el ri Joram. Toq ri Ocozías xapon rik'in ri Joram, kan jari' k'a xe'el-el richin nibekibana' oyowal rik'in ri Jehú, ruk'ajol ri Nimsí. Jak'a ri Jehová kan rucha'on ri Jehú richin yeruk'is konojel ri e ralk'ual y ri rixjayil ri Acab.