1 Rey 12:22 - Kaqchiquel Bible

²² Ri Jehová xch'on-pe rik'in jun q'alajirisey ruch'abel, ri rubini'an Semaías, y xubij chire:

1 Rey 12:22 ပူးပေါင်းရင်းမြစ်များ

2 Crón 11:2

Y toq ri Roboam xapon ri chiri' pa tinamit Jerusalem, rija' kan jari' xuteq koyoxik ri achi'a' richin ri tzobaj richin Judá y Benjamín. Chikikojol konojel ri', xerucha' k'a e 180,000 aj-labal, richin nibekibana' oyowal kik'in ri lajuj chik tzobaj israelita, y keri' nitzolin ta chik chijun ri ajawaren pa ruq'a' ri Roboam, ruk'ajol kan ri Salomón.

1 Timoteo 6:11

Jak'a rat, Timoteo, ri at rusamajel ri Dios, katanimej chuwech ronojel re'; kan tatija' aq'ij nak'uaj jun k'aslen choj, jantape' tabana' ri niqa' chuwech ri Dios, kan takuquba' ak'u'x rik'in ri Cristo, katajowan, kakoch'on y tak'uaj jun k'aslen ch'uch'uj.

2 Rey 4:27

Toq xe'apon chiri' pa juyu' Carmelo, ri ixoq xxuke-qa y xuq'etej ri raqen ri Eliseo. Y ri Guehazí xjel-apo richin nrelesaj-pe chiri' ri ixoq, jak'a ri Eliseo xubij chire: Taya' kan, roma rija' kan niq'axon ránima, y ri Jehová man ruq'alajirisan ta chinuwech achike roma kela' rubanon, xcha'.

2 Rey 4:25

Xbe k'a ri ixoq, y toq napon yan rik'in ri juyu' Carmelo ri akuchi k'o-wi ri Eliseo, ri rusamajel ri Dios, k'a chiri' xutz'et-pe ri ixoq, y xubij chire ri Guehazí: Tatz'eta', la ixoq la peteneq chila', la' ja ixoq aj-Sunem la'.

2 Rey 4:22

Xuteq k'a royoxik ri rachijil, y xubij chire: Tabana' utzil tataqa-el jun samajel wik'in, y taya-el jun bur chuwe richin chi yin yibe chi'anin rik'in ri achin richin ri Dios, y xa yitzolin yan pe, xcha'.

2 Rey 4:16

Y ri Eliseo xubij chire chi ke taq wa juna' apo, xtuch'elej jun ti ral. Y ri ixoq xubij: Ni, rusamajel ri Dios; tabana' utzil man kinaq'ol, xcha'.

1 Rey 17:24

K'ari' ri ixoq xubij chire ri Elías: Wakami niq'ax chinuwech chi rat kan at jun achin richin ri Dios, y kan ja ri qitzij ruch'abel ri Jehová ri nanataj, xcha'.

1 Rey 17:18

Y ri ixoq ri' xubij chire ri Elías: ¿Achike xinmakuj yin chawech, rat ri at rusamajel ri a-Dios? ¿At peteneq wik'in chunataxik ronojel ri itzel nubanobal, y roma ri' xken ri ti wal?, xcha'.

1 Rey 13:11

Y chiri' pa Betel k'o k'a jun chik q'alajirisey ruch'abel ri Dios ri janila chik ri'j. Y ri ruk'ajol xkitzijoj k'a chire ronojel ri xbanatej chupan ri q'ij ri' chiri' pa Betel roma ri achin richin ri Dios. Y chuqa' xkitzijoj chire ri ch'abel ri xubij kan chire ri rey.

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

Deut 33:1

Toq k'a man jani tijote-el ri Moisés pa ruwi' ri juyu', jari' toq xrurtisaj kan ri tinamit Israel. Y jare' k'a ri urtisanik ri xuya' kan pa kiwi':

2 Rey 4:7

Ri ixoq xberutzijoj k'a chire ri Eliseo, y ri Eliseo xubij chire: Kabiyin y tak'ayij ri aceite richin natoj ri k'as. Rat y ri e ka'i' awal xtiq'axaj iwi' rik'in ri aceite ri xkolotej kan, xcha'.

2 Rey 5:8

Toq ri Eliseo, ri rusamajel ri Dios, xrak'axaj chi ri rey richin Israel xuretz rutziaq roma xuxibij-ri', xuteq rubixik chire: ¿Achike roma xaretz ri atziaq chawij? Tipe k'a wik'in yin ri achin ri' richin nretamaj chi wawe' pan Israel k'o jun q'alajirisey ruch'abel ri Dios, xcha'.

Wuj Richin ri Jeremías 35:4

Y xenk'uaj pa rachoch ri Jehová y xojok-apo pa kachoch ri ralk'ual ri Hanán ruk'ajol ri Igdalías, ri rusamajel ri Dios; ri jay ri' k'o-apo chunaqaj ri jay kichin ri tata'al, ri k'o pa ruwi' ri rachoch ri Maaseías ruk'ajol ri Salum ri nichajin ri ruchi' ri rachoch ri Dios.

2 Crón 12:15

Ri ch'aqa' chik natabel richin ri Roboam, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri richin ri q'alajirisey ruch'abel ri Dios rubini'an Semaías y chupan ri wuj richin ri Iddo, ri nitz'eton ri peteneq chiqawech. Y chijun k'a ri kik'aslen ri Roboam y ri Jeroboam, kan jantape' xk'oje' labal chikikojol.