1 Rey 12:21 - Kaqchiquel Bible

²¹ Y toq ri Roboam xapon ri chiri' pa tinamit Jerusalem, rija' kan jari' xuteq koyoxik ri achi'a' richin ri tzobaj richin Judá y Benjamín. Chikikojol konojel ri', xerucha' k'a e 180,000 aj-labal, richin nibekibana' oyowal kik'in ri lajuj chik tzobaj israelita, y keri' nitzolin ta chik chijun ri ajawaren pa ruq'a' ri Roboam, ruk'ajol kan ri Salomón.

1 Rey 12:21 ပူးပေါင်းရင်းမြစ်များ

2 Crón 14:11

Ri Asá xuk'utuj to'onik chire ri Jehová ri ru-Dios y xubij: ¡Jehová, chawech rat junan richin ye'ato' ri aj-labal ri k'o kuchuq'a', y ri maneq kuchuq'a'! Y roma ri' qojato' Jehová ri at qa-Dios, roma kan awik'in rat qakuquban-wi qak'u'x, y pan abi' rat oj peteneq-wi chikij re achi'a' re'. ¡Jehová ja rat at qa-Dios; tak'utu' k'a awi' chi awik'in rat kan man jun nitikir!, xcha'.

2 Crón 14:8

Ri Asá xek'oje' aj-labal rik'in; ri aj-Judá ek'o k'a e 300,000 achi'a' ri k'o kitobal y kikum, y ri aj-Benjamín ek'o k'a 280,000 achi'a' ri k'o kokoj tobel kik'in y chuqa' k'o ri rute-ch'ab kik'in; konojel k'a re achi'a' re' janila kuchuq'a' k'o.

1 Crón 21:5

Ri Joab xujech k'a ri kajlabal ri achi'a' chire ri David; y ri kajlabal, e 1,100,000 achi'a' ri yetikir yebanon labal rik'in espada ri chiri' pa xaman chire ri ruwach'ulew Israel, y ek'o chuqa' 470,000 ri chiri' pa xokon chire ri ruwach'ulew Judá.

1 Rey 11:32

Jak'a chire ri rey Salomón xaxe chik jun tzobaj winaqi' ri xtuya' roma kan nujoyowaj ruwech ri David ri rusamajel, y roma chuqa' kan rucha'on ri tinamit Jerusalem chukojol ronojel ri tinamit pa ruwach'ulew Israel.

1 Rey 14:30

Y chijun k'a ri kik'aslen ri Roboam y ri Jeroboam, kan jantape' xk'oje' oyowalen chikikojol.