1 Rey 12:20 - Kaqchiquel Bible

²⁰ Y toq ri ch'aqa' chik tzobaj tinamit Israel xkak'axaj chi ri Jeroboam xtzolin-pe, konojel ri winaqi' xkimol-ki' richin nikiben rey chire pa ruwi' ri ruwach'ulew Israel; y kan xaxe chik k'a ri tzobaj richin ri Judá ri xtzeqeliben richin ri Roboam, ri rijatzul kan ri Salomón.

1 Rey 12:20 ပူးပေါင်းရင်းမြစ်များ

1 Rey 11:32

Jak'a chire ri rey Salomón xaxe chik jun tzobaj winaqi' ri xtuya' roma kan nujoyowaj ruwech ri David ri rusamajel, y roma chuqa' kan rucha'on ri tinamit Jerusalem chukojol ronojel ri tinamit pa ruwach'ulew Israel.

1 Rey 11:13

Stape' keri', kan man chi ronojel ta ri ajawaren xtinwelesaj kan pa ruq'a' ri ak'ajol. Xa kan k'a xtinya' na k'a kan jun chik tzobaj chire ri nutinamit richin xtik'oje' kan pa ruq'a'; kere' xtinben roma ri wajowabal chire ri David ri nusamajel, y roma ri wajowabal pa ruwi' ri nutinamit Jerusalem ri nucha'on chik, xcha' ri Jehová.

Os 11:12

Rije' xa kan xaxe k'a tz'ukuj-tzij nikiben chuwech. Kan ruyon k'a q'oloj nikiben. Ri aj-Judá kan kich'aron k'a kan ki' chire ri Dios. Wakami xa jak'a ri wachibel ri xkitzeqelibej.

Os 8:4

Rije' xkich'okoba' k'a ri ki-rey richin nik'oje' pa kiwi', ri xa man ja ta yin xicha'on chikiwech. Xekikanoj k'a qa aj-raqen chikikojol, jak'a yin man xinwetamaj ta. Rik'in ri saqipueq y ri q'anapueq xekibanala-qa ri ki-dios. Ronojel re' xuben chike richin chi xpe wululen chikij.

1 Rey 12:17

Jak'a ri aj-Israel ri k'o kachoch pa taq tinamit ri chiri' pa Judá, k'a xq'aton na tzij ri Roboam pa kiwi'.

1 Rey 11:36

Y xaxe chik k'a jun tzobaj ri xtuya' kan chire ri ruk'ajol ri Salomón, richin keri' ri rusaqil ri David, man xtichup ta qa chuwech ri Jehová ri chiri' pa tinamit Jerusalem ri rucha'on richin chiri' ninatex-wi ri rubi'.

1 Sam 10:24

Y ri Samuel xubij chire ri tinamit: ¿Xitz'et ri achike xucha' ri Jehová richin nok kan rey? ¡Man jun chiwe rix ri nitikir ta nujunamaj-ri' rik'in rija'!, xcha'. K'ari' ri winaqi' xkibij: Utz ruwa-ruq'ij ri rey, yecha'.

1 Rey 11:26

K'o k'a chuqa' jun chik achin ri xyakatej chirij ri rey, y rija' rubini'an Jeroboam, ruk'ajol ri Nabat, y aj pa Seredá ri chiri' pa ruwach'ulew Efraín. Ri rute' jun malka'n ixoq rubini'an Zerúa. Y ri Jeroboam jun chike ri rusamajela' ri Salomón.

2 Rey 17:21

Ojer kan toq ri tinamit Israel xujech'ej-ri' rik'in ri rijatzul ri David, jari' toq xkibij chi xok ki-rey ri Jeroboam, ruk'ajol kan ri Nabat. Y rija' xuben chike richin man xkitzeqelibej ta chik ri Jehová, y xuben chike richin xemakun.

2 Sam 20:2

Keri' k'a konojel ri israelita xkimalij kan ri David y xkitzeqelibej ri Sebá ruk'ajol ri Bicrí. Jak'a ri aj-Judá xkitzeqelibej ri ki-rey y xkachibilaj-pe k'a pa raqen-ya' Jordán y xe'apon k'a pa Jerusalem.

1 Rey 11:35

Jak'a toq xtok kan jun chike ri ralk'ual chupan ri ajawaren, jari' toq ri Jehová xtrelesaj kan ri ajawaren pa ruq'a' y xtujech pan aq'a' rat ri lajuj tzobaj winaqi'.

1 Rey 11:37

Y xubij ri Dios chi rija' kan at rucha'on chik rat Jeroboam, richin yatok rey pa ruwi' ri Israel, y keri' k'a xtaq'et-tzij pa ruwi' ronojel ri ruwach'ulew ri xtawajo' rat.