1 Rey 12:18 - Kaqchiquel Bible

¹⁸ K'o k'a jun achin ri rubini'an Adoram, ja rija' ri pa'el pa ruwi' ri kan k'o chi nikitoj chire ri rey. Y toq ri rey Roboam xuteq-el kik'in ri israelita ri ek'o pa xaman richin niberuk'ulu' ri kan k'o chi nikitoj chire ri rey, jari' toq ri winaqi' xa xkikamisaj chi abej. Y toq ri rey xrak'axaj re' xberuchapa-pe ri ru-carruaje y xanimej-el k'a pa Jerusalem.

1 Rey 12:18 ပူးပေါင်းရင်းမြစ်များ

1 Rey 4:6

Ri Ahisar jari' ri xk'oje' pa kiwi' konojel samajela' pa rachoch ri rey. Ri Adoniram ruk'ajol ri Abdá ja rija' ri k'o pa ruwi' ri k'o chi nikitoj chire ri rey.

1 Rey 5:14

Y xeruteq k'a el e 10,000 pa Líbano richin yesamej chiri'; chi sol chi sol k'a xeruteq. Jun ik' k'a yebesamej chiri', y ka'i' ik' k'a yebek'oje' chi taq kachoch. Y ja ri Adoniram ri k'o pa ruwi' ronojel ri samaj ri'.

2 Sam 20:24

Ri Adoram xk'oje' pa kiwi' ri samajela' e ximil pa samaj rik'in ri rey. Ri Josafat ruk'ajol ri Ahilud, ja rija' ri nitz'iban ri nibanatej ronojel q'ij.

Hechos 5:26

Kan jari' k'a toq ri chajinela' y ri uk'uey kibey xebe chikik'amik ri e taqon roma ri Cristo, jak'a chi utzil k'a xekik'en-pe, roma rije' nikixibij-ki' chi yek'aq chi abej koma ri winaqi'.

Am 2:16

Chupan ri q'ij ri' ri achi'a' ri maneq xibinri'il chikiwech xa xke'animej; xtikiya' k'a kan ri kikamisabal richin xketikir xke'animej-el. Yin Jehová ri yibin.

2 Crón 24:21

Jak'a ri winaqi' xa xeyakatej chirij, y ri rey xubij chike chi tikik'aqa' chi abej chiri' chuwa-jay chire ri rachoch ri Jehová.

2 Crón 10:18

K'o k'a jun achin rubini'an Adoram y ja rija' ri pa'el pa kiwi' ri achi'a' ri kan k'o chi nikiben ri rusamaj ri rey y re achin re' xa xkamisex k'a chi abej, koma ri winaqi'. Y toq ri rey xrak'axaj re', xjote-el pa ru-carruaje, xanimej-el y xbe k'a pa Jerusalem.

Wuj Richin ri Q'axanri'il 14:10

Y kan jari' toq konojel ri winaqi' ri kimolon-ki' chiri', xkich'ob richin yekikamisaj chi abej, y kan jari' toq ri Jehová xuk'ut-ri' rik'in ruq'ij-ruk'ojlen pa ruwi' ri rachoch ri richin molojri'il chikiwech konojel rije'.

Ex 17:4

Jari' toq ri Moisés xch'on chik rik'in ri Jehová y xubij chire: ¿Achike k'a xtinben rik'in re tinamit re'? Roma rije' xa kan jari' ek'o chik richin chi yinkikamisaj chi abej, xcha'.