1 Rey 12:16 - Kaqchiquel Bible

¹⁶ Toq ri winaqi' ri e richin Israel xkitz'et chi ri rey man nrajo' ta yerak'axaj, jari' toq rije' xkibij chire: Roj xa oj man jun rik'in ri David, ni man jun xtiqichinaj rik'in rija' ri xa ruk'ajol ri Isaí. Roj ri aj-Israel, jo' pa taq qachoch y ri David kan tutzu' k'a pa ruwi' ri rachoch xecha'. Y keri', konojel k'a ri aj-Israel xetzolin chi taq kachoch.

1 Rey 12:16 ပူးပေါင်းရင်းမြစ်များ

2 Sam 20:1

Xk'oje' k'a jun achin ri janila banoy etzelal ri rubini'an Sebá, ruk'ajol ri Bicrí aj-Benjamín. Rija' nuxupuj k'a trompeta y nubila': Roj man jun achike ta niqoyobej chi nuya' ri David chiqe. Man jun niqach'ek chi niqatzeqelibej re ruk'ajol kan ri Isaí. Qonojel roj israelita qojtzolej pa qachoch, nicha'.

Wuj Richin ri Jeremías 33:21

Keri' chuqa' man yitikir ta ninyoj ri jikibel-tzij ri xinben rik'in ri nusamajel David, chi rija' jantape' nik'oje' jun rijatzul richin chi nuq'et-tzij y nik'oje' pa rutz'uyubal. Chuqa' man yitikir ta ninjel ri jikibel-tzij ri nubanon kik'in ri sacerdote ri e nusamajela' ri e rijatzul kan ri Leví.

2 Crón 10:16

Toq ri winaqi' ri e richin Israel xkitz'et chi ri rey man nrajo' ta yerak'axaj, jari' toq rije' xkibij chire: Roj xa oj man jun rik'in ri ánima David, ni man jun xqichinaj rik'in rija' ri xa ruk'ajol kan ri Isaí. Roj ri aj-Israel, jo' pa taq qachoch, y ri e aj pa rachoch kan ri David kan tikitzu' k'a pa ruwi' ri kachoch, xecha'. Y keri' konojel ri aj-Israel xetzolin chi taq kachoch.

Wuj Richin ri Isaías 7:2

Y toq xya'ox rutzijol chire ri rey Acaz y ri aj-Judá chi ri aj-Siria xjunamatej-kiwech kik'in ri aj-Israel, jari' toq ri aj-Judá kan janila xsilon ri kánima roma xibinri'il, achi'el toq yesilon ri nima'q taq che' roma ri kaq'iq'.

Wuj Richin Bix Chire ri Dios 132:17

Xabij chi wawe' xtaben chi xtibejotayin-pe ri ruchuq'a' ri David; y xtaben chike chi rije' man jun bey xkek'is, achi'el jun saqil ri man jun bey xtik'is.

Wuj Richin Bix Chire ri Dios 76:10

Kan qitzij wi chi chupan ri royowal ri wineq, xa kan ninimer ri utzilej atzijol rat. Kan ja rat xkaqasan ruwi' ronojel ri ch'aqa' chik oyowalen.

1 Rey 22:36

Jari' toq xel k'a rutzijol chiri' akuchi ek'o-wi-qa ri aj-labal aj-Israel, chi chikijujunal ketzolej pa taq kitinamit y pa taq kachoch.

1 Rey 22:17

K'ari' rija' xubij chire ri Acab: Yin nintz'et chi konojel ri winaqi' israelita kitalun-ki' pa ruwi' taq juyu', achi'el taq karne'l ri maneq kiyuq'unel. Y ri Jehová nubij k'a chi konojel re winaqi' re' xa maneq kajaw. Roma ri' taya' q'ij chike chi chikijujunal ketzolin chi taq kachoch rik'in uxlanibel-k'u'x, xcha' ri Micaías.

1 Rey 11:39

Y ri Jehová nubij chuqa' chi ri e rijatzul kan ri David xtuya' tijoj-poqonal pa kiwi', roma ri rumak ri Salomón, jak'a re tijoj-poqonal re' man richin ta q'asen, kere' rubin ri Jehová, xcha' ri Ahías.

1 Rey 11:36

Y xaxe chik k'a jun tzobaj ri xtuya' kan chire ri ruk'ajol ri Salomón, richin keri' ri rusaqil ri David, man xtichup ta qa chuwech ri Jehová ri chiri' pa tinamit Jerusalem ri rucha'on richin chiri' ninatex-wi ri rubi'.

1 Rey 11:34

Y ri Dios xubij chi ja ri David ri rusamajel ri xucha', y rija' kan xutaqej ri rupixa', y roma ri rajowabal pa ruwi' ri David, man nrelesaj ta ronojel ri ajawaren pa ruq'a' ri Salomón, xa kan k'a xtik'oje' na ri ajawaren pa ruq'a' chijun ruk'aslen.

1 Rey 11:13

Stape' keri', kan man chi ronojel ta ri ajawaren xtinwelesaj kan pa ruq'a' ri ak'ajol. Xa kan k'a xtinya' na k'a kan jun chik tzobaj chire ri nutinamit richin xtik'oje' kan pa ruq'a'; kere' xtinben roma ri wajowabal chire ri David ri nusamajel, y roma ri wajowabal pa ruwi' ri nutinamit Jerusalem ri nucha'on chik, xcha' ri Jehová.

2 Sam 16:11

K'ari' ri David xubij chire ri Abisai y chike konojel ri e tata'al: Wi ri nuk'ajol ri walk'ualan, nrajo' nrelesaj nuk'aslen, ¡K'a ta la' chik k'a jun chike ri rijatzul kan ri Benjamín! Tiya' k'a q'ij chire richin nroyoj itzel pa nuwi', roma rik'in juba' kan ja ri Jehová biyon chire.

2 Sam 15:13

Y k'o k'a jun ri xbeya'on rutzijol chire ri David, y xberubij chi ri tinamit Israel xkiben yan ki-rey chire ri Absalón.

Wuj Kichin ri To'onela' 8:35

ni chuqa' kan man jun chik matioxinik xkik'ut ta chikiwech ri e aj pa rachoch kan ri Gedeón ri nibix Jerubaal chire, stape' janila chi utzil xuben kan rik'in ri tinamit Israel.

San Lucas 19:27

Wakami, ninwajo' chi ye'ik'en-pe ri xe'ajowan chi man ta xinok kan rey. Y k'a ja re chinuwech yin ke'ikamisala-wi, xcha' ri rey. Keri' xubij ri Jesús.

San Lucas 19:14

Jak'a toq k'o chik k'a chupan ri ruwach'ulew ri k'o chi napon-wi richin niban-pe rey chire, ek'o k'a achi'a' ri e beneq pa kibi' konojel ri ruwinaq ri xe'apon k'a akuchi k'o-wi rija'. Y re achi'a' re' xbekibij: Roj man niqajo' ta chi re achin re' nuq'et-tzij pa qawi', xecha'.

San Juan 13:8

Jak'a ri Pedro xubij: Man xtinya' ta q'ij chi xtach'ej re waqen, xcha'. K'ari' ri Jesús xubij: Wi man ninch'ej ta ri awaqen, man at nutijoxel ta chik, xcha'.

1 Rey 11:11

Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

1 Rey 11:35

Jak'a toq xtok kan jun chike ri ralk'ual chupan ri ajawaren, jari' toq ri Jehová xtrelesaj kan ri ajawaren pa ruq'a' y xtujech pan aq'a' rat ri lajuj tzobaj winaqi'.

Wuj Richin ri Isaías 7:17

Jak'a ri Jehová xtuteq-pe pan iwi' tijoj-poqonal ri kan man jun bey itz'eton-pe, kan k'a ja toq ruch'aron-pe-ri' ri tinamit Israel qik'in roj ri aj-Judá. Re' nel chi tzij ri tijoj-poqonal ri xtiberuya' ri rey richin Asiria pan iwi'.

Ez 37:16

Rat Ezequiel, takanoj-pe ri tz'alem richin chi natz'ibaj re jun rutzijol re' chuwech: Richin ri rajawaren ri Judá y ri israelita ri ek'o rik'in. Chirij ri' takanoj jun chik ti tz'alem y tatz'ibaj chuqa' re rutzijol re' chuwech: Richin ri rajawaren ri José, ri q'atbel-tzij richin ri Efraín y ri ch'aqa' chik winaqi' israelita.

Wuj Kichin ri To'onela' 9:28

Y ri Gáal ruk'ajol ri Ébed k'o k'a apo chiri' y xubij: ¿Achike ta chik k'a ri qatinamit Siquem, richin chi roj oj rusamajela' ri Abimélec? Rija' xa jun ruk'ajol ri Jerubaal, y ri nito'on richin ja ri Zebul. Kan más utz kixok rusamajel jun ri kan qawinaq, ri rijatzul kan ri Hamor ri xpaban-q'anej ri tinamit Siquem. ¿Achike k'a roma toq rix iya'on-iwi' pa ruq'a' ri Abimélec?

Wuj Richin Etamabel-Tzij 15:1

Ri ch'uch'uj taq ch'abel kan nuben chi ri oyowal nik'is-el; jak'a ri poqon taq ch'abel xa nuben chi ri oyowal nibenimer-pe.

Marcos 3:24

Wi ta jun ajawaren nuch'er-ri', ri ajawaren ri' man xtiyaloj ta.