1 Rey 12:1 - Kaqchiquel Bible

¹ Chirij ri rukamik ri Salomón, ri Roboam xbe k'a pa tinamit Siquem roma konojel winaqi' richin Israel xebe chiri' richin nikiben ki-rey chire rija'.

1 Rey 12:1 ပူးပေါင်းရင်းမြစ်များ

Wuj Kichin ri To'onela' 9:6

K'ari' xkimol-ki' konojel winaqi' aj-Siquem y konojel ri ek'o pa Bet-miló, y xkiben chire ri Abimélec richin xok rey pa kiwi'; y re' xbanatej chunaqaj ri taq'aj ri akuchi k'o-wi ri paban-abej chukojol ri paten-che' ri ek'o chiri' pa Siquem.

Wuj Richin Bix Chire ri Dios 60:6

Ri Dios kan kere' k'a rubin chupan ri rachoch: Yin kan xkikikot; xtinch'er k'a ri ruwach'ulew Siquem, kan xtinwetaj k'a ri taq'aj kojol juyu' richin Sucot.

1 Rey 11:43

Y toq ri Salomón xuxlan-el, xkimuq k'a chupan ri rutinamit kan ri David ri rutata'. Y ri xq'aton kan tzij pa ruk'exel, ja ri Roboam ri ruk'ajol.

Wuj Kichin ri To'onela' 9:1

Ri Abimélec ruk'ajol kan ri Jerubaal xbe pa tinamit Siquem richin xbech'on kik'in ri ruch'utitata' ri e ruxibal rute' y chuqa' kik'in konojel ri ach'alalri'il ri', y kere' xubij chike:

Wuj Richin ri Josúe 24:32

Ri israelita kik'amon k'a pe pan Egipto ri rubaqil ri José, y xkimuq kan chupan ri ulew ri ruloq'on kan ri Jacob chiri' pa tinamit Siquem, ri xuloq' chike ri e ralk'ual kan ri Jamor. Re achin re' tata'aj richin ri Siquem. Y ri rajel ri xuya' chuwech, ja ri wok'al raqen saqipueq; y re ulew re' xok kan kichin ri e rijatzul kan ri José.

Wuj Richin ri Josúe 24:1

K'ari' ri Josué xerumol chik k'a jun bey ri achi'a' ri k'o kiq'ij, ri e tata'al richin ri tinamit, ri to'onela', ri samajela' ri k'o kiq'ij richin ri tinamit y konojel ri winaqi' israelita. Konojel rije' junan xe'apon chuwech ri Dios chiri' pa tinamit Siquem.

Wuj Richin ri Josúe 20:7

Jak'a tinamit re' richin tobel ri xekicha': Ri Quedes ri k'o pa Galilea ri k'o chuwi-juyu' richin ri Neftalí, ri Siquem ri k'o chuwi-juyu' richin ri Efraín y ri rutinamit Arbá ri nibix chuqa' Hebrón chire ri k'o chuwi-juyu' richin ri Judá.

Wuj Richin ri Rutikeribel 12:6

ri Abram kan xbe-kela' xbe-kela' ri xuben chupan chijun ruwach'ulew y k'ari' xapon k'a pa Siquem ri akuchi k'o-wi jun li'aj paten-che', chiri' pa Moré. Y chupan ri ruq'ijul ri' k'a ek'o na ri rijatzul ri Canaán chiri'.

Hechos 7:16

Jak'a ri kich'akul, pa tinamit Siquem, chiri' xebemuq-wi. Xemuq pa jun xoral, ri akuchi k'o k'ojelibel richin yebemuq-wi kan kaminaqi'. Re jun xoral re', kan jak'a ri Abraham ri loq'oyon kan chike ri e ralk'ual ri Hamor.

Wuj Richin ri Jeremías 41:5

xe'apon k'a jumuch' achi'a' ri e peteneq pa Siquem, pa Siló y pa Samaria. Y rije' kan kisokan k'a pe ri rusumal-kichi', kikusan-pe tzeretzeq kitziaq y ri kich'akul nojineq chi sokotajik ri ja rije' e banayon-qa; re' retal richin bis. Chuqa' kik'amon-pe jalajoj ruwech ixin y pom richin nikisuj chuwech ri Jehová chiri' pa rachoch pa Jerusalem.

1 Rey 12:25

K'ari' ri Jeroboam xupaba' chik q'anej ri tinamit Siquem ri chiri' chuwi' taq juyu' richin Efraín y chiri' xk'oje-wi-qa. Y chirij ri' xupaba' chik q'anej ri tinamit Penuel.

2 Crón 11:1

Y toq ri ch'aqa' chik tzobaj richin ri tinamit Israel xkak'axaj chi ri Jeroboam xtzolin-pe, konojel ri winaqi' xkimol-ki' richin nikiben rey chire pa ruwi' ri ruwach'ulew Israel; y kan xaxe chik k'a ri tzobaj richin ri Judá ri xtzeqeliben richin ri Roboam.