1 Rey 11:28 - Kaqchiquel Bible

²⁸ Ri Jeroboam kan k'o-wi ruchuq'a' y jun achin ri maneq xibinri'il chuwech, y toq ri Salomón xutz'et k'a re k'ajol achin re', chi kan k'o-wi retamabal, jari' toq rija' xuya' pa ruq'a' ronojel ri samaj richin ri tz'aq ri', ri xq'at pa kiwi' ri aj-Manasés y ri aj-Efraín.

1 Rey 11:28 ပူးပေါင်းရင်းမြစ်များ

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

San Mateo 11:30

roma ri ejqa'n ri ninya' yin man al ta, y man k'ayew ta richin nik'uaj, xcha' ri Jesús.

Wuj Richin ri Zacarías 10:6

Roma yin Jehová kan xtinya' k'a kuchuq'a' ri aj-Judá, y kan xkenkol ri aj-Israel. Kan xtinben chike richin xketzolej chik chupan ri kiruwach'ulew, roma kan ninjoyowaj kiwech. Kan xtinben chike chi achi'el xa ta man jun bey xkijech'ej kan ki' wik'in, roma ja yin Jehová ri ki-Dios, y ninwak'axaj ri kich'owen ri nikiben wik'in.

Am 5:6

Titzolej-pe ik'u'x wik'in yin rix ri ix rijatzul kan ri José, y xkixk'ase' chi utzil. Wi man xtiben ta, xtinteq-pe q'aq' pan iwi'. Y ri q'aq' ri' xtuk'is ri Betel, y man jun chik wineq ri xtik'oje' ta kan richin xtuchup ri q'aq' ri'.

Wuj Richin ri Isaías 14:25

Kan xkenk'is ri aj-Asiria ri ek'o pa ruwach'ulew Israel. Xkenxeq' chi'aqen ri chiri' pa juyu'. Man xketikir ta chik xtikiben chike ri israelita chi yesamej kik'in. Xtinwelesaj ri ejqa'n ri k'o chikij, xcha' ri Dios.

1 Rey 5:16

Y pa ruwi' ri' ek'o e 3,300 nima'q taq samajela' ri ek'o pa kiwi' konojel ri samajela' ri'.

2 Sam 19:20

roma yin ri in asamajel xq'ax chinuwech chi man utz ta ri xinben. Roma ri' xipe nabey chikiwech ri qawinaq israelita ri ek'o pa xaman, richin yatonk'ulu-el rat nu-rey, xcha'.

Wuj Richin ri Josúe 18:5

Re achi'a' re' xtikelesaj k'a pa wuqu' ri ruwach'ulew ri man jani tijach; jak'a ri tzobaj richin ri Judá kan xkek'oje' chiri' pa kiruwach'ulew ri k'o pa xokon, y chuqa' ri e rijatzul ri José kan xkek'oje' chiri' pa kiruwach'ulew ri k'o pa xaman.

Deut 1:12

Roma nuyon yin man yitikir ta ninchojmirisaj ronojel ri ruk'ayewal ri iwichin rix, ri ibanobal y ronojel ri ich'ojikil.

Wuj Richin ri Rutikeribel 47:6

wakami k'a tikicha' rije' ri ulew ri niqa' chikiwech, roma ri ruwach'ulew Egipto pan aq'a' rat k'o-wi; y akuchi nikajo' yek'oje-wi, chiri' ke'aya-wi. Y wi ek'o chikikojol rije' e nowineq taq achi'a', ke'aya' pa kiwi' ri tzobaj ri wawej yin, xcha'.

1 Rey 11:26

K'o k'a chuqa' jun chik achin ri xyakatej chirij ri rey, y rija' rubini'an Jeroboam, ruk'ajol ri Nabat, y aj pa Seredá ri chiri' pa ruwach'ulew Efraín. Ri rute' jun malka'n ixoq rubini'an Zerúa. Y ri Jeroboam jun chike ri rusamajela' ri Salomón.

1 Rey 14:7

Kabiyin y tabebij chire ri Jeroboam ri nubij ri Jehová ri qa-Dios richin Israel. Kere' k'a ri nubij: Yin xatincha' chikikojol ri nuwinaq richin xatok rey pa ruwi' ri nutinamit Israel.