1 Rey 11:26 - Kaqchiquel Bible

²⁶ K'o k'a chuqa' jun chik achin ri xyakatej chirij ri rey, y rija' rubini'an Jeroboam, ruk'ajol ri Nabat, y aj pa Seredá ri chiri' pa ruwach'ulew Efraín. Ri rute' jun malka'n ixoq rubini'an Zerúa. Y ri Jeroboam jun chike ri rusamajela' ri Salomón.

1 Rey 11:26 ပူးပေါင်းရင်းမြစ်များ

2 Crón 13:6

Man rik'in ri', ri Jeroboam ruk'ajol ri Nabat, xyakatej chirij ri Roboam ri rajaw. Y ri Jeroboam ri' xa jun rusamajel ri Salomón ri ruk'ajol kan ri David.

1 Rey 12:2

Y ri Jeroboam ruk'ajol ri Nabat k'a k'o na pan Egipto, roma animajineq-el chuwech ri rey Salomón. Y toq xrak'axaj chi xken yan, xtzolin pa ruwach'ulew Israel.

1 Rey 11:28

Ri Jeroboam kan k'o-wi ruchuq'a' y jun achin ri maneq xibinri'il chuwech, y toq ri Salomón xutz'et k'a re k'ajol achin re', chi kan k'o-wi retamabal, jari' toq rija' xuya' pa ruq'a' ronojel ri samaj richin ri tz'aq ri', ri xq'at pa kiwi' ri aj-Manasés y ri aj-Efraín.

1 Rey 11:11

Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

2 Sam 20:21

Yin man ja ta ri' ri nuch'obonik. Roma re wawe' xok-pe jun achin rubini'an Sebá ri aj pa rujuyu' ri Efraín. Ri achin ri' yakatajineq chirij ri qa-rey David. Tajacha' k'a pe rija', y yin xkinel-el wawe' chupan re atinamit, xcha'. Y ri ixoq xuya' k'a rutzij chire ri Joab chi ri ruka'n q'ij xtik'aq-pe ri rujolon ri Sebá chire rija' pa ruwi' ri tz'aq.

1 Sam 1:1

Chupan ri ruwach'ulew Israel, k'o k'a jun achin rubini'an Elcaná, aj-Ramá, chiri' chuwa taq juyu' richin ri Efraín. Ri Elcaná ruk'ajol ri Jeroham, rumam ri Elihú y ruxikin-rumam ri Tohu. Y ri Tohu ruk'ajol kan ri Suf aj-Efraín.

Wuj Richin ri Rut 1:2

Re achin re' rubini'an Elimélec, ri rixjayil rubini'an Noemí y ri e ka'i' ruk'ajol kibini'an Mahlón y Quilión. Rije' e riy-rumam kan ri achin ri xubini'aj Efrata, ri xtz'ukun kan ri tinamit Belén. Rije' xebek'oje' k'a pa ruwach'ulew Moab y xkibanala-qa kachoch chiri'.

1 Crón 2:19

Toq ri Azubá xken, ri Caleb xk'ule' chik rik'in jun ixoq rubini'an Efrata, y xk'oje' jun ral xubini'aj Hur.

1 Rey 21:22

Xtinben k'a chawe achi'el xinben chike ri aj pa rachoch ri Jeroboam ruk'ajol ri Nabat y ri Baasá ruk'ajol ri Ahías, roma rat kan xaben chuwe richin xyakatej woyowal, y roma chuqa' ja rat xabanon chire ri tinamit Israel richin xmakun chinuwech. Kere' rubin-pe ri Jehová Dios, xcha' ri Elías.

1 Rey 16:3

Roma ri' xtinwelesaj ri ak'aslen rat Baasá, y xkenk'is k'a konojel ri ek'o pan awachoch; y xtinben awik'in achi'el xinben kik'in ri aj pa rachoch ri Jeroboam ruk'ajol kan ri Nabat.

1 Rey 15:30

roma ri mak ri xuben ri Jeroboam, kan rik'in ri' xemakun konojel israelita, y rik'in ri' xuben richin xuyek royowal ri Jehová, Dios richin Israel.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 9:22

Jak'a kan man jun chike ri ruwinaq israelita ri xe'ok ta iliy richin, roma ek'o chike rije' ri xe'ok aj-labal y e aj-raqen pa kiwi', ek'o ri xe'ok rusamajel richin q'atbel-tzij, ek'o ri xe'ok tata'al y ek'o ri xe'ok aj-raqen pa kiwi' ri ye'uk'uan carruaje y achi'a' ri yech'oke' chirij kiej.

1 Sam 17:12

Ri Isaí aj-Belén richin Judá, kan janila k'a ri'j chik toq niq'aton-tzij ri rey Saúl, y rija' ek'o e waqxaqi' ruk'ajol, y jun chike rije' ja ri David.

Wuj Richin ri Rutikeribel 35:16

Xeri' xe'el chik el chiri' pa Betel, y k'a k'o na k'a juba' nrajo' richin ye'apon pa ruwach'ulew Efrata; jari' toq ri Raquel xpe ri ruq'axo'n richin alanik y kan xnimatej.

1 Rey 11:25

Kan xretzelaj ri tinamit Israel janipe' xk'ase-el ri rey Salomón. Ri Hadad y ri Rezón, rey pa ruwi' ri ruwach'ulew Siria, kan janila k'a chi etzelal xkiben chire ri Salomón.

Wuj Kichin ri To'onela' 12:5

Y ri aj-Galaad xebek'oje' k'a ri chuchi' ri raqen-ya' Jordán ri akuchi xax rupan ri ya', richin nikitz'apej ri kibey ri aj-Efraín ri xe'animej. Y toq k'o jun chike rije' ri animajineq-el y nrajo' niq'ax-apo chupan ri bey ri', ri aj-Galaad nikik'utuj chire ri wineq ri' wi rija' richin ri tzobaj richin Efraín. Y wi rija' nubij chi ni,

2 Crón 9:29

Ri ch'aqa' chik natabel richin ri Salomón, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri kichin ri e q'alajirisey ruch'abel ri Dios, kibini'an Natán y ri Ahías ri aj-Siló, y chuqa' chupan ri wuj ri nich'on chirij ri rubanobal ri Jeroboam ruk'ajol ri Nabat, y ri wuj ri' ja ri Iddo ri nitz'eton ri peteneq chiqawech ri tz'ibayon kan.