1 Rey 11:22 - Kaqchiquel Bible

²² Jak'a ri rey xuk'utuj chire: ¿Achike k'a ri nik'atzin chawe wawe' chi rat nawajo' yatzolin-el pan aruwach'ulew?, xcha' ri rey chire. Y ri Hadad xubij chi man jun ri achike ta nik'atzin chire, xaxe tiya'ox q'ij chire richin nibe.

1 Rey 11:22 ပူးပေါင်းရင်းမြစ်များ

San Lucas 22:35

K'ari' ri Jesús xuk'utuj k'a chike ri rutijoxela': Toqaqa chi'ik'u'x, toq ri jun bey xixinteq y man xinwajo' ta richin xik'uaj peqes, ni méro, ni jun chik k'ulaj xajab. ¿K'o kami ri xk'atzin chiwe y man xiwil ta?, xcha'. Y rije' xkibij chi man jun.

Marcos 14:31

Ri Pedro xubij: Stape' ta kan k'o chi yiken awik'in, kan man xkitikir ta xtinbij chi man wetaman ta awech, xcha'. Y kan konojel k'a ri tijoxela' keri' chuqa' xkibij.

Wuj Richin ri Jeremías 2:31

Rix winaqi' ri ix richin re sol winaqi' re'; tiya' jebel ixikin chire ri nuch'abel. ¿Man jun kami nuya'on chiwe rix? o ¿Man jun kami nuq'alajirisan chiwech? Nutinamit yin, ¿achike k'a roma nibij chi rix ix totajineq chuwech ronojel y man jun bey chik xkixtzolin wik'in?

Wuj Richin Bix Chire ri Dios 37:8

Taya' kan ri oyowal, y man taya' q'ij chi nich'akon chawij. Man katoyower, roma re' xa más nuyek-q'anej ruwi' ri oyowal.

1 Rey 11:21

Y toq q'axineq chik k'iy juna', jari' toq ri Hadad xrak'axaj chiri' pan Egipto chi ri David xuxlan yan el, y chuqa' xken ri Joab aj-raqen kichin ri aj-labal. Jari' toq ri Hadad xubij chire ri rey richin Egipto: Yin ninrayibej chi yitzolin ta pa nuruwach'ulew Edom. Tabana' utzil taya-el q'ij chuwe richin yitzolin k'a chila', xcha'.

1 Rey 11:23

Y k'o k'a jun achin rubini'an Rezón, ruk'ajol ri Eliadá. Y ri Eliadá animajineq-el chuwech ri rajaw ri rubini'an Hadad-ézer, rey richin ri ruwach'ulew Sobá. Ri Dios kan xuben k'a chire ri Rezón chi chuqa' xok etzelanel richin ri Salomón,

Wuj Richin Etamabel-Tzij 27:8

Kan achi'el k'a jun aj-xik' chikop ri nuya' kan ri rusok richin chi nibe nej; kan keri' chuqa' ri wineq ri nuya' kan ri rachoch y nej k'a nibe-wi.