1 Rey 11:21 - Kaqchiquel Bible

²¹ Y toq q'axineq chik k'iy juna', jari' toq ri Hadad xrak'axaj chiri' pan Egipto chi ri David xuxlan yan el, y chuqa' xken ri Joab aj-raqen kichin ri aj-labal. Jari' toq ri Hadad xubij chire ri rey richin Egipto: Yin ninrayibej chi yitzolin ta pa nuruwach'ulew Edom. Tabana' utzil taya-el q'ij chuwe richin yitzolin k'a chila', xcha'.

1 Rey 11:21 ပူးပေါင်းရင်းမြစ်များ

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

San Mateo 2:20

Y xubij chire: Kayakatej y tak'uaj-el ri ak'ual rachibilan ri rute' y kixtzolin pa ruwach'ulew Israel. Roma ri xe'ajowan chi xkikamisaj ta ri ak'ual, xa xeken yan el, xcha'.

1 Rey 2:34

Xbe k'a ri Benaías richin xberukamisaj kan ri Joab chiri' rik'in ri porobel. Ri Joab xmuq k'a pa rachoch, ri k'o pa tz'iran ruwach'ulew.

2 Sam 3:21

Chirij ri' ri Abner xubij chire ri David: Yin jare' xkiyakatej-el y xkibe richin xkenmol-pe awik'in konojel ri qawinaq israelita, richin nikijikiba' kitzij awik'in richin keri', xke'ok pan aq'a' y xkaq'aton-tzij pa kiwi' kan achi'el ri arayibel rat, xcha'. K'ari' ri David xujech-el ri Abner y rija' xtzolin-el rik'in uxlanibel-k'u'x.

1 Sam 9:26

Y ri ruka'n q'ij nimaq'a' yan k'a xek'astej y ri Samuel xroyoj-q'anej ri Saúl y xubij chire chi tiyakatej richin nuchop chik el bey. K'ari' xyakatej ri Saúl y xel-pe pa bey junan rik'in ri Samuel.

Wuj Richin ri Josúe 2:21

K'ari' ri Rahab xubij: Keri' k'a xtibanatej achi'el ri xibij, xcha'. K'ari' chi'anin k'a xerujech-el y jari' xeqaqa-el y xebe. Y ri kolo' keq xxime' kan chiri' pa ventana richin retal.

Ex 4:19

Ri Jehová kan ch'owineq chik k'a rik'in ri Moisés, toq kan k'a k'o na ri chiri' pa Madián chi k'o chi nitzolin pan Egipto, roma ri xe'ajowan ri rukamik xa xeken yan k'a, xcha'.

Wuj Richin ri Rutikeribel 45:24

Toq xerujech-el ri rach'alal xuchilabej-el chike chi man tikibanala-el oyowal pa bey. Y rije' xkichop k'a bey.

1 Rey 11:20

Toq e k'ulan chik, re ixoq re' xk'oje' jun ti ral rik'in ri Hadad y xubini'aj Guenubat. Y toq xelesex rutz'um ri ak'ual, ri Tahpenés xuk'uaj ri ak'ual chiri' pa rachoch ri rey, y chiri' xk'iy-wi junan kik'in ri ralk'ual ri rey.

1 Rey 11:22

Jak'a ri rey xuk'utuj chire: ¿Achike k'a ri nik'atzin chawe wawe' chi rat nawajo' yatzolin-el pan aruwach'ulew?, xcha' ri rey chire. Y ri Hadad xubij chi man jun ri achike ta nik'atzin chire, xaxe tiya'ox q'ij chire richin nibe.