1 Rey 11:2 - Kaqchiquel Bible

² Y chikij k'a re' ch'owineq chik kan ri Jehová y rubin kan chike ri israelita chi man kek'ule' kik'in ri winaqi' ri', roma wi xtikiben keri' kan jujik chi xtikiben chike ri israelita chi xtikitzeqelibej ri ki-dios rije'. Jak'a ri Salomón xerajo' konojel re ixoqi' re',

1 Rey 11:2 ပူးပေါင်းရင်းမြစ်များ

Wuj Richin ri Rutikeribel 2:24

Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i'.

Wuj Richin ri Rutikeribel 34:3

Jak'a ri Siquem man xuya' ta chik kan ri Dina y xbe ránima chirij. Y xutej ruq'ij chirij ri Dina richin chi xajowex ta.

1 Rey 11:9

Roma ri Salomón xa xujech'ej kan ri' chire ri Jehová ri ru-Dios, roma ri' ri Jehová kan janila xyakatej royowal chirij. Ri Jehová kan ruk'utun chik ri' ka'i' mul chuwech ri Salomón,

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

2 Crón 21:6

Jak'a rija' xa xuben achi'el ri kibanobal ri rey e richin ri ruwach'ulew Israel ri k'o pa xaman. Kan xuben k'a achi'el ri itzel taq kibanobal ri e aj pa rachoch kan ri Acab, y ri rixjayil ri Joram, ja ri rumi'al ri Acab, y roma ri' kan janila xmakun chuwech ri Jehová.

Wuj Richin ri Esdras 9:12

Roma ri' man tiya' ri imi'al chike ri kik'ajol rije' richin yek'ule', ni man tiya' ri ik'ajol chike ri kimi'al rije' richin yek'ule'. Chuqa' man tijikiba' itzij kik'in rije' richin ye'ito'. Wi xtinimaj nutzij, rix kan xtik'oje' iwuchuq'a', y xtitej ri ruwech ri che' richin re ruwach'ulew re' y kan xtikichinaj kan ri iwalk'ual rix, richin jantape', xabij chike ojer.

Wuj Richin Bix Chire ri Dios 139:21

Yin kan yenwetzelaj k'a ri ye'etzelan awichin rat Jehová. Chuqa' yenwixowaj ri nikiben itzel chawe rat.

Ex 23:31

Yin kan ninya' yan k'a chiwe ri k'ulba't richin re ruwach'ulew re ninya' chiwe. Nuchop-el rik'in re Kaqa-Palou, nijote-el ronojel ri ruchi' ri palou, nitzale' k'a akuchi k'o-wi ri raqen-ya' Éufrates y k'ari' nitzale' pa rajxokon chupan ri tz'iran ruwach'ulew y nik'ulun k'a akuchi k'o-wi ri Kaqa-Palou. Konojel k'a winaqi' richin re ruwach'ulew re' xkenjech pan iq'a' y rix xke'iwelesaj k'a el chupan ri kiruwach'ulew.

Ex 34:12

Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

Ex 34:16

Y toq rix xke'ik'en-apo ri kimi'al rije' richin chi ye'ik'uluba' kik'in ri ik'ajol rix; toq ri xtani' ri' xtikiya' kiq'ij ri ki-dios, xa kan xtikiben chike ri ik'ajol chi tikibana' chuqa' keri'.

Wuj Richin ri Malaquías 2:11

Rix tinamit Judá man xiben ta ri xijikiba' chuwech ri Jehová. Rix aj-Jerusalem xa ruyon itzel ri xiben pan Israel. Rix xa xiben chire chi man ch'ajch'oj ta ri rachoch ri Jehová roma xa xixk'ule' kik'in ixoqi' ri xa man junan ta i-dios kik'in.

Romanos 1:32

Rije' stape' ketaman chi ri Dios rubin chi ri yebanon etzelal ke taq ri', k'o chi niqa' ri kamik pa kiwi'. Man rik'in ri' k'a nikiben na ronojel etzelal, y chuqa' yekikot toq k'o ch'aqa' chik ri keri' nikiben.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

1 Corintios 15:33

Man k'a kixq'olotej, roma rix iwetaman chi wi yixok kachibil ri man utz ta ri kich'obonik, xa kan xtiyojtej chuqa' ich'obonik rix.

Apocalipsis 2:4

Xa jak'a k'o ri man utz ta nintz'et chiwij; chi ri ajowabel ri xk'oje' iwik'in pa nabey, man ja ta chik ri' ri k'o iwik'in wakami.