1 Rey 11:19 - Kaqchiquel Bible

¹⁹ Y ri rey richin Egipto janila jebel xutz'et ri Hadad, y roma ri' xuk'uluba' rik'in ri rixnan, ri rach'alal ri reina Tahpenés.

1 Rey 11:19 ပူးပေါင်းရင်းမြစ်များ

Hechos 7:10

y xukol chuwech ronojel tijoj-poqonal. Xuben k'a chire chi ri rey richin ri Egipto utz xutz'et y xutz'et chuqa' chi k'o etamabel rik'in. Roma ri' ri rey xuben chi ri José xok chuqa' q'atoy-tzij pa ruwi' ri Egipto, y pa ruq'a' chuqa' rija' xujech-wi ri rupan ri rachoch richin nuchajij.

Wuj Richin ri Rutikeribel 41:45

Y jari' k'a toq ri rey xujel ri rubi' ri José y xubij Safenat-panéah chire, y xuk'uluba' rik'in ri Asenat, rumi'al ri Potifera, sacerdote richin ri tinamit On. Jari' toq ri José xuchop rutz'etik chijun ri ruwach'ulew Egipto.

Wuj Richin ri Rutikeribel 39:21

Jak'a ri Jehová kan xuto-wi ri José y xujoyowaj k'a ruwech, y xuben chi utz xtz'et roma ri aj-raqen richin ri cárcel y chuqa' xuben chi utz nitz'et ri rubanobal.

Wuj Richin ri Rutikeribel 39:4

Re' xuben chi utz xtz'et roma ri Potifar. Y ri José xok iliy richin rija' y xuben chire chi ja rija' xok aj-raqen pa rachoch y pa ruq'a' rija' xuya-wi ri janipe' k'o rik'in.

Hechos 7:21

Toq k'o chi xbemalix kan, ri rumi'al ri rey xuk'uaj-el ri ak'ual ri', y kan achi'el k'a ral xuben chire.

1 Rey 11:18

Xe'el k'a el chiri' pa Madián y xebe k'a pa Parán y chiri' xekikanoj-el ka'i-oxi' chik achi'a' richin xekachibilaj-el, y k'ari' xe'apon pan Egipto. Y rije' xbekik'utu-ki' chuwech ri rey richin Egipto, y ri rey ri' xuya' chire ri Hadad jun rachoch, rulew, y ronojel ri nik'atzin chire richin nutej.

1 Rey 11:20

Toq e k'ulan chik, re ixoq re' xk'oje' jun ti ral rik'in ri Hadad y xubini'aj Guenubat. Y toq xelesex rutz'um ri ak'ual, ri Tahpenés xuk'uaj ri ak'ual chiri' pa rachoch ri rey, y chiri' xk'iy-wi junan kik'in ri ralk'ual ri rey.