1 Rey 11:18 - Kaqchiquel Bible

¹⁸ Xe'el k'a el chiri' pa Madián y xebe k'a pa Parán y chiri' xekikanoj-el ka'i-oxi' chik achi'a' richin xekachibilaj-el, y k'ari' xe'apon pan Egipto. Y rije' xbekik'utu-ki' chuwech ri rey richin Egipto, y ri rey ri' xuya' chire ri Hadad jun rachoch, rulew, y ronojel ri nik'atzin chire richin nutej.

1 Rey 11:18 ပူးပေါင်းရင်းမြစ်များ

Wuj Richin ri Q'axanri'il 10:12

Jari' toq ri israelita xkichop-el binen, richin xe'el-el ri chiri' pa tz'iran ruwach'ulew Sinaí. Ri sutz' kan nipataj k'a ri beneq chikiwech ri winaqi' y xbepa'e', k'a toq xe'apon na ri pa tz'iran ruwach'ulew rubini'an Parán.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Deut 1:1

Wawe' tz'ibatel-wi ri xubij ri Moisés chike ri israelita, toq ek'o chiri' pa tz'iran ruwach'ulew Arabá ri k'o pa relebel-q'ij chire ri raqen-ya' Jordán. Ek'o k'a chiri' chuwech-pe ri taq'aj Suf, pa xaman chire ri tz'iran ruwach'ulew Parán, y ri tinamit Tófel, Labán, Haserot y ri Dizahab.

Wuj Richin ri Habacuc 3:3

Ri ojer, ri Dios kan xel-pe pa tinamit Temán. Ri Loq'olej qa-Dios xel k'a pe pa ruwi' ri juyu' Parán. Ri ruruwaq'ijaj kan xunojisaj k'a ruwech ri kaj; chijun ri ruwach'ulew xnoj rik'in bix chire rija'.

Wuj Richin ri Q'axanri'il 25:18

Keri' tibana' chike, roma rije' kan xixkiq'ol roma xkiben chiwe chi xiya' ruq'ij ri Baal-peor y koma rije' xkamisex ri Cozbí ri rumi'al ri Sur, xcha'.

Wuj Richin ri Q'axanri'il 25:14

Ri achin ri xkamisex rachibilan ri ixoq aj-Madián, rubini'an Zimrí, ruk'ajol ri Salú. Y ri Zimrí jun aj-raqen pa kiwi' jun jay winaqi' richin ri tzobaj richin kan ri Simeón.

Wuj Richin ri Q'axanri'il 25:6

Y k'o k'a jun achin israelita ri ruk'uan-apo jun ixoq aj-Madián y choj xq'ax-el chuwech ri Moisés y chikiwech konojel ri israelita, rokik rije' ye'oq' chuchi' ri rachoch ri Dios richin molojri'il.

Wuj Richin ri Q'axanri'il 22:4

K'ari' ri Balac ri rey kichin ri moabita xuteq koyoxik ri rijita'q taq achi'a' ri ek'o pa ruwach'ulew Madián, y toq ek'o chik chiri', xubij chike: Re winaqi' re' xa xtikik'is ronojel ri ek'o chuwech re qaruwach'ulew, achi'el nuben jun bóyix toq nuk'is-el jumul ri q'ayis ri k'o chuwech jun ulew, xecha' chike.

Wuj Richin ri Rutikeribel 25:4

Y ri e ralk'ual ri Madián ja ri Efá, ri Éfer, ri Hanoc, ri Abidá y ri Eldaá. Konojel re' e ral-riy kan ri Queturá.

Wuj Richin ri Rutikeribel 25:2

Y xek'oje' chik waqi' kalk'ual y ja k'a kibi' re': Ri Zimrán, ri Jocsán, ri Medán, ri Madián, ri Isbac y ri Súah.

Wuj Richin ri Rutikeribel 21:21

Y ri Ismael chupan k'a ri tz'iran ruwach'ulew ri' xk'oje-wi. Y ri Agar xukanoj k'a rixjayil ri ral y ri xten ri' aj-Egipto.

Wuj Richin ri Rutikeribel 14:6

y chuqa' xekich'ek ri rijatzul ri Hor ri ek'o chiri' pa juyu' rubini'an Seír y xekitzeqelibej k'a el k'a chuwa-taq'aj richin Parán ri k'o chunaqaj ri tz'iran ruwach'ulew.

1 Rey 11:17

Toq najin ri kamik ri', ri Hadad k'a ti ala' na ok chiri'. Y rija' xanimej-el kik'in ka'i-oxi' achi'a' aj-Edom, ri e rusamajela' ri rutata', y xebe k'a pan Egipto richin xkewaj-el-ki'.

1 Rey 11:19

Y ri rey richin Egipto janila jebel xutz'et ri Hadad, y roma ri' xuk'uluba' rik'in ri rixnan, ri rach'alal ri reina Tahpenés.

Ex 2:15

Toq ri rey xretamaj ri xuben ri Moisés, jari' toq xuteq rukanoxik richin chi tikamisex; jak'a ri Moisés xa xanimej-el chuwech ri rey y xbe k'a pa ruwach'ulew rubini'an Madián, y toq xapon xbetz'uye' k'a chuchi' jun pozo.