1 Rey 11:15 - Kaqchiquel Bible

¹⁵ Toq ri David y ri Joab ri aj-raqen kichin ri aj-labal richin ri David k'a e k'es na, xek'oje' ri chiri' pan Edom. Y jari' toq ri Joab y ri aj-labal xebe-q'anej richin xebekimuqu' kan ri kiwinaq ri xeken chupan ri oyowal ri', y chuqa' xerukamisaj kan konojel achi'a' aj-Edom.

1 Rey 11:15 ပူးပေါင်းရင်းမြစ်များ

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

Deut 20:13

Y ri Jehová ri qa-Dios kan xkerujech pan iq'a', y rix kan xke'ikamisaj chi espada konojel ri achi'a'.

Wuj Richin Bix Chire ri Dios 108:10

Man jun xqojuk'uan richin niqaben oyowal chikij ri tinamit sutin kij chi tz'aq. Man jun xtuk'uan qichin richin niqaben oyowal chirij ri ruwach'ulew Edom.

Wuj Richin Bix Chire ri Dios 60:1

Nimalej Dios, rat xojaya' kan y xojawulaj k'a kan; Yakatejineq awoyowal chiqij; ¡tabana' utzil katzolin-pe qik'in, wakami!

Wuj Richin ri Q'axanri'il 31:17

Wakami k'a ke'ikamisaj konojel ri taq alaboni' chikikojol ri ak'uala'. Chuqa' ke'ikamisaj konojel ri ixoqi'.

Wuj Richin ri Rutikeribel 27:40

Rik'in k'a ri a-espada xtato-awi' y xtawilij k'a ri achaq' y xtibanatej k'a chi toq xtik'oje' awuchuq'a' xtawelesaj-awi' chuxe' ri ruchuq'a' ri achaq', xcha'.

Wuj Richin ri Rutikeribel 25:23

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

Wuj Richin ri Q'axanri'il 31:7

Y xkiben oyowal kik'in ri aj-Madián, achi'el xubij ri Jehová chire ri Moisés, y xekikamisaj k'a kan konojel ri achi'a' ri ek'o chiri'.

1 Rey 11:14

K'ari' ri Jehová xuben richin xbek'ulun-pe jun etzelanel richin ri rey Salomón, y ri etzelanel richin rubini'an Hadad, rija' ruk'ajol ri rey richin ri ruwach'ulew Edom.

1 Rey 11:16

Waqi' k'a ik' xek'oje' chiri' ri Joab y konojel aj-labal e richin Israel, k'a xekik'is na kan kikamisaxik konojel achi'a' aj-Edom.

2 Sam 8:13

Ri David kan janila k'a xel rutzijol rik'in ri xerubanala' y roma chuqa' kan xeruch'ek ri aj-Edom, y xerukamisaj e 18,000 aj-labal chiri' pa taq'aj ri nibix atz'an chire.