1 Rey 11:14 - Kaqchiquel Bible

¹⁴ K'ari' ri Jehová xuben richin xbek'ulun-pe jun etzelanel richin ri rey Salomón, y ri etzelanel richin rubini'an Hadad, rija' ruk'ajol ri rey richin ri ruwach'ulew Edom.

1 Rey 11:14 ပူးပေါင်းရင်းမြစ်များ

Wuj Richin ri Isaías 13:17

Re wakami k'a kan xkenbentaqa' k'a pe ri aj-Media chikij ri aj-Babilonia. Ri aj-Media kan man xtikich'ob ta chik ri janila chi saqipueq, ni man xtikirayij ta ri q'anapueq richin nikik'uaj.

Wuj Richin ri Isaías 10:26

Ri Jehová ri k'iytisanel richin ronojel kan xtuya' ruk'ayewal pa kiwi' rik'in jun kow ch'ayibel, achi'el xuben chike ri aj-Madián chiri' akuchi k'o-wi ri nimalej abej Oreb. Y rija' kan xkerukamisaj ri e aj-Asiria, achi'el toq xutzeqej ri ruch'ame'y pa ruwi' ri ya', y kan xerukamisaj ri aj-Egipto.

Wuj Richin ri Isaías 10:5

Ri Jehová nubij: ¡Toq'ex ruwech ri rey richin ri ruwach'ulew Asiria! Roma rija' xtinqej richin xkeruk'is ri winaqi', toq yakatajineq janila woyowal, kan pa ruq'a' rija' ninya-wi ri woyowal.

1 Crón 5:26

Y roma ri' ri Dios richin ri Israel xuben chire ri Pul rey richin Asiria richin xeyakatej chikij. Ri Pul xeruk'uaj-el pa ximonri'il ri winaqi' rubenita, gadita y ri nik'aj tzobaj richin ri Manasés ri k'o pa relebel-q'ij chire ri raqen-ya' Jordán. Y xeruk'uaj-el chupan ri tinamit Halah, Habor, Hará y chunaqaj ri raqen-ya' Gozán, ri akuchi ek'o-wi k'a re wakami. Ri Pul chuqa' nibix Tiglat-piléser chire.

1 Rey 12:15

Keri' ri rey xa man xerak'axaj ta ri winaqi'. Jak'a ri Jehová xya'on q'ij chi keri' xbanatej, richin keri' nibanatej ronojel achi'el xubij ri Jehová chire ri Ahías ri aj-Siló toq xch'on rik'in ri Jeroboam.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

2 Sam 7:14

Yin xkinok achi'el jun tata'aj chire rija', y rija' xtok achi'el jun nuk'ajol. Y toq rija' xtimakun chinuwech, yin kan xtinchojmirisaj k'a chi xik'a'y, achi'el nuben jun tata'aj rik'in ri ruk'ajol.

1 Sam 26:19

Wakami k'a wajaw tabana' utzil tawak'axaj k'a ri nuch'abel yin, ri asamajel. Wi ja ri Jehová xbin chawe richin yayakatej chuwij, rik'in juba' rija' xtuk'ul ta jun sipanik chiqawech ri xtiqasuj chire. Jak'a wi ja ri achi'a' ri xetaqchi'in awichin, ri Jehová xtuben chi xtiqaqa itzel pa kiwi', roma kan xinkelesaj-pe richin chi yin man yinichinan ta kik'in chupan ri qaruwach'ulew. Rije' chuqa' xkibij chi yin xkensamajij ch'aqa' chik dios.

1 Rey 11:13

Stape' keri', kan man chi ronojel ta ri ajawaren xtinwelesaj kan pa ruq'a' ri ak'ajol. Xa kan k'a xtinya' na k'a kan jun chik tzobaj chire ri nutinamit richin xtik'oje' kan pa ruq'a'; kere' xtinben roma ri wajowabal chire ri David ri nusamajel, y roma ri wajowabal pa ruwi' ri nutinamit Jerusalem ri nucha'on chik, xcha' ri Jehová.

1 Rey 11:15

Toq ri David y ri Joab ri aj-raqen kichin ri aj-labal richin ri David k'a e k'es na, xek'oje' ri chiri' pan Edom. Y jari' toq ri Joab y ri aj-labal xebe-q'anej richin xebekimuqu' kan ri kiwinaq ri xeken chupan ri oyowal ri', y chuqa' xerukamisaj kan konojel achi'a' aj-Edom.

1 Rey 11:23

Y k'o k'a jun achin rubini'an Rezón, ruk'ajol ri Eliadá. Y ri Eliadá animajineq-el chuwech ri rajaw ri rubini'an Hadad-ézer, rey richin ri ruwach'ulew Sobá. Ri Dios kan xuben k'a chire ri Rezón chi chuqa' xok etzelanel richin ri Salomón,

Wuj Richin ri Q'axanri'il 24:18

Xtuch'ek ri ruwach'ulew Edom, ja', xtuch'ek ri tinamit Seír, ri etzelanel kichin. Jak'a ri tinamit Israel kan xtik'oje-el kuchuq'a'.