1 Rey 11:12 - Kaqchiquel Bible

¹² Jak'a, roma kan janila xinwajo' ri David ri atata', roma ri' man ninwelesaj ta ri q'atbel-tzij chawe rokik k'a at k'es na. Xa k'a ja pa ruq'a' ri ak'ajol xtinwelesaj-wi kan.

1 Rey 11:12 ပူးပေါင်းရင်းမြစ်များ

2 Rey 20:19

K'ari' ri Ezequías, xubij chire ri Isaías: Ri ruch'abel ri Jehová ri xabij janila jebel. Kan xtik'oje' uxlanibel-k'u'x y man jun xtibanatej rokik k'o nuk'aslen yin, xcha'.

2 Rey 20:17

Xtapon k'a ri q'ij toq ronojel ri k'o chupan ri awachoch, y ronojel k'a ri kibeyomel kan ri ate-atata' k'a re wakami; ronojel re' xtuk'uex-el pa Babilonia, y kan man jun k'a xtik'oje' kan.

1 Rey 21:29

¿Atz'eton chi ri Acab janila xuqasaj-ri' chinuwech yin? Y roma k'a janila xuqasaj-ri' chinuwech, man xtinya' ta ri ruk'ayewal pa ruwi' re q'ij re'; k'a toq xtiq'aton na kan tzij ri ruk'ajol, k'ari' xtinya-pe ri ruk'ayewal pa ruwi' ri rachoch, xcha' ri Jehová.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Rutikeribel 19:29

Kere' k'a xk'uluwachitej toq ri Dios xeruk'is ri tinamit ri akuchi xk'oje-wi ri Lot. Ri Dios kan xuben k'a achi'el xuk'utuj ri Abraham chire y xerukol k'a pe ri Lot pa Sodoma toq achi'el xupiskolij kan ri' ri tinamit.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

1 Rey 11:11

Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

1 Rey 11:13

Stape' keri', kan man chi ronojel ta ri ajawaren xtinwelesaj kan pa ruq'a' ri ak'ajol. Xa kan k'a xtinya' na k'a kan jun chik tzobaj chire ri nutinamit richin xtik'oje' kan pa ruq'a'; kere' xtinben roma ri wajowabal chire ri David ri nusamajel, y roma ri wajowabal pa ruwi' ri nutinamit Jerusalem ri nucha'on chik, xcha' ri Jehová.

1 Rey 11:31

Y xubij chire ri Jeroboam: Tachapa-el lajuj chire la kablajuj wech' tzieq la' roma rubin ri Jehová ri qa-Dios richin Israel chi rija' xtrelesaj ri ajawaren pa ruq'a' ri Salomón, y xtuya' chawe rat lajuj tzobaj winaqi'.

1 Rey 11:35

Jak'a toq xtok kan jun chike ri ralk'ual chupan ri ajawaren, jari' toq ri Jehová xtrelesaj kan ri ajawaren pa ruq'a' y xtujech pan aq'a' rat ri lajuj tzobaj winaqi'.

2 Rey 19:34

Yin xtinto' re tinamit re' richin xtinkol roma ninwajo-qa-wi' yin y roma chuqa' ri wajowabal pa ruwi' ri David ri nusamajel. Keri' nubij ri Jehová, xcha' ri Isaías.

1 Rey 11:32

Jak'a chire ri rey Salomón xaxe chik jun tzobaj winaqi' ri xtuya' roma kan nujoyowaj ruwech ri David ri rusamajel, y roma chuqa' kan rucha'on ri tinamit Jerusalem chukojol ronojel ri tinamit pa ruwach'ulew Israel.

1 Rey 11:34

Y ri Dios xubij chi ja ri David ri rusamajel ri xucha', y rija' kan xutaqej ri rupixa', y roma ri rajowabal pa ruwi' ri David, man nrelesaj ta ronojel ri ajawaren pa ruq'a' ri Salomón, xa kan k'a xtik'oje' na ri ajawaren pa ruq'a' chijun ruk'aslen.

2 Rey 8:19

Man rik'in ri', ri Jehová man xrajo' ta xuk'is ri ajawaren richin Judá, roma ri rajowabal chire ri David ri rusamajel. Y roma chuqa' kan rubin chire ri David chi jantape' xtik'oje' jun rijatzul rija' chupan ri ajawaren.