1 Rey 11:11 - Kaqchiquel Bible

¹¹ Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

1 Rey 11:11 ပူးပေါင်းရင်းမြစ်များ

1 Rey 11:31

Y xubij chire ri Jeroboam: Tachapa-el lajuj chire la kablajuj wech' tzieq la' roma rubin ri Jehová ri qa-Dios richin Israel chi rija' xtrelesaj ri ajawaren pa ruq'a' ri Salomón, y xtuya' chawe rat lajuj tzobaj winaqi'.

2 Rey 17:21

Ojer kan toq ri tinamit Israel xujech'ej-ri' rik'in ri rijatzul ri David, jari' toq xkibij chi xok ki-rey ri Jeroboam, ruk'ajol kan ri Nabat. Y rija' xuben chike richin man xkitzeqelibej ta chik ri Jehová, y xuben chike richin xemakun.

1 Rey 12:20

Y toq ri ch'aqa' chik tzobaj tinamit Israel xkak'axaj chi ri Jeroboam xtzolin-pe, konojel ri winaqi' xkimol-ki' richin nikiben rey chire pa ruwi' ri ruwach'ulew Israel; y kan xaxe chik k'a ri tzobaj richin ri Judá ri xtzeqeliben richin ri Roboam, ri rijatzul kan ri Salomón.

Wuj Richin ri Q'axanri'il 14:35

Yin, Jehová, kan nubin wi k'a, chi kan keri' ri xtinben kik'in konojel ri winaqi' ri e banoy etzelal; rije' kan xeyakatej chuwij re wawe' chupan re tz'iran ruwach'ulew y roma ri' kan xkek'is y xkeken kan re wawe', xcha'.

Wuj Richin ri Q'axanri'il 14:23

Y roma ri' kan konojel k'a rije' man xtibekitz'eta' ta ri ruwach'ulew ri', ri kan nuya'on nutzij chi ninya' chike ri ite-itata'. Kan man jun k'a chike ri xetzelan wichin, ri xtitz'eton ta ri ruwach'ulew ri'.

1 Rey 11:12

Jak'a, roma kan janila xinwajo' ri David ri atata', roma ri' man ninwelesaj ta ri q'atbel-tzij chawe rokik k'a at k'es na. Xa k'a ja pa ruq'a' ri ak'ajol xtinwelesaj-wi kan.

1 Rey 11:26

K'o k'a chuqa' jun chik achin ri xyakatej chirij ri rey, y rija' rubini'an Jeroboam, ruk'ajol ri Nabat, y aj pa Seredá ri chiri' pa ruwach'ulew Efraín. Ri rute' jun malka'n ixoq rubini'an Zerúa. Y ri Jeroboam jun chike ri rusamajela' ri Salomón.

1 Rey 11:29

K'o k'a jun q'ij toq ri Jeroboam eleneq-pe chiri' pa Jerusalem ruyon, y xberuk'ulu-pe jun achin q'alajirisey ri ruch'abel ri Dios, ruyon chuqa'. Re achin re' rubini'an Ahías, y rija' aj-Siló. Ri Ahías ruq'un-el jun k'ak'a' tzieq.

2 Rey 17:15

Xa man xkitaqej ta ri pixa', y chuqa' man xkajo' ta xkitzeqelibej ri jikibel-tzij ri rubanon ri Jehová kik'in ri kite-kitata'. Pa ruk'exel ri' xa xekitzeqelibej dios ri xa man jun kejqalen, y xa kiyon rije' xkiben chi maneq kejqalen. Ri Jehová xubij chike chi kan man nikiben ta ri achi'el ri ch'aqa' chik winaqi' aj-Canaán, jak'a rije' xa xekitzeqelibej ri itzel taq banobel.

Wuj Richin Bix Chire ri Dios 78:10

Kan man xkiyek ta k'a pa kánima ri jikibel-tzij ri xuben ri Dios kik'in. Y man xkajo' ta k'a xebiyin achi'el ri nubij ri rupixa'.