1 Rey 11:1 - Kaqchiquel Bible

¹ Ri rixjayil ri rey Salomón ja ri rumi'al ri rey richin Egipto, jak'a pa ruwi' ri' ek'o más ixoqi' ri xerajo' y xe'ok rixjayil. Ek'o chike rije' e aj-Moab, aj-Amón, aj-Edom, aj-Sidón y chuqa' ixoqi' hitita; konojel re ixoqi' re' man e ruwinaq ta.

1 Rey 11:1 ပူးပေါင်းရင်းမြစ်များ

Deut 17:17

Chuqa' man tik'oje' k'iy rixjayil richin man tisach kan ruk'u'x y numestaj kan ri Jehová y chuqa' man tik'oje' pa ruk'iyal q'anapueq y saqipueq rik'in.

Wuj Richin Etamabel-Tzij 6:24

Chuqa' ri pixa' y ri tijonik ri' kan xkixruchajij chuwech ri ixoq ri man utz ta ruk'aslen, kan xkixruchajij chuwech ri buyul taq ch'abel richin jun ixoq ri man iwetaman ta ruwech.

Wuj Richin Etamabel-Tzij 7:5

Y re', kan xtuben k'a chiwe chi yixrukol chuwech ri k'ulan ixoq ri yerukanola' achi'a', kan yixrukol chuqa' chuwech ri ixoq ri jebel ok taq ch'abel ri yerubij chiwe.

Wuj Richin Etamabel-Tzij 2:16

Ri na'oj xa kan xkixrukol richin chi man yixqaqa pa ruq'a' ri ixoq ri itzel ruk'aslen, chuwech ri ixoq ri' ri nrajo' yixruch'ek rik'in ri jebelej taq ruch'abel.

1 Rey 11:8

Y keri' chuqa' xuben chike ri ki-dios ri ch'aqa' chik rixjayil ri man e israelita ta, roma rije' nikiporoj pom y nikisuj kamelabel chikiwech ri ki-dios.

Wuj Richin Etamabel-Tzij 22:14

Kan achi'el k'a jun jul ri janila nim rupan, keri' ri pa ruchi' ri ixoq ri nukanoj jun chik achin, y k'a chiri' nibetzaq-wi ri achin, ri xa itzel nich'on chirij ri Jehová.

1 Rey 3:1

Ri rey Salomón xk'ule' rik'in ri rumi'al ri rey richin Egipto, y keri' xjunamatej-kiwech, y xek'oje' chiri' pa rutinamit kan ri rey David, rokik chiri' pa Jerusalem najin rupabaxik ri rachoch rija', ri rachoch ri Jehová y ri tz'aq ri nisutin-rij ri tinamit ri'.

Wuj Richin Etamabel-Tzij 23:33

Y jari' toq kan xkepalej k'a achike na pan awech, y ri pan awánima kan xkebe'el k'a pe itzel taq ch'abel ri xa man jun bey e abin.

Wuj Richin ri Chojmirisabelri'il 18:18

Rokik k'a k'es na ri rixjayil, man tik'ule' rik'in ri rixnan, ri ruchaq' o runimal ri rixjayil y chuqa' man tik'oje' rik'in roma rik'in juba' ye'ok kik'ulel-ki' pa jay.

Ex 34:16

Y toq rix xke'ik'en-apo ri kimi'al rije' richin chi ye'ik'uluba' kik'in ri ik'ajol rix; toq ri xtani' ri' xtikiya' kiq'ij ri ki-dios, xa kan xtikiben chike ri ik'ajol chi tikibana' chuqa' keri'.

1 Rey 16:31

Ri Acab kan man xuch'ob ta juba' chi xa mak ri xerubanala' ri Jeroboam ri ruk'ajol ri Nabat, y kan jari' ri xuchop rubanik rija'. Pa ruwi' ri' kan xk'ule' rik'in jun ixoq rubini'an Jezabel, rumi'al ri Et-baal rey kichin ri aj-Sidón. Ri Acab xuchop k'a rusamajixik y ruya'ik ruq'ij ri Baal.

Wuj Richin ri Esdras 10:44

Konojel re achi'a' re' xek'ule' k'a kik'in ixoqi' ri man e kiwinaq ta; y ek'o k'a chike ri ixoqi' ri' xek'oje' kal kik'in ri achi'a' ri'.

Wuj Richin Etamabel-Tzij 31:3

Man tak'is ri awuchuq'a' kik'in ixoqi', ni man taben ri banobel ri e tzaqayon-el kichin k'iy rey.

1 Rey 14:21

Jak'a chupan ri tinamit Jerusalem ri cha'on kan roma ri Dios chikikojol ri tzobaj richin ri Israel richin chi chiri' niya'ox-wi ruq'ij rija', chupan ri tinamit ri', ja ri Roboam ri ruk'ajol kan ri Salomón jari' ri rey. Toq xok kan rey pa ruwi' ri ruwach'ulew Judá k'o k'a kawineq jun rujuna', y xq'aton k'a tzij wuqlajuj juna'. Ri rute' rija' rubini'an Naamá aj-Amón.

1 Rey 14:31

Xuxlan k'a ri Roboam y xmuq akuchi e muqul-wi ri rute-rutata' pa rutinamit kan ri rey David, y ri rute' ri Roboam rubini'an Naamá aj-Amón. Y ri xk'oje' kan pa ruk'exel ja ri ruk'ajol ri rubini'an Abiam.

Wuj Richin ri Esdras 9:1

Toq k'achojineq chik k'a ronojel re', ri tata'al xepe wik'in y xkibij chuwe: Ri e sacerdote, ri e levita y ri ch'aqa' chik qawinaq man kich'aron ta k'a ki' kik'in ri winaqi' aj-Canaán, ri hitita, ri ferezeo, ri jebuseo, ri amonita, ri moabita, ri egipcio y ri winaqi' amorreo. Y chuqa' kan nikiben ri itzel kibanobal rije'.

Wuj Richin ri Esdras 9:2

Rije' kan e k'ulan kik'in ri kimi'al re winaqi' re', y keri' chuqa' ri kik'ajol, y kan xkixol-pe-ki' qik'in roj, ri kan oj ch'aron. Y pa ruwi' re' ja ri e tata'al y ri e aj-raqen pa kiwi' ri qatinamit, ja rije' ri e nabey ri xebanon re mak re', xecha'.