1 Rey 10:9 - Kaqchiquel Bible

⁹ Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

1 Rey 10:9 ပူးပေါင်းရင်းမြစ်များ

Wuj Richin Bix Chire ri Dios 72:2

richin rija' xtiq'aton-tzij pa ruwi' ri tinamit, y richin xtuya' ruchojmilal pa kiwi' ri yetz'ilox.

1 Rey 5:7

Toq ri rey Hiram xrak'axaj ri ch'abel ri rutaqon-el rubixik ri rey Salomón, janila xkikot y xmatioxin y xunimirisaj ruq'ij ri Jehová, roma kan ruya'on jun ruk'ajol ri David, ri janila runa'oj richin nuq'et-tzij pa ruwi' ri jun nimalej tinamit.

2 Sam 8:15

Ri David xq'aton-tzij pa ruwi' chijun ruwach'ulew Israel. Y kan ronojel k'a utz y pa ruchojmilal ri xeruben rik'in ri tinamit.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.

2 Crón 2:11

K'ari' ri Hiram rey richin Tiro xuteq-pe jun wuj rik'in ri Salomón, y kere' nubij: Ri Jehová janila nrajo' ri rutinamit, y roma ri' ja rat xarukusaj kan rey pa ruwi' ri ruwach'ulew Israel.

Wuj Richin Bix Chire ri Dios 22:8

¡Rija' rukuquban ruk'u'x rik'in ri Dios. Wakami kan tikol k'a roma rija', roma kan qajineq chuwech!, yecha'.

Wuj Richin Bix Chire ri Dios 18:19

Ja ri Jehová xikolon y xiruya' ri akuchi kan janila jebel. Roma kan janila yirajo' xirelesaj chupan ri ruk'ayewal.

1 Crón 17:22

Y xaben chiqe chi roj xojok atinamit richin q'asen, y ja rat Jehová, xatok qa-Dios.

2 Sam 23:3

Ri qa-Dios roj israelita xch'on. Ja ri to'onel qichin ri xbin re ch'abel re' chuwe: Toq jun niq'aton-tzij pa ruchojmilal, kan achi'el ri saqil ri nel-pe nimaq'a' yan ri man jun sutz' k'o chuwech. Toq jun q'atoy-tzij kan k'o rukiy ri Dios chuwech, kan achi'el ri job ri nibanon chi nibek'ulun-pe ri q'ayis pan ulew.

Wuj Richin ri Isaías 62:4

Man xtibix ta chik chire, jun tinamit ri xtole' kan. Ni chuqa' man xtikibij ta chik chi kan xk'is. Jak'a kan xtibix chire chi kan jebel ok, y kan achi'el rixjayil, roma ri Jehová kan xtujoyowaj ruwech, y ri ruwach'ulew kan xtok achi'el jun rixjayil.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

2 Sam 5:12

K'ari' ri David xq'ax chuwech chi kan ja ri Jehová ri xjikiban kan richin chupan ri ajawaren, y roma ri' ri ajawaren kan janila xnimer chuwech roma ri rajowabal ri Dios pa ruwi' ri tinamit Israel.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Wuj Richin ri Malaquías 1:2

Yin Jehová kan ix wajowan-pe. Jak'a rix nik'utuj ri achoq ik'in nuk'utun-wi chiwech chi kan yixinwajo'. Stape' ri Jacob chaq'laxel chuwech ri Esaú, yin kan ja ri Jacob ri xincha'.