1 Rey 10:4 - Kaqchiquel Bible

⁴ Y ri reina xrak'axaj k'a ri etamabel y ri na'oj ri xuch'abalij ri Salomón y chuqa' xutz'et ri rachoch ri rubanon-q'anej.

1 Rey 10:4 ပူးပေါင်းရင်းမြစ်များ

San Mateo 12:42

Chuqa' toq xtapon k'a ri q'ij richin xtiq'at-tzij pan iwi', ri reina richin ri ruwach'ulew Sabá xtubij k'a chi man utz ta xiben, chi man xinimaj ta. Roma toq xk'ase' rija', janila nej xbiyin-pe richin xorak'axaj ri etamabel ri xk'oje' rik'in ri rey Salomón. Y wakami ink'o yin ri más wetamabal chuwech ri rey ri', jak'a xa man yininimaj ta, xcha' ri Jesús.

Wuj Richin ri Molojri'il 12:9

Y ri ch'abaliy ruch'abel ri Dios, kan q'ij-q'ij k'a xk'oje-el más runa'oj, y roma ri' kan más k'a jebel kitijoxik xuben chike ri winaqi'. Kan xukanoj y xrak'axaj ri nikibij ri winaqi' y k'iy ri etamabel-tzij ri xeruben kan rija'.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

San Mateo 6:29

Y rix iwetaman achike xuben ri Salomón ri ojer kan. Rija' kan xuwiq k'a ri' rik'in jebelej taq tzieq, jak'a kan man jun bey xk'oje' ta jun rutziaq jebel achi'el titzu'un ri kotz'i'j lirio.

San Lucas 12:27

Ke'itzu' na pe ri kotz'i'j lirio ri yek'iy pa juyu'. Rije' man yesamej ta, ni man yebatz'in ta, richin ta nikibanala' kitziaq jebel ok. Jak'a ri Salomón, stape' janila rubeyomel, man jun bey xk'oje' ta jun rutziaq achi'el titzu'un jun kotz'i'j.

1 Rey 10:3

Ri rey Salomón kan xtikir xubij ronojel ri xuk'utuj ri reina chire y man jun k'ayew xuben chuwech richin xuchol ronojel chire.

1 Rey 10:5

Toq xutz'et ri jebelej taq q'utun, ri kachoch ri e aj-samaj ri ek'o rik'in, ri jebelej kina'oj y ri kitziaqul ri ye'ilin richin, ri e pajoy y ri e jachoy vino, y ri kamelabel ri xeporox ri chiri' pa rachoch ri Jehová; jari' toq janila xumey,