1 Rey 10:26 - Kaqchiquel Bible

²⁶ Ri Salomón xeruloq' k'a e k'iy ru-carruaje y xek'oje' e k'iy ruwinaq ri yech'oke' chirij kiej. Ronojel k'a ri ru-carruaje e 1,400, y e 12,000 achi'a' ri yech'oke' chirij kiej, ri xerutaluj k'a pa taq tinamit ri akuchi yeyak-wi ri carruaje, y chuqa' ek'o xek'oje' kan rik'in ri chiri' pa Jerusalem.

1 Rey 10:26 ပူးပေါင်းရင်းမြစ်များ

2 Crón 9:25

Ri Salomón xek'oje' e 4,000 rukiej y keri' chuqa' rajlabal ri akuchi xek'oje-wi ri kiej y ri carruaje, chuqa' e 12,000 achi'a' ri yech'oke' chirij taq kiej. Re' xerutaluj k'a pa taq tinamit ri akuchi yeyak-wi ri carruaje, y chuqa' ek'o xek'oje' kan rik'in ri chiri' pa Jerusalem.

1 Rey 4:26

Y rik'in rija', xek'oje' 4,000 kachabal kiej, kichin ri kiej ri yejik'o-el ri carruaje. Y ek'o chuqa' e 12,000 achi'a' ri yech'oke' chirij kiej.

1 Rey 9:19

Y keri' chuqa' xerupaba-q'anej ri tinamit ri akuchi ek'o-wi ri ru-carruaje richin oyowal, ri tinamit akuchi xek'oje-wi ri achi'a' ri yech'oke' chirij kiej y ri tinamit ri akuchi ek'o-wi yakonabel richin ronojel ri nitij. Y chuqa' xupaba-q'anej ronojel ri xrajo' chi xban ri chiri' pa Jerusalem, ri chiri' pa Líbano y chijun ruwach'ulew ri k'o chuxe' ri ruq'atbal-tzij rija'.

Deut 17:16

Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

Wuj Richin ri Isaías 2:7

Ri qaruwach'ulew xa kan nojineq rik'in q'anapueq y saqipueq. Ri qabeyomel xa man ajlatel ta. Chuqa' chupan ri qaruwach'ulew janila chi kiej ek'o, y ri carruaje kan man e ajlatel ta.

1 Rey 5:6

Yin nink'utuj k'a jun nimalej utzil chawe chi tataqa' ruqupixik tiox-che' pa Líbano, y yin xkentoj ri asamajela' ri xkebanon ri samaj achi'el ri kajel ri xtabij rat, roma awetaman chi re wawe' pa nutinamit man jun nitikir niqupin che' achi'el ri isamaj rix ri aj-Sidón. Yin xkenteq chuqa-el nusamajela' ri xketo'on kichin, xcha-el ri Salomón.